نعي بحق احباب زينب ع




ضاك الخلك ونريد الاحباب
وعيونه تربي على الباب
يسحك الروح ومر الغياب


غابو وغيبتهم ثكيله
ويا يومهم مابيه حيله
سافرو والسفره طويله


يطول الفراك ويهدم الحيل
وعيونه ولا نامت الليل
يصعب علينه احبابنه اتشيل


يفراكهم يعمي بالعيون
شالو ولينه ما يعودون
نخلص وكتنه شلون بشلون


ضاك الخلك وتلملم الهم
وكلبي على احبابه تألم
يطول سفرهم ونتهدم


تهدم الحيل وشال حيله
وكون اليفارك فرد ليله
يا ساعة الفركه ثكيله



ضاك الخلك ونريد اهلنه
عكبهم بعد بالعمر شلنه
كطعو وصلهم من وصلنه


عنه الوصل جاليش كطعوه
وباب النزل بالعيد سدوه
وكلب اليحبهم يون خلوه


كطعو وصلهم والامل خاب
شالو ودمع العين سجاب
نعتب بعد شيفيد العتاب


بقلم ✍الشاعره ام كرار الساعدي