***
Bir hayqiriq kelgandi tashqari chiqarmadim,
Bir chaqiriq kelgandi kiritmadin ichkari.
To'lib turganimda ham birovga to'kilmadim,
Tovonimga sanchildi yuragim siniqlari.

Bir ruhimning ikki xil tuyg'usi bor tuyilgan,
Bir ohimning ikki xil ohangi bor o'ylasam.
O'zimni o'z ko'zimga mahkamlab, mixlab qo'ygan,
Berilmagan va'dalar va ichilmagan qasam.

Kichlar teng keldimikan, mavhumligi ma'lumdir.
Ranglarga bo'yab chiqdim tabiri yo'q tushimni.
Endi bardoshim mening balki shodlik uchundir,
Baxtga olib qo'yganman so'ngi tomchi yoshimni.

Uringan devorlarga asramadim boshimni.

Xojimurod Qo'ziboyev