Muhammad Uralov

Haqiqatga tik qarolmaganlar cho’kaveradi

Universitetga tayyorlanardim, lekin doim sinov test topshirishdan qochardim. Yaxshi o’qimayotganimni, darslarni to’liq qilmayotganimni o’zim bilardim, lekin buni tan olgim kelmasdi. Bahonalar qidirardim, haqiqatdan qochardim!

O’qishga topshirdim, haqiqat bilan yuzlashdim! Haqiqiy holatimni bilganimdan keyin shundan kelib chiqib tayyorlanishni boshladim, keyingi yil kirdim o’qishga, lekin 3 yil umrim yo’qoldi orada.

Do’stim bir qizni yoqtirardi, do’stona suhbatlashib turardi. Menga turmushga chiqasanmi deb so’ray olmasdi, yo’q desa butunlay yo’qotishdan qo’rqardi. Oqibatda arosatda yillar yo’qotdi, ilm olishi sekinlashdi, umri ham unga umid bog’lab o’tib ketdi. Baribir oxirida haqiqat bilan yuzlashishga to’g’ri keldi. Taqdirda yozilgani bo’ldi!

Insonlardagi eng yaxshi fazilatlar samimiylik, xatoni tan olish, haqiqat bilan yuzlashishdan qochmaslik! Biz ba’zan hayot majbur qilmaguncha haqiqatdan turli bahonalar bilan qochamiz! Oqibatda qimmatli vaqtimizni yoqotamiz.

Kasalini tan olgan bemorni davolash oson bo’ladi, kasal bo’la turib, kasalmasman deganlarni tuzatib bo’lmaydi.

Eng qizig’i hayot hammani uchrashtiradi bu haqiqat bilan. Tan olganlar tez o’zgarib, rivojlanib ketaveradi, qolganlar yillarni yo’qotadi.

@MuhammadUralov

Boy bo’lsang ham foydasi yo’q

Yaqinda xalqaro Pisa testi natijalari chiqdi, unga ko’ra bizning ta’lim 81 ta davlat ichidan 80-o’rinni olgan(matemdan 72 faqat).

U testdan tashqari so’rovnomalar ham bo’lgan va bizda juda qiziq faktlar bor. Dunyoda aholisi eng teng davlatlarda ham boylar va kambag’allar ta’limi orasida tahminan 100 ball farq bor.

Bizda esa hamma deyarli teng, hamma bir xil rasvo!

Boylar farzandi ular yeyayotgan ovqatlar, olayotgan ta’limi, uyidagi sharoitlar va kitoblar sifati evaziga hamma joyda baland. Bizda esa buni ta’siri deyarli yo’q.

Ikkita xulosa: 1. Senda pul bo’lsa ham sifatli ta’lim tizimi va yetarlicha malakali o’qituvchilar hali bizda yo’q.

2. Boylar ilmdan ko’ra, xashamatli uylar, to’ylar va moddiy narsalarga ko’proq e’tibor berishadi.

Qaysi biri to’g’ri men bilmayman lekin, ikkisi ham qo’rqinchli!

@MuhammadUralov

Musulmon egoist bo’ladi!

Senga ota-onang, vataning, kelajak oilang uchun o’qi deyishim mumkin. Yoki shunchaki o’zing uchun ilm ol deyishim ham. Kelajakda sen zo’r bo’lsang, bundan avvalo sen, keying oilang, keyin vataning yutadi. Kamida yaxshi soliq to’lovchi va bir oilani bahtli qiladigan inson bo’lasan.

Musulmon inson egoist bo’ladi. U insonlarga yordamni savob uchun qiladi.

U ibodatlarni o’zining jannatga kirishi uchun qiladi.

Holis ilm olib o’zining Alloh oldida martabasini ko’tarmoqchi bo’ladi.

Har qanday yaxshiliklarni qilar ekan, avvalo o’ziga foyda olyotgan bo’ladi. Eng oxirgi nuqtasi o’zini roziligini topib yaratgan jamolini ko’rish bo’ladi.

Ishlarni qilar ekansan avvalo o’zingni o’ylab qilaver sen yaxshi bo’lsang albatta boshqalarga ham foydang tegadi!

@MuhammadUralov

Yondirmog’ing uchun avval yonmog’ing kerak!

Maktabni kuzataman bolalar 10 ta fandan 2-3tasidangina uyga vazifa qiladi. Qolganidan uyga vazifa berilmaydi yoki berilsa ham qattiq turib so’ralmaydi.

Sabab oddiy, bolalardan qat’iy turib vazifalarni so’rash katta mashaqqat talab qiladi. Ko’pchilik ustozlar bu qiyinchilikka o’zlari turib bera olishmaydi.

Oqibat: seni va faningni hurmat qilmaydigan o’quvchilar, yomon natijalar va dars o’tishdan bezib qolgan sen!

Ba’zan bolalarni qiynab nafslariga qarshi kurashda ularga yordam berib yuborishimiz kerak! Lekin buning uchun avvalo o’zimizni qiynab xotirjamlik, tinchlikdan voz kechish qattiq kurashish kerak. Qisqasi ularni yondirmoq uchun avval o’zimiz yonishimiz kerak.

@MuhammadUralov

Foydasi qancha bo’lsa zarari ham shuncha

Bir yaqin do’sting bor. Barcha sirlaringni aytasan, eng katta xatolaringni ham bosiqlik bilan eshitadi, tanqid qilmaydi. Sen haqingda hamma narsani biladi va seni borligingcha qabul qilgan.

Bir qarashda bunday do’stni hamma orzu qiladi. Lekin bir kun dushmaningga aylansachi? Dunyoda undan xavfli inson topa olasanmi?

Messi dunyodagi eng zo’r o’yinchi, butun jamoa o’ynolmaganda ham bir o’zi tortib yuraverardi. Uni davrida Barcelona qanchalik yuksaklarga chiqqan bo’lsa u ketishi bilan shunchalik pastga quladi.

Bir kompaniyani bilaman. Yosh, ilmli, taqvodor bir yigit boshqarardi. Yuzlab jamoa a’zolari u uchun shu yerga kelgan va u uchun ishlashardi. Yigit ham butun jamoani oldinga tortar, ularni yorqin kelajakka ishontira olardi. O’tgan yili u ketdi.

Aksar jamoa a’zolari ham ketishdi. Shundan beri kompaniyada bosh yo’q. Qolgan jamoa a’zolari qayerga qarab ketayotganini bilishmaydi. Kompaniyada xaus hukmron.

Uch misolda ham bir xulosa bor. Ular borligi qanchalik katta foyda bergan bo’lsa yo’qligi xuddi shuncha zarar olib keldi. Umumiy xulosani esa o’zingizga qoldiraman. Komentlarga yozing suhbatni davom ettiramiz!

@MuhammadUralov

Maqsad charchatmaydi

Maktabda kuniga 7-8 soat dars beraman. Darsdan chiqib o’zimni charchagandek his qilaman. Dam olishim, o’zimga kelib olishim kerak deb bekorchi ishlarni ham qilib qo’yaman.

Xuddi mendek ishlaydigan lekin IELTS olishni maqsad qilgan do’stim bor. Ishdan birga chiqamiz, men hayol surib telifon o’ynab ketaman u ingliz tilidan so’z yodlab, listening qilib ketadi. Uni maqsadi bor u charchamaydi.

Abiturient vaqtlarim kuniga 1 mahal ovqatlanib ham o’qiyverardim, ovqatlanish uchun ketgan yarim soatni qizg’anardim, o’rniga bitta mavzu tugatardim. Hozir tushlik yoki nonushta qilmasam ochlikka chiday olmayman. Asabiy bo’lib qolaman. Oldingi Muhammadni maqsadi oliy edi, u och qolmasdi.

Ertalab turish qiyin bo’lsa, dars qilish uchun diqqatni jamlay olmayotgan bo’lsang, kitob o’qishga o’zingni majburlay olmasang maqsadingni tekshirib ko’r. U yetarlicha katta emas, bo’lmasa seni harakatga keltirishi, uxlatmasligi, charchatmasligi va och qolganingni sezdirmasligi kerak!

@MuhammadUralov

Adolatli dunyo

Darsda bolalarni tinchlantirolmay qiynalayotgan va o’quvchilar uni hurmat qilmasligidan noliyotgan o’qituvchini ko’rsam rahmim kelmaydi. Bu darsga vaqtida tayyorlanmagan va yetarli ilm olmagani uchun adolatli jazo!

Farzandi noqobilligi uchun ruhan qiynalayotgan, har kuni bugun yana nima qing’ir ish qilar ekan deb qo’rqib yashayotgan ota-onalarga ham achinmayman. Bu bolaga vaqtida yetarlicha e’tibor bermaganligi va o’zi ilm olib to’g’ri tarbiyalamagani uchun adolatli jazo!

Kimdir 40 ga kirib moliyaviy qiynalayotgan bo’lsa va kambag’allikdan aziyat chekayotgan bo’lsa unga ham hayot dangasaligi va kerakli ilmni vaqtida olmagani uchun adolatli jazo beribdi deb hisoblayman.

Kimnidir do’stlari ishonmasa, yonida suyanadigan yaqinlari qolmagan bo’lsa, shu vaqtgacha aytgan yolg’onlari va berilgan va’dalarga amal qilmaganiga yarasha adolatli jazo beribdi hayot!

P/S: kimdur barcha sabablarni qilgan lekin Alloh taqdiri bilan shunday ahvolga tushib qolgan bo’lishi ham mumkin. Istisnolar hamma joyda bor. Lekin aksariyat holatda hozirgi holatimizga kelishimizga faqat o’zimiz sababchimiz!

@MuhammadUralov

Xafa bo’lmaysizmi?

Darsda bir o’quvchim menga noto’g’ri munosabat qildi, keyingi soat do’sti kelib uzr so’radi nomidan. Ustoz xafa bo’lmadingizmi dedi?

Yaxshilab o’yladim, xafa bo’lmapman. Aql, farosat, ilm(yosh emas) jihatdan men bilan teng yoki ustun bo’lmagan odamlar menga zarar yetkazsa ko’p xafa bo’lmayman.

Masalan: ba’zi o’quvchilar, ijtimoiy tarmoqdagi negativ komentlar va ilmsiz insonlar.

Birinchidan, noto’g’ri qilayotganini bilmaydi. Ikkinchidan, bunday insonlarni o’ylab vaqtim ketishiga arzimaydi.

O’zim uchun saralab olgan solih, ilmli, adolatli insonlar bor ular bilan biror noqulay vaziyat bo’lsa xafa bo’laman. Ulardan emas, faqat o’zimdan!

Biror sabab bo’lmasa ular bu ishni qilishmaydi, aybni o’zimdan qidiraman va ko’pincha o’zgarishimga, o’sishimga sabab topaman.

@MuhammadUralov

Birlashing!

17 asr o’rtalaridan boshlab Osiyo davlatlari rivojlanishda ortda qola boshladi. Asosiy sabab: yakkalanish va yopiq eshiklar prinsipi. Davlatlar o’rtasida hamkorlik kamaydi.

100$ ni ustida turadigan va Amerika otalaridan biri Benjamen Franklin Filadelfiya shahriga borganida “Junto” clubini tashkil qilgan. U yerda zamonasining eng muhim mavzu va ilmlarini muhokama qilishgan.

O’zbekistonda biz taniydigan eng boy tadbirkorlarning deyarli barchasi “bookclub” dan chiqqan.

Misollar har xil lekin mohiyat bir xil. O’sishni, rivojlanishni xohlaydiganlar bilan birlashing, clublar tashkil qiling.

Inson ijtimoiy jonzot bir o’zi yuksaklarga chiqa olmaydi. Sizga turli g’oyalar, sheriklar, qarama-qarshi fikrlar kerak. Ba’zan majburlovchilar, dangasalik va mas’uliyatsizlik qilganda uyaltiruvchilar muhim. Buni barchasini clublar beradi!

@MuhammadUralov

Shaxsiyat ustida ishlang!

Barcelona, Real Madrid, Man United kabi yirik klublarga doim o’z shaxsiyatiga ega, boshqa yirik shaxsiyatlarni bo’ysundira oladigan yoki kamida ular bilan tengma-teng suhbat olib bora oladigan murabbiylarni tayinlashadi.

Murabbiy futbolchilat uchun авторитет bo’lishi kerak. Eng qiyin, kim nima qilishni bilmaydigan joylarda uni aytgani aytgan degani degan bo’lishi va bu g’oyalarga uni shogirdlari so’zsiz ishonishi va bo’ysunishi kerak!

Ba’zan futbol ilmini zo’r biladigan, taktikalarni suv qilib ichib yuborgan murabbiydan ko’ra shaxsiyati va obro’si yuqoriroq lekin ilmi kamrog’ini buyuk klublar olib kelishadi.

Gap kim ko’proq ilm egasi ekanligida emas, kim uni yaxshiroq qo’llay olishi va shu g’oyalarni boshqalarga “sota olishida”!

Endi bu faqat futbolda emas xohlagan sohadagi murabbiylar uchun tushadi! Maktabda ilmi “daxshatli” lekin shaxsiyati yo’qligi uchun birorta sinfni eplolmagan va ilm bera olmaganlarni ko’rganman.

Maktabdagi ustoz ham murabbiy, kompaniya rahbari ham murabbiy, oila boshlig’i ham murabbiy, futbol murabbiyi ham murabbiy! Murabbiy bo’lmoqchimisiz shaxsiyatingiz ustida ishlang! (Ilmni unutmagan holda)

Unutmang gapning ma’nosi uni 50% darajasini belgilasa qolgan 50% ini uni kim gapirayotganligi belgilab beradi!

@MuhammadUralov

Sening kichik shakling

Bu hafta maktabda ota-onalar majlisi bo’ldi. Aksariyat mas’uliyatli va va’da bersa bajara oladigan o’quvchilarning ota-onalari ham va’dalarini bajarib kelishdi.

Farzand ikki narsadan tarkib topgan. Biri gen ikkinchisi tarbiya va ikkisini ham ota-onadan oladi. Shuning uchun barcha e’tirozlarimni bolalarga emas ularning uyidagilariga aytdim va o’zlarini isloh qilishga chaqirdim.

Siz o’zgarmas ekansiz bolangizdan hech narsa kutmang dedim. Boladagi eng asosiy unsurlar ham sizdan o’tgan ekan nega xatolar uchun o’zingizni emas ularni jazolaysiz?

Ota-onalarni ko’rib bolasi nega hozir shu holatga kelib qolganligini aniq-tiniq bilib oldim. Axir bolalarimiz bizlarning kichik shakllarimiz emasmidi?

@MuhammadUralov

O’zingni ham sug’orib tur

Daraxt mevaga kirgunicha 2-3 yil tinmasdan sug’oriladi, o’g’itlanadi, mehr beriladi. Keyin hosilga kiradi.

Meva berishdan oldingi jarayonlar ketma-ketligi qanchalik to’g’ri va uzoq muddat qilinsa meva berish jarayoni ham shunchalik uzun va sifatli bo’ladi.

O’qituvchi ham xuddi shu daraxtdek, bu darajaga chiqqunicha ma’lum vaqt mehnat qilingan, ilm olingan.

Lekin hozirgi mevaga mahliyo bo’lib o’zini sug’orishni unutib qo’ysa, tez orada qurigan daraxtga aylanadi. Bolalar undan zerikishni boshlaydi.

Hozirgi darajang 3-5 yil oldin olgan bilimlaring natijasi, hozirgi harakating yoki harakatsizliging hosilini 3-5 yildan keyin yig’asan. Hozirgi natijaga aldanib qolma!

@MuhammadUralov

Nima qilmaslik kerak?

Biz aniq nima bizni omadli, baxtli, muvaffaqiyatli qilishini bilishimiz qiyin. Muvaffaqiyat yo’llari hammada turlicha, unda ishlagani senda ishlamasligi mumkin.

Muvaffaqiyat aldamchi ustoz! Uning senga ko’rinmayotgan hayoti, oilasi, muhiti va imkoniyatlarini hisobga ola olmaysan.

Osonroq yo’l bor, o’zimiz xohlagan inson bo’lish uchun nima qilishni emas, nima qilmaslikni aniqlab olsak bas!

Umuminsoniyat oqlamaydigan xatolar bor, o’zing uchun yozib ol va amal qil.

Xato qilmay yashab tursang, biror kun albatta yutasan!

@MuhammadUralov

Ikki soha egasi

Yaxshi ustozdan ikki sohani o’rgansa bo’ladi: ham ustozlik, ham ota-onalik.

Bolalar bilan to’g’ri munosabatda bo’la olgani, ularni tushunib mehr bera olgani ota-onalarga o’rnak.

To’g’ri tushungandan keyin to’g’ri tushuntira olgani, bola tilida gapira olgani bo’lsa ustozlarga.

Hozircha bunaqa odamlarni kam taniyman, taniganlarimdan birini bugun kanalimizga mehmon sifatida chaqiramiz. Siz ota-ona,yoki ustoz bo’lsangiz suhbatga albatta kiring.

Javohir aka Toshpulatov 7 yildan beri ta’limdalar, ham ustoz ham shaxs sifatida kuchli inson. Bugun 20:00 da ta’lim, tarbiya va shaxsiy rivojlanish haqida gaplashamiz.

Savollaringiz bo’lsa comentda yozib qoldirsangiz bo’ladi, do’stlar.

@MuhammadUralov

Seni ular kuzatishyapti

Taksist shu baklashkani oynadan tashlab yubora olasizmi deb qoldi, sizga kerakmasmi deb so’radim, unda men sumkamga solib olsam maylimi? Chiqindi qutisini uchratsam tashlab qo’yaman dedim.

Xijolatli ovozda avval uzr so’radi keyin rahmat aytdi 60 yoshlardagi taksist amaki. Menga dars berding, endi qaytib tashlamayman dedi.

Bir do’stim ibodat qilayotganidan ta’sirlanib men ham boshladim. Mendan ta’sirlanib oilam ham.

Ustozimni ko’p kitob o’qiyotganidan ilhonlanib men ham boshladim, mendan ko’rib o’quvchilarim ham.

Sen biror bir yaxshi(yomon)ish qilarkansan hech qachon faqat o’zing uchun qilmayapsan! Seni kuzatib turuvchilar, sendan o’rnak oluvchilar bor.

Biror ishda qiynalyapsanmi? Unutma faqat o’zing uchun emas bu qiyinchiliklar! Sen oilang, farzandlaring va do’stlaring uchun ham chidayapsan. Ular seni kuzatishyapti!

@MuhammadUralov

Millatni uyg’otishning eng tez usuli bu ilm berish. Ilm berishni tezlashtirish yo’li esa o’qituvchilarni rivojlantirish.

Oxirgi 4 yilda to’plagan tajribam va ilmlar bilan kichik auditoriya bilan bo’lsa bo’lishish vaqti keldi. Chunki o’rgatilgan ilm eng zo’r o’rganilgan bilimdir.

Agar (bo’lajak)o’qituvchi bo’lsangiz, toshkent shahriga yaqin yashasangiz va yakshanbangiz foydali o’tishini xohlasangiz. Ertaga “o’qituvchi va o’quvchi o’rtasida qanday to’g’ri munosabat o’rnatsa bo’ladi? Psixologiya va ta’limni bog’lash va maqsadni topish”mavzusida trening bo’lib o’tadi. Bepul.

Manzil: Merit school(mehnat filiali)
Ertalabgi soat 9:00 da

Kelmoqchi bo’lganlar: @MuhammadUralovv ga aloqaga chiqsangiz bo’ladi.

Aaancha kech bo’lsa ham e’lon berib qo’ya qoldim, rozi bo’lasizlar)

Nomsiz post

Qishloqqa kelsam o’zimni yomon his qila boshlayman oxirgi vaqtlar, yoshligimda eng sevimli joyim hozir o’zgargandek.

Sababini o’ylab ko’rsam, joy emas men o’zgarganman. Ulg’ayibman! Bu yerda maqsadsizman, foydasizman. Hamma dalada, fermada foydali ishlar bilan band. Men esa shunchaki yuraman. Bu yerda qo’limdan bir ish kelmaydi.

Eng yoqtirgan joyim maktab. Bolalarga ilm berayotganimdan, foydali inson bo’layotganimdan mazza qilaman. Ularni hayotini o’zgartirayotganimni sezaman.

Bundan keyin bahtli bo’lishga emas, foydali bo’lishga harakat qilaman, shunda bahtning o’zi keladi.

Postga nom uchun variantlar bo’lsa izohlarda kutaman)

@MuhammadUralov