Репост из: الخادم ملا مهدي الكليباوي
قصيده للأمام القاسم أبن الحسن ،،، ع
جسام أوليدي الغالي منه أنگطعت أمالي
وهليت أدموع
متحني ألليله أبدمه ضحاها الروح العمه
وطفيت أشموع
********************************
يوليدي وذخر أيامي تتركني أشلون
من بعدك وجهي أتغير. من عنده أللون
كل شاب أيزفوه ربعه وليه أيصفگون
وتتونس أهله وتفرح. وي اليفرحون
وأمه أتذب الهلهوله من مبروك أيگلوله
والكل مجموع
بس أنه أمك يا جاسم. ما رديت أعلي سالم
وطفيت أشموع
******************************
يلتوك غصن أمورد وعطرك فواح
يا يوم أدعيلك يمه. تكبر ورتاح
چنت أمحلي ألخيمه أنته. وتارسهه أفراح
صارت ظلمه وماتنطب. نورك من راح
وظليت أنه أصفگ بيدي سباح أگليبي أوليدي
صبح مگطوع
يلخابت بيك أظنوني خلصت ضحكات أعيوني
وطفيت أشموع
***********--*****************
يلما نتفارگ چنه. چن طير وماي
عينك من تغفئ أرموشي. أتصيرلهه أفياي
يانجمة ليلي ألتضوي. وفرحة دنياي
من گالوا عنك طايح. سل صاب أعضاي
ياكشخه روحي وعمري. بغيابك كاسر گلبي
وكلساعه أيشوغ
هدمك من أشتم عطره. وسط أحشاي تشب جمره
وطفيت أشموع
*****************************
من أصباك أمداريتك ومحسبه أحساب
أنته أبموتي أتشيعني ودمعك سچاب
وبگبري من أيخلوني. أتهيل أنته أتراب
گبلي الموت أشمدريني أيخطفك ياشاب
يوليدي وچنت أتأمل. أنته التعدلي ألمحمل
وما أحني أضلوع
شيب بغيابك راسي. وأختنگت مني أنفاسي
وطفيت أشموع
********************************
باچر بيك أرفع راسي يم المعبود
لو گال أنتي أشقدمتي أحچي بكل زود
أنه ام القاسم رمله. ألوفيت أعهود
أبني الماگصر بالطف. والكل أشهود
من حگي أتفاخر بسمه. والشاهد دمه وجسمه
باالطف مصروع
وبذيچ الگاع أتوسد. وأنه ألطمت أعليه الخد
وطفيت أشموع
///////////////////////////////////////////////
بقلمي الشاعر ،،،ملا مهدي الكليباوي
14 /////// 4 ////////// 2020
اللهم لا تحرمني من خدمة الحسين
https://t.me/joinchat/AAAAAFPDsKYm96F82qowzA
جسام أوليدي الغالي منه أنگطعت أمالي
وهليت أدموع
متحني ألليله أبدمه ضحاها الروح العمه
وطفيت أشموع
********************************
يوليدي وذخر أيامي تتركني أشلون
من بعدك وجهي أتغير. من عنده أللون
كل شاب أيزفوه ربعه وليه أيصفگون
وتتونس أهله وتفرح. وي اليفرحون
وأمه أتذب الهلهوله من مبروك أيگلوله
والكل مجموع
بس أنه أمك يا جاسم. ما رديت أعلي سالم
وطفيت أشموع
******************************
يلتوك غصن أمورد وعطرك فواح
يا يوم أدعيلك يمه. تكبر ورتاح
چنت أمحلي ألخيمه أنته. وتارسهه أفراح
صارت ظلمه وماتنطب. نورك من راح
وظليت أنه أصفگ بيدي سباح أگليبي أوليدي
صبح مگطوع
يلخابت بيك أظنوني خلصت ضحكات أعيوني
وطفيت أشموع
***********--*****************
يلما نتفارگ چنه. چن طير وماي
عينك من تغفئ أرموشي. أتصيرلهه أفياي
يانجمة ليلي ألتضوي. وفرحة دنياي
من گالوا عنك طايح. سل صاب أعضاي
ياكشخه روحي وعمري. بغيابك كاسر گلبي
وكلساعه أيشوغ
هدمك من أشتم عطره. وسط أحشاي تشب جمره
وطفيت أشموع
*****************************
من أصباك أمداريتك ومحسبه أحساب
أنته أبموتي أتشيعني ودمعك سچاب
وبگبري من أيخلوني. أتهيل أنته أتراب
گبلي الموت أشمدريني أيخطفك ياشاب
يوليدي وچنت أتأمل. أنته التعدلي ألمحمل
وما أحني أضلوع
شيب بغيابك راسي. وأختنگت مني أنفاسي
وطفيت أشموع
********************************
باچر بيك أرفع راسي يم المعبود
لو گال أنتي أشقدمتي أحچي بكل زود
أنه ام القاسم رمله. ألوفيت أعهود
أبني الماگصر بالطف. والكل أشهود
من حگي أتفاخر بسمه. والشاهد دمه وجسمه
باالطف مصروع
وبذيچ الگاع أتوسد. وأنه ألطمت أعليه الخد
وطفيت أشموع
///////////////////////////////////////////////
بقلمي الشاعر ،،،ملا مهدي الكليباوي
14 /////// 4 ////////// 2020
اللهم لا تحرمني من خدمة الحسين
https://t.me/joinchat/AAAAAFPDsKYm96F82qowzA