𝐒𝐚𝐦𝐚𝐧𝐝𝐚𝐫 𝐌𝐮𝐪𝐮𝐦𝐨𝐯

Andijonga ketyapmiz 🏎

Muvaffaqiyat omadga qanchalik bog’liq?

Katta muvaffaqiyatga katta omad kerak.

O’rtacha muvaffaqiyat uchun o’rtacha omad kerak. U esa 99% odamda bor.

Hamma narsa menga bog’liq deb o’ylash ham yaxshi ham yomon.

Harakatga undaydi.

Lekin o’xshamay qolsa stressga ham sabab bo’ladi.

Siz nima deb o'ylaysiz? 👇

@muqumovs | muqumov.uz

Chuqur savollar

Insonning biror sohadagi saviyasini uning javoblaridan ham ko'ra berayotgan savollari yaxshiroq ko'rsatadi. Biror odam haqidagi fikrim ba'zan bitta savol tufayli 180 darajaga o'zgarib ketgan paytlarim bo'lgan.

Kel endi turli sohalardagi sayoz va chuqur savollarni ko'rib chiqamiz:

Ishga kirayotganda:
Sayoz savol: Qancha oylik berasizlar o'zi?
Chuqur savol: Ish jarayonidagi erkinlik, hal qilishim kerak bo'lgan muammolar va kompaniya qadriyatlari haqida gapirib bering

Imom domladan:
Sayoz savol: Domla, namoz paytida qo'lni qayerga qo'yadi o'zi, kindik tagigami yoki ustiga?
Chuqur savol: Shunday bir amal bormi, shuni qilib yursam ichki xotirjamlik topaman?

Biznes boshlayotganda:
Sayoz savol: Qaysi ishdan ko'p foyda olsak bo'ladi va shunga tiksak pulimiz qanchada chiqarkin?
Chuqur savol: Qadriyati to'g'ri keladigan, lekin maqsadlari to'g'ri kelmaydigan odamlar sherik bo'lsa bo'ladimi?

Turmush qurish uchun uchrashuvga chiqganda:
Sayoz savol: Sizga qaysi kinofilmlar/rang/aktyor/ovqat yoqadi?
Chuqur savol: Itoat deganda nimani tushunasiz?

O'z o'zingdan (ha, shunday ham qilib turish kerak):
Sayoz savol: Gulmira nega meni rasmimga layk qo'ymadi?
Chuqur savol: Bugun, kecha bilmagan narsalarimdan nimani o'rgandim?

Chuqur savollar odatda aqlli, shu sohada tajribasi bor, o'ylab gapiradigan odamlardan chiqadi. Chuqur savollar berish uchun chuqur o'ylaydigan odam (deep, slow thinker) bo'lish kerak. Buning yo'llari ko'p. Lekin birinchi qadam shu maqolani o'qishdan boshlanadi.

@muqumovs | muqumov.uz

Vaqt konvertatsiyasi

Tuproqqa suv qo’shib, quritib g’isht yasasa bo’ladi.

O’sha loyga hunarmand mehr bersa, ko’za yasasa bo’ladi.

Kremniyni alohida ajratib olib, quyosh batareyasi yasasa bo’ladi.

Bir xil tuproq. Bir biridan narxi 10, 100 barobarga farq qiladigan mahsulotlar.

Tuproq ishlatilyapti degani - eng to’g’ri yo’lda ishlatilyapti degani emas.

Vaqt bilan ham shunday. Bandsiz degani, eng foydali ish bilan bandsiz degani emas.

Vaqt shunchaki sarf bo’lmaydi. U konvertatsiya bo’ladi.

Vaqt arzon dofaminga konvertatsiya bo’lishi mumkin (ijtimoiy tarmoqlar, o’yin-kulgu, seriallar).

Ilmga konvertatsiya bo’lishi mumkin.

Pulga konvertatsiya bo’lishi mumkin.

Yoki

Hech qachon bankrot bo’lmaydigan biznesga konvertatsiya bo’lishi mumkin. (Fatir-29)

@muqumovs | muqumov.uz

muqumov.uz ni ham ishga tushirib oldik 🥵

Ustozim hayotimni dokumentatsiya qilib borishim kerakligini aytgandi, web sayt hozircha eng yaxshi variant bo'ldi.

Bilmadim balki 10-20 yillardan keyin o'ta mashxur odam bo'lib ketsam kimdur men haqimda kitob yozishi uchun kerak bo'lib qolar.

Lekin kino olishsa zo'r bo'lardida :)

Har kuni tez-tez kirib foydali blog postlar o'qib yoki podcastlar ko'rib borishingiz mumkin.

O'zim haqimda rosa maqtanib bir nimalar yozib turaman :)

Siz ham sezdizmi, bugun 1-dekabrligini?

Bu atiga 1 oy vaqt qoldi degani ...

O'zim uchun jiddiy eslatma!

@muqumovs | muqumov.uz

15 qadam

Piyodalar yo’lagidan ketyapman. 15 qadam tejash uchun chimni ustidan yurib tashlashgan. Tuproqli, qisqaroq yo’lak paydo bo’lib qolgan.

Uzun yo’ldan to’g’ri yurish
yoki
kesib chiqish, qisqartirish.

Shu tanlov doim oldimizdan chiqaveradi:

Ilm, tajriba orttirib, loyiq holda ishga kirish yoki qo’ng’iroq va iltimoslarni ishlatish.

Chuqur, tizimli, ustoz bilan ilm olish yoki videoda eshitganimizni ilm deb yurish.

Mutaxassis bo’lib, ustimizda ishlab, vaqt o’tib yaxshi pul topish yoki tez pul olib keladigan “тема”larni qidirib yurish.

Kasbimizni aniqlab, yo’nalish tanlab, tayyorlanib imtihonli universitetlarga topshirish yoki diplom “sotadigan” universitetlarga borish.

Qisqa yo’l o’ziga rom qiladi. “Meni tanla” deydi. Chimni ustidan kesib o’tganlar biladi, qisqa yo’l oyoqni chang yoki loy qiladi.

Qiyin bo’lsa ham uzun yo’lni tanlaganlar biladi:

Yetib borish yoki g’oliblik maqsad emas.

Yo’lni o’zi maqsad bo’ladi.

@muqumovs