ပုန်ကန်မှုဖြစ်ပွားပြီးနောက် နိုင်ငံအေးချမ်းရန် ထိန်းသိမ်းခဲ့သော ရုရှားအစိုးရကို ထောက်ခံကြောင်း တရုတ်အစိုးရပြော

တရုတ်နိုင်ငံသည် ၎င်း၏နိုင်ငံတော်တည်ငြိမ်အေးချမ်းရေးကို ထိန်းသိမ်းရန်လုပ်ဆောင်ခဲ့သော ရုရှားအစိုးရ၏ လုပ်ရပ်များကိုထောက်ခံကြောင်း တရုတ်နိုင်ငံခြားရေးဝန်ကြီးဌာနကပြောဆိုခဲ့ပါတယ်။

ရုရှားကြေးစားအဖွဲ့ Wagnerသည် ဘီလာရုစ်သမ္မတလူကာရှန်ကို၏ ကြားဝင်စေ့စပ်ပေးမှုများအရ ၎င်း၏ တပ်ဖွဲ့ဝင်များကိုပြန်လည်ရုတ်သိမ်းပြီးနောက် တစ်ရက်အကြာတွင် တရုတ်ဖက်ကယခုကဲ့သို့ ထုတ်ပြန်ပြောဆိုခဲ့ခြင်းဖြစ်ပါတယ်။

ရုရှားကြေးစားအဖွဲ့၏ ပုန်ကန်မှုများဖြစ်ပွားပြီးနောက် ရုရှားနိုင်ငံခြားရေးဒုဝန်ကြီး အန်ဒရီရူဒန်ကိုသည် ဇွန်လ (၂၅)ရက်တွင် တရုတ်နိုင်ငံသို့သွားရောက်ကာ နိုင်ငံတကာကိစ္စရပ်များကိုဆွေးနွေးခဲ့ကြောင်းသိရပါတယ်၊၊

ရုရှားနိုင်ငံခြားရေးဝန်ကြီးဌာန က"ဇွန်လ(၂၄)ရက်က ဖြစ်ပွားခဲ့တဲ့ဖြစ်ရပ်နဲ့ပတ်သက်ပြီး ရုရှားရဲ့ကြိုးပမ်းအားထုတ်မှုတွေကို တရုတ်ဖက်ကထောက်ခံကြောင်း ထုတ်ဖော်ပြောဆိုခဲ့ပါတယ်။ဆက်လက်ပြီးရုရှားနိုင်ငံရဲ့စည်းလုံးညီညွတ်မှုနဲ့သာယာဝပြောရေးကို ပိုမိုကောင်းမွန်လာစေရေးနဲ့ပတ်သက်ပြီး သူတို့ရဲ့စိတ်ဝင်စားမှုတွေကိုအတည်ပြုခဲ့ပါတယ်" ဟုပြောဆိုခဲ့တာဖြစ်ပါတယ်။