ရုရှားနိုင်ငံ၏ စွမ်းဆောင်ရည်ကို လျှော့မတွက်သင့်ကြောင်း နေတိုးအဖွဲ့အကြီးအကဲ သတိပေး

ရုရှားနိုင်ငံတွင် ကြေးစားအုပ်စု Wagner အဖွဲ့၏ ပုန်ကန်မှုကြောင့် အကျပ်အတည်းများရှိနေသော်လည်း နေတိုး အဖွဲ့ဝင်နိုင်ငံများသည် ရုရှားနိုင်ငံ၏ စွမ်းဆောင်ရည်များကို လျှော့မတွက်သင့်ကြောင်း နေတိုးအဖွဲ့အကြီးအကဲ ဂျန်စတိုလ်တန်ဘာ့ချ် က ပြောကြားခဲ့ပါတယ်။

နေတိုးအဖွဲ့အကြီးအကဲ ဂျန်စတိုလ်တန်ဘာ့ချ်က "ပြီးခဲ့တဲ့ရက်ပိုင်းအတွင်း ရုရှားက အဖြစ်အပျက်တွေကို ကျွန်တော်တို့အားလုံး တွေ့မြင်ခဲ့ရပါတယ်။ ဒါဟာ ရုရှားရဲ့ပြည်တွင်းရေးကိစ္စပါ၊၊ ကျွန်တော်တို့ဟာ ရုရှားရဲ့ စွမ်းဆောင်ရည်ကို လျှော့မတွက်သင့်ပါဘူး။ နေတိုးအဖွဲ့ဝင်နိုင်ငံတွေဟာ ယူကရိန်းကို စစ်ရေးအကူအညီတွေ ဆက်လက်ထောက်ပံ့ပေးသွားမှာပါ" ဟု ပြောဆိုခဲ့ပါတယ်။

ယူကရိန်းတပ်ဖွဲ့ဝင်များ၏ တန်ပြန်ထိုးစစ်ဆင်မှုသည် တိုးတက်မှုများရှိပြီး ရုရှားသိမ်းပိုက်ထားသော နယ်မြေများ ကို ပြန်လည်သိမ်းယူနိုင်ခြင်းသည် ငြိမ်းချမ်းရေးဆွေးနွေးပွဲများတွင် ရုရှားကို ပြန်လည်ပါဝင်လာစေနိုင်မည်ဖြစ် ကြောင်း ဂျန်စတိုလ်တန်ဘာ့ချ် က ပြောကြားခဲ့ပါတယ်။