*** دفو الواهس ***

من أشتاك ،

أجيك آمن الدفو بردان ..

وبيّه آمن العطش جرفين .

أطيح بحضنك مرايه ..

وآحس ضيّك يدفّيني ،

ونسيم آنفاسك يشمني .

كل جرة نفس نجمه بسما روحي ،

كل أفّيش تحفر ساجيه بروحي ...

وآكَلك حيل ، أكَلك حيل .

خصر قداح تشبكَني وآكَلك حيل .

بالملكَه شحلاة الليل !

يشتل كل مسامه شمة كَرنفل ...

وحبة هيل .

يجيني الواهس معرّس ،

يرش طولي ندى مثل الحضن دافي ،

وكَبلما تجيسني أدفه ..

وآحس طعمك على شفافي .

عطش بشفافك يمصني ،

فرح وردي يركَّصني ،

يفز بيّه لمن أخدر ...

وآطيح آمهّيل آمن البوس ،

وعطر من آخر الدنيا يجي يشمني .

أذوب ومدري وين يصير ..

شَيْ بداخلي آمن تغيب يلجمني .

عبد الكريم القصاب 💜