NamDChTI ilmiy yangiliklari

#eslatma
#diqqat_muhim

‼️Is'hoqxon Ibrat nomidagi Namangan davlat chet tillari institutida kuzgi sessiyalar uchun malakaviy imtihon topshirmoqchi bo'lgan talabgorlar diqqatiga!

Institut boshqaruv elektron tizimi o'zgarganligi sababli hisob raqam o'zgarishi kutilmoqda. Namangan davlat chet tillari institutida kuzgi sessiyalarga malakaviy imtihon uchun ro'yxatdan o'tgan talabgorlarga imtihon jarayonlarida qatnashib, muvaffaqiyatli oʻtgandan so'ng to'lov qilishlarini eslatib o'tamiz. To'lov bo'yicha keyinroq qo'shimcha ma'lumot beramiz.

👉 @namdchtiilmiy

#OAK_byulleteni

Dissertatsiya ishining mavzusini "OAK Byulleteni" jurnalida e’lon qilish tartibi.

‼️ Quyidagi hujjatlar talabgor o‘qiydigan OTM yoki ITM ilmiy bo‘limi tomonidan yuboriladi:

1️⃣ YO‘LLANMA XAT - Ish bajarilayotgan tashkilotning yo‘llanma xati. Xatda ushbular ko‘rsatiladi:

a) talabgorning familiyasi, ismi, otasining ismi;
b) dissertatsiya mavzusi va dissertatsiya maqomi (PhD, DSc);
v) ixtisoslik shifri va nomi;
g) dissertatsiya himoya qilinayotgan fan sohasi (masalan: filologiya fanlari);
d) ilmiy maslahatchi (doktorlik dissertatsiya ishi mavzusi uchun-DSc) yoki ilmiy rahbar (PhD uchun) ning familiyasi, ismi, otasining ismi, ilmiy darajasi, ilmiy unvoni;
e) tashkilotning elektron manzili keltirilishi shart.

2️⃣ Talabgorning oliy ma’lumoti haqidagi diplomining (magistrlik diplomining) nusxasi.

‼️ (Fan doktori ilmiy darajasiga talabgorlar uchun fan nomzodi diplomining nusxasi).

3️⃣ Mavzuning tasdiqlanganligi haqida ilmiy va muvofiqlashtiruvchi kengashlar qarorlaridan ko‘chirmalar.

4️⃣ Ilmiy rahbar (maslahatchi) tasdiqlanganligi haqida ilmiy kengash qaroridan nusxa.

5️⃣ Dissertatsiya ishi mavzusini tanlash bo‘yicha asosnoma.

(Mavzuning dolzarbligi, uning respublikada olib borilayotgan ilmiy tadqiqotlarning ustuvor yo‘nalishlariga mosligi, muammoning o‘rganilganlik darajasi, ishning ilmiy-tadqiqot ishlari rejalari bilan bog‘liqligi, tadqiqotning maqsadi, ob’yekti va predmeti hamda kutilayotgan ilmiy yangiliklar. Ushbu mavzu bo‘yicha rejalashtirilayotgan ishlar, tadqiqot usullari bo‘yicha ma’lumotlar. Fan doktori ilmiy darajasiga talabgorlar uchun, shuningdek, nomzodlik dissertatsiyasi yoki PhD mavzusi, olingan natijalar to‘g‘risida qisqacha ma’lumot, ixtisosligi, ilmiy rahbari, fan nomzodi ilmiy darajasida tasdiqlangan yili keltirilishi kerak).

6️⃣ To‘lov qilinganlik cheki.

💷 «OAK Byulleteni» jurnalida dissertatsiyalar mavzularini e’lon qilish uchun – bazaviy hisoblash miqdori(BHM)ning 25 foizi miqdorida (93 750 so‘m).

🔍🔍 BYULLETENLAR bilan tanishish: https://oak.uz/pages/28 (2016-2024 yillar)

«OAK Byulleteni» jurnalida dissertatsiyalar mavzularini e’lon qilish uchun to‘lov o‘tkazish yo‘li bilan OAKning: O‘zbekiston Respublikasi Moliya vazirligi Gʻaznachiligi byudjetdan tashqari g‘aznachilik hisob raqamiga belgilangan tartibda kirim qilinadi.

✅ REKVIZITLAR: INN-201122919 O‘zbekiston Respublikasi Oliy Attestatsiya Komissiyasi (VAK RUz) INN-200835600 X/r – 23 402 000 300 100 001 010 l/sch- 400 110 860 262 907 097 100 063 001 XKKM Markaziy bankining xisob-kitob kassa m-i Toshkent sh. Filiali MFO – 00 014, OKONX- 97300

🔍 ASOS: 3-bob. Dissertatsiyalar mavzularini chop etish uchun sarf-xarajatlarni to‘lash tartibi va miqdorlari.
https://lex.uz/docs/3422662

👉 @namdchtiilmiy

Tayanch doktoranturaga kirish imtihonlari va stajyor-tadqiqotchilik, doktoranturaga kirish uchun suhbat har yili 1 — 25-noyabr davrida o‘tkaziladi.

Hurmatli talabgorlar imtihonlardan xabarsiz qolib ketmang.

Hujjat topshirgan tashkilotingiz bilan bog'lanib turishingiz lozim bo'ladi.

👉 @namdchtiilmiy

ILMIY UNVON OLISH UCHUN QO‘YILADIGAN UMUMIY TALABLAR

Quyidagi umumiy talablarni bajargan shaxslar ilmiy unvonlarga talabgor bo‘lishlari mumkin:

✅ ilmiy loyiha, davlat granti, xo‘jalik shartnomasi yoki boshqa loyihalar doirasida ilmiy natijalar olgan

✅ ma’naviy-ma’rifiy ishlarda samarali ishtirok etayotgan;

✅oxirgi 2 yil ichida oliy ta’lim va oliy ta’limdan keyingi ta’lim tizimidagi attestatsiya jarayonida ishtirok etgan (taqrizchi, ilmiy seminar, ilmiy darajalar beruvchi ilmiy kengash, malakaviy imtihonlarni qabul qilish komissiyasi a’zosi, rasmiy opponent va shu kabi shakllarda);

✅ zamonaviy o‘qitish usullarini egallagan, zamonaviy pedagogik va axborot-kommunikatsiya texnologiyalaridan foydalangan holda, ma’ruza kurslari va seminarlarni yuqori o‘quv-uslubiy va ilmiy saviyada olib borayotgan (ta’lim muassasasi mutaxassislari uchun).

👉 @namdchtiilmiy