***

Azaldan,
Shahar bir jimlikka bandidir,
Boʻgʻzimga botayotgan soʻz kabi.
Har tunning ochgisi keladi bir sir,
Ketgisi keladi yalligʻlagan vujudimni,
Muzlatib.
Azaldan,
Buyerda hamma shoshadi,
Hamma qargʻanadi biri biriga,
Vaqtni vaznsiz varrakday bilib,
Hoziroq oʻlgisi kelar odamning.
Hoziroq toʻxtagisi keladi, biroq
Yoʻqligini sezib qolishadi qizil chiroqning,
Yurayotgan yoʻllarida.
Chunki, barcha peshonalar qurigan suvoʻtlari kabi,
Ular shunchalar shoʻrki, qoʻyib bersa
Yillarcha dolgʻalatib turar ummonni.
Ogʻirlik qiladi shu onda,
Mendayin bir telbaga
Chap siynasiga sigʻmayotgan birini
Shoʻrpeshonalar ichida,
"Jim tur", deya koʻtarib yurish.
Azaldan,
Shahar bir jimlikka bandidir...

©️ Bonujon

https://t.me/nanash_qiz