Nigora Hasanova blogi

Diqqat! Ko’nglimizga ruxsat beramiz, bir to’yinib yoshlar to’ksin. Kimda shu qo’shiq bilan bog’liq xotiralar bor ? Men boshlab beraman: Bu qo’shiq “xit” bo’lganida men sevgi nimaligini tushunmasdim))

Bu haqda koʻp gapirganmiz-ku, oma chetlab oʻtsak ham boʻlmayapti-da. Bozorga qarang yana oʻsha, oʻquvchisini savodsiz qilish ehtimoli juda yuqori boʻlgan kitoblar atrofida odam gala-gala. Hammasini dalaga haydasang-da, yer choptirsang. Shu foydaliroq.

“Bunday kitoblar asta-sekin didni oʻldiradi” degan gapni eshitganimda, biroz hayron boʻlgandim. Bugun esa anchadan beri tanigan, bilgan kitobxon doʻstlarimning yuqorida tilga olgan kitoblarga shoʻngʻib ketishi oqibatida, didi enasi tomonga qarab ketayotganiga guvoh boʻlyapman.

Tilim juda yomon-da. “Zato” men unday kitoblar oʻqimayman)

Ana endi savol, bu aynan qanday va qaysi kitoblar ?
Biz nima uchun ularni ochiq-oydin gapirmasligimiz kerak?
Noshirni taniganimiz yoki yuzidan o’tolmaganimiz uchunmi?
Didsizlar ko’payaversinmi yo?

@NigoraHasanovasblog

Assalomu alaykum hurmatli do'stlar.

Adabiyot deb atalgan sehrli va ajoyib olamga sayohatim davomida duch kelayotgan voqealarni Siz azizlar bilan bo'lishgim keldi. Ushbu kanalni shu maqsadda ochdim. Telegramda o'z kanalim bo'lishini istardim-ku, lekin negadir hafsala qilmasdim. Balki, bu kitoblarga bo'lgan umumiy talabdan kelib chiqib olgan xulosamdir. Ya'ni kitob haqida aytilgan gaplar, fikrlarni eshituvchilari kam bo'ladi. Katta ehtimol bilan men ham obunachilarni yig'ib olishim juda qiyin bo'lsa kerak.

Ammo mutolaaning shirin mevasi - hayajon, taassurot, fikrlar, yangi habarlar haqida tez-tez bo'lmasa-da, har holda sizni uzoq kuttirmay yuklab boraman (Shu joyini tabassum bilan yozdim, yoki rostan ham kutasizmi?) Qolaversa, kitob mavzusiga oid qiziqarli rolik, reels, videolar, s'yomkalardan lavhalar, yozuvchilar bilan suhbatlardan parchalar va video orqali yetkazib bo'lmaydigan fikrlarimni joylab boraman.

Xullas, men ushbu kanal orqali endi Sizni bezovta qilib turaman) Har bir postga albatta agar u Sizga manfaatli bo'lgan bo'lsa , fikringiz, taklifingizni yozib borsangiz.

Yana bir bor Assalomu alaykum.😊