مسودنين ..
نبجي ماندري عليمن
نضحك وماندري ليش
ومادرينه أنبعنه يمته
ومادرينه أنبعنه بيش

وكُبرت الفشلة بسواد عيونه ومدري وين
مسودنين ..
وصاحت علينه الشوارع لا تجون
وصاحت الوادم أبد ما يستحون مسودنين
تعرف الوادم حجينه بس تسد أسماعها
واحنه محد يشترينه وتركض اعله الباعها

لا حجينه بألف شفه ،
ولا لبسنه هدوم ترفه .
ولا كدرنه نعيش يوم ملونين ،
وباعنه الما مشترينه
وصاحت الوادم علينه مسودين ..
- الراحل محمد الغريب .