رايد تمشي عني. جا شيبطلة وني
مااحمل. غيابك. ابقى ابجي اعله بابك
هاك ادموعي ذني

بويه ناوي اتروح ها شو ماحسبت احسابي
لاكلت. لمي غراضج لا وكفت ابابي
راح من. هسه اعاتب. وانتة تدري اعتابي
كلشي حاسبته اعله بالي موش هيج حسابي
تاخذ كل خواتي وتكرب مماتي
لاتحرمني منهن شيصبرني عنهن
احسب ميته جني

فدوه موانته التحبني. والجنت ترعاني
هسه شنهو. الي. تغير قررت تنساني
بانية. افكار ابخيالي وانهدم. بنياني
الجنت ذاخرته الزماني شو مشه وخلاني
عافاني ابهمومي ماكلالي كومي
هاذ الماحسبته. والد ينسه بنته
لاتخيبلي. ضني

ليش من دون. التحبهم. انه راح اتعوفني
لحظه. مااعيش ابغيابك صد عليه وشوفني
جرح. تتحول حياتي وياطبيب. يروفني
ميته احسبني ابسفركم بس جروحي اطوفني
من يمشي ضعنكم لا تحسبني. منكم
واحسبني من الاموات. اصبر لحظه هيهات
تطلع روحي مني

مااصدك راح تمشي وانه اضل ابحيره
غيرتك ماترضى ادري وانته كلك غيره
بالله حاجيني اعله بختك وجهك اعلي ديره
لاتكلي انتي مريضه ولا تكلي زغيره
اكدر امشي وياك. بس مااكدر انساك
لتخليني وتروح تاكل بيه الجروح
وانه ابصغر سني

ساعه لن جاهة وحضنهة الينكط امروه و محنه
هوه يشبع شوف منهة وهيه تشبع شوف منه
كام يحجيلهة وهيس ويه صوته صوت ونه
كتله بويه الونه شنهي كلهة ونات المحنه
يبنيتي اعله هونج. لاتبجي عيونج
بابه موبديه من غصبن عليه
يطلع كوه وني

حركت عيون دمعتي من سمعت احجايتك
كلبي ماينطيني اعوفك وجلبيت ابرايتك
وشكثر ضليت احاول ردت اعرف غايتك
شلون تتركني يابويه وانه جنت امرايتك
جنت اجكد تحبني. معقوله. تذبني
تتركني. ابعذابي. يامعضم مصابي
يحرك دمعي جفني

طلعو وكوطر ضعنهم وانه عيني اعله الضعن
مو دموع اعيوني جن اشطوط صارن ونجفن
واه ياحسرات كلبي ابوسط صدري اتكسرن
انه هم طفله وعليله ومارحم بيه الزمن
حين الودعوني دم سالت عيوني
ضليت ابجي بالباب من عافوني الاحباب
ماواحد سالني

ضلت عيوني ابدربهم لحد مابان البعد
بين الشيب اعله راسي وباد حيلي البالجسد
فاركاني الفرح توه والحزن بيهة انولد
حيرتي مامنهة حيره وصحت الله هو احد
يا ربي. الاحبهم عافوني ابدربهم
دمعاتي اعله خدي امسحهة وتبدي
بخدودي جوني
--------------------------
الخادم ماجد راضي العوجي