ملاذ كياني الحوراء ع:
#قصيده_لفراق_الاحباب
*°❀•┈┈•🕊•✵⚫️✵•🕊•┈┈

راحلين يل صعب ماينحمل فركاكم
راحلين وماسمعنه جلمت الله وياكم
سكته عنه مهاجرين/ لشوفكم هزنه الحنين
عل درب شكثر تانيناكم

*°❀•┈┈•🕊•✵⚫️✵•🕊•┈┈
بعد هيهات الزمن لينه يردكم
بالدار بي الحزن مستوطن بعدكم
بالدمع نبقه نسولف وي صوركم

بحسره واهات/ وتهل دمعات
يل جفيتو بقت بس ذكراكم

*°❀•┈┈•🕊•✵⚫️✵•🕊•┈┈

بعد بجفاكم ماتجبر خواطر
كدريتو الحال وعميتو النواظر
علينه شيردكم يسكان المكابر
الم وجروح/ وحلم مذبرح
أه مانكدر ابد ننساكم

*°❀•┈┈•🕊•✵⚫️✵•🕊•┈┈
نطوت صفحات الليالي الزاهيه
وحشه ضلت الديار وخاليه
ما ترد غياب الدموع الجاريه
لا مايردون / لو تعمه العيون
الدهر مايجمعنه بعد اوياكم

*°❀•┈┈•🕊•✵⚫️✵•🕊•┈┈
كلشي نتهه من حملت ضعونكم
ارواحنه ضلت تحن لشوفكم
بالدمع نبقه نرش كبوركم
فاركونه اهل المحنه/ ارواح وياهم دفنه
العمر مايسوه تره بلياهم
راحلين يل صعب ماينحمل فركاكم

*°❀•┈┈•🕊•✵⚫️✵•🕊•┈┈
خط هذي الكلمات بقلم الشاعره
ام رائد زوين
*°❀•┈┈•🕊•✵⚫️✵•🕊•┈┈