"نور شدّاد" Nour Shaddad

أعرف للحب أشكالاً قليلة
كل سنة يولد في إدراكي ميلاد جديد له
يعبر عن جزء بسيط من الحب الذي يفيض في العالم

ميلاد وجهك يكبر فيه
يداك تلمسان كل ميل فيه
وعيناك تخلقان فيه الأبد السعيد

ميلاداً يضج بالسعادة، يقول للفرح أنا هنا تعال إليّ
أشياء جميلة لا تكبر بسرعة وأحلاماً بلا ظلٍ حزين
بللاً سعيداً بالمطر وحرارة الصيف وجنون الخريف

الأشياء تمضي يا حبيبي بسرعة كالقطار السريع
كالريح المشحونة بأوراق الشجر
ككل الأشياء العابرة
إلا وجهك؛ باقٍ هنا يهوّن الأشياء الصعبة
يبدد كل الحزن، يبتسم بعنادٍ للأيام ويموت فيّ

في الحين الذي تصنع فيه ضحكةً لي
أنا أذوب

والآن مرت سنوات ونحن معاً
معاً بطريقة تختلف عن طريقة العام الماضي
كل سنة لنا هي ولادة
أنتَ تكبر فيّ وأنا أعيش فيك!♥

أفكر الآن كيف يكون شكل الطمأنينة؟
يأتي وجهك اتجاه قلبي
يغمره وينام!♥

بعض الأشياء تثير الارتباك دائمًا فيك، تشعرك أنك مكلفٌ بحفظ الكثير من التفاصيل وإنهاء الكثير من الأعمال

يقلق نظرك طابور الالتزامات الكبير، جبل المهمات المؤجلة، الصراخ البشع من أشباح أفكارك، طلبات التعليم المثالي، صم أذنيك عن شتائم العالم، جعل وعيك دائمًا متيقظًا

تجد وجهك مخشوشن من كثرة البكاء على عتبة كل ليلة تستيقظ بعدها كي تعانق المسير نحو أحلامك

تشعر بمرّ تشابك أصابعك العشرة عندما تسند رأسك المشوش عليهما

عندما تعانق السماء بكلتا عينيك المتعبتين ابتهالًا لغيمة مطر تطهرك من الألم

تؤرقك فكرة الخسارة فتنتج لا شعوريًا الكثير من العرق وبعض الموت

تخاطر ببتر كل جزء ميت فيك كي لا تنتشر غرغرينا السواد بك!

تكافح الخمود أحيانًا بالنوم، وأحيانًا تركض في أرجاء باحة منزلك الخلفية مئات الأمتار كي لا تهيمن على ذاتك فكرة شبه الاستسلام

تنازع يوميًا لأن تحصل على وسام فخرٍ يليق بصدرك، الذي تتأرجح فيه فراشات أحلامك وعصافير سلامك

تسعفك غالبًا الكلمات المبجلة بالحب والتقدير كي تنجب فيك أملًا ولو كان بسيطًا

تحاول ألا تنخرط في اللهو وتهدر وقت أحلامك، تؤوب إلى ضنك العمل اتجاهها كالأبله الذي يمشي أثناء نومه ولا يشعر بذلك، ويستيقظ صباحًا كي يجد نفسه على الأريكة بدل سريره

تناور الجروح المتعفنة في روحك وتتخذ من التصالح معها حلًا يستولي على طاقتك المتوهجة الداخلية

لا تحاول أبدًا لعب دور الضحية بقدر ما تحاول أن تكون كل الجهات المعنيّة في حربك، سواء حققتَ فرحًا أو هزيمة

تؤمن أنك وحدك، في وحدة هذا الطريق التي تفيضُ على طوله
أنك الشخص الوحيد الذي يجر ذكرياته المستديمة ويعلم كم مرة شنق خيباته كي يُبهره!

هنالك الكثير من الأشياء التي تدفعك للجنون لكنك وحدك مصاب بمس من الهوجائية واللا منطقية كي لا تموت في عينيك "في عينيك فقط"♥
"إنك لا تعلم في كل مرة إن كنت تقبض ثمن تعبك هذا أو أنك تعبك بحد ذاتك!"

#نور_شدّاد
"من سنة"

بإحدى الحوارات اللطيفة بيني وبين بابا

سألته شو كنت عم تعمل قبل الفجر؟
قلّي فقت صليت قيام الليل وصليت ل سيدنا محمد والرسل ولإلك ولإخواتك ولَ محجوب ورضوان الله يرحمهن وبنتي فاطمة!

قلتلو بابا مين محجوب ورضوان ؟
قلي هدول رفقاتي من أيام الشباب
ونهى الأسماء كلهن ب فاطمة
قلتله فاطمة باستغراب؛ كان استغرابي إنو هوي ما كوّن معها ولا ذكرى غير ذكرى دفنها بس أنا واثقة إنو كوّن معها شعور عظيم جداً كونها المولود الأول

_ملحوظة:أختي فاطمة ولدت ميتة، وإذا كانت اليوم هون معنا فعليًا بكون صار عمرها 35 سنة

بنهاية الحديث لقيت حالي من جوّا عم قول اللهم صديقاً كأبي؛ اللهم أباً كأبي!♥

نيّالك يا فاطمة ب بابا ونيّالنا سوّا والحمدلله على أب متله♥

أي شخص لمن بتسأله كيفك من جوّا؟!
وما بيعرف يجاوب على هاد السؤال أو بيعطيك جواب عام متل الحمدلله بخير عيلتي بخير، علاقاتي بخير، شغلي تمام

هاد شخص ممكن يحس إنو الكورونا اجت نقمة كتير كبيرة على حياته ومصروفه وطريقة سير أموره

بينما الكورونا وأي موضوع بالحياة هوي موضوع محايد فيك تعطيه معنى إيجابي وفيك تعطيه معنى سلبي

الناس يلي بتعيش مشاعرها من الإشيا بتعمل متل رخصة مشاعر مسموحة للحياة وللأشخاص وللظروف إنو يلا تعي عملي فينا شو ما بدك عطينا السعادة وعطينا الحزن والقلق

مرة بتلاقيهن مبسوطين مرة زعلانين

ممكن من حدا، ممكن من كلمة صديق مزعجة، ممكن من ظرف دراسي معين، ممكن من ولا شي وهي الحالة الشائعة جداً
بتسأل حدا شبك مزعوج؟ بقلّك ما بعرف عنجد ما بعرف!

الحقيقة ما رح تكون الكورونا أو ظروف البلد أو الظروف العائلية عائق بوجهك إلا إذا إنتَ بدك وعاطي إذن السماح بهاد الشي

بعد ما انتهت فترة الحجر يلي كانت عبارة عن شهرين قبل بدء الدوام الجامعي
عشت فترة صامتة جداً وكان في كتير أحاديث خوضها بيني وبين الله واطلب منه الإشارات ولا زال الصمت مستمر

تعلمت منيح شو يعني أسأل حالي كيفني؟ ويجيني جوّاب من جوّاتي ويقلي بخير بخير عظيم♥

تعلمت منيح كيف امسك حياتي تفصيل تفصيل وفي إشيا صح ممكن ما نقدر نتحكم فيها؛ بس دائماً صار عندي قناعة إنو فيها رسالة مبطنة سعيدة ضل أنا أعمل بعقلي بحث عليها وألاقيها!

لا شك إنو الاتجاه نحو الذات والانغمار فيها بدو جهد بس جهد جداً يسير وعظيم ومانو متعب أبداً؛ لأنو فيه بتلمس حقيقة ذاتك، بتلمس الأرض، السما، السعادة وإنت قاعد ع كرسيك قدام طاولتك الصغيرة ومبسوط لأنو فيك تتذوق وتعيش اللحظة

"الفقر الحقيقي هو إنو تكون بلاك"
يعني معك كل شي بس إنت مو مع حالك

إنو قد ما عشت وعندك علاقات حلوة وسعيدة وأهل لطيفين وهنن سند عظيم ومصاري وبيت وسيارة وزوجة منيحة

بس إنت بترجع على سريرك وبقلبك في فراغ كبير، في تعب مو مفهوم، في ملل
في تقل ع كتافك ع قد ما حملته ما عاد حسيت فيه؛ نتيجة نسيانك لحالك صرت تحسه عادي مع إنو هوي مو عادي أبداً وممكن ينحل بلحظة وحدة وبسؤال واحد
لأنو السؤال وعملية إدراكه بتعطي طاقة جداً عظيمة وحلول!

بالسنوات الأخيرة عطونا مفهوم إنو حب الذات أنانية وهاد المفهوم جداً خاطئ

لأنو حب ذاتك رح يتجسد بكل علاقاتك، وإذا عندك علاقات سيئة أو شريك سيء ف بيأسفني قلّك إنك إنتَ حاطط حالك بهاد المكان والشيء السيء معكوس من ذاتك بالأساس، لأنو شريكك من اسمه شريك بشاركك حياتك وتفاصيلك بس أبداً مانو مسؤول عن سعادتك ولإنو يصلّح مشاعرك ويمحي ما خطه الزمان فيك!!
لأنو ببساطة بكل محطة بتنسى فيها حالك، رح يتركك قطار العمر السعيد ويمشي...

بلش دوّر ع البوصلة جوّاتك وكون إنت القائد💪

بطّل تكون برا اختار هالمرة تكون جوّا وامتلك اللحظة

من قلبي بقلّك اليوم حياة سعيدة عليك وحب كبير يغمرك ل إنت ولذاتك♥

كونوا بخير وحُب ل الله ولأنفسكم♥

لا يمكنني معك إيجاد الوقت
كل شيء يذوب في حضرتك
حتى قلبي!♥🎼

حبيبي رجل لا يفقهُ الأعياد
لايفرق بين أعياد الميلاد أو العيد السعيد
دائماً يتلكأ بقول كل عامٍ وأنتِ بخير
عيدٌ سعيد
لايعرف ما هي الهدايا التي أُفضلها
دائماً ما يستعين بالرفاقِ المُقربين

حبيبي رجل عادي مدهش
نبرة صوته تشي بأن هنالك فرحٌ عظيم قادم
رجفة يديه أثناء حديثنا تخبرني بأن هنالك معجزة ستحصل
لمعة عينيه فيها كل الشموع التي أُضيئت في عام واحد
حركاته حائرة عفوية

حبيبي رجل بسيط
معرفته ضئيلة بأفكار الحب
لكنه صادق جداً، مميز أكثر
يقول لي دوماً أنا لا أعرف كيف أهنئ العيد بالعيد
وجودكِ عيد، كلّكِ عيد، أنتِ العيد
صوتك يداك نورك ظلك
أقول له:حبيبي
"كل تصرفاتكَ عيد أنتَ كلّك العيد"♥

أُفكر دوماً كيف أُحدثك بصوتٍ كامل كيف يكون كل تركيزي عليك، بلهفةٍ كاملة، بشكلٍ أكثر من صادق، بدفءٍ وتناغم روحيّ عظيم!

كل هذا لا يشمله التكلّف
"معك الأشياء فقط تستحق أن تكون كاملة"♥🎼

الإنسان صندوق نفسه، ما يضعه فيه يجده سواء كان الحب أو الكره، الفرح أو الحزن، دومًا تعريف الشيء هو نفسه "لاشيء يخبّرك عنك مثلك"..♥

كل لمسةٍ من أحدٍ يحبنا ونحبه "ميلادٌ سعيد"♥🎼

لمن بفكر بالمعنى الحقيقي والعميق للحب!
ما بفكر قول كلمة "تحملني" أو "تحملتني"
الحب الصادق بروحه العذبة ما فيو تكلّف، ما فيو أبداً سباق!

ومين يلي عمل أكتر أو ساعد أكتر، سمع أو وقف حد التاني أكتر!
إذا بررت الغرض من وجودي مع حدا بإني تحملتو؟!
يا ترى وقتها شو قدمتله!
ولا شي.
هيك بيضيع الحب وبيفقد العطاء معناه.
وإذا منلاحظ عند كل كلمة "تحملتك" بيخلّق خلاف وشعور بشع كتير!

إذا ما بتعرف تعطي لا تحب مع ضرب المنيّة أو لا تحب أبداً!

الحب تبريره واحد هو الحب، هو العطاء، البركة السماوية، وجه الخير أول الصبح، وطمأنينة الليل وقت العتم♥🎼

أنا لا أمانع بأن أكون عود ثقابٍ مهملاً في جيب قلبك، لكن عليكِ أن تدركي جيدًا ما معنى أن يُخفي الإنسان كله في مكان ضيقٍ يخصك وحدك..♥

يدي بيدي؛ الله وقلبي معي!♥🌊
ممَ أخاف؟!

نعمتكِ أنكِ أنثى تُعرّفكِ نبوءة قلبك على الأشياء
تعرّفين متى تُخدش محبتك في قلب شخص ما، متى يقال عنك أشياء جيدة أو حسنة، متى يزور طيف روحك حديث ما، تعرفين متى تتصلين بصديقك الحزين وتداوين روحه المعطوبة
متى تفاجئين صديقتك أمام بيت قلبها وتملئين مكان ملاكها الحارس الفارغ.
متى تشدّين على الأشياء قبضة قلبك، متى ترخين يدك ومتى تذهبين!
تعرفين موعد "متى" جيداً كأنك الدفء المقدس لأي شيء حزين، والسعادة المطمئنة لأي شيء قلق.

مواعيدك في الحياة دقيقة جداً لكن موعد رحيلك عنها مؤجل جداً هو أبدٌ سعيد بقلب كل من حظيّ بك!♥🎼

الحب يسد حاجة الطلب؛ يأتي رقيقاً رفيقاً حناناً كاملاً وحُب♥🌻

أعلم كل شيء عن التنهيدة
مر وقت طويل منذ أن لمسني شيء حزين
الآن كل الأشياء تبدو جميلة ووردية

الضوء هو الضوء
والسعادة هي السعادة
والحب هو الحب
وأنا أنا؛ لكن بشكل حزينٍ سعيد♥🎼

لمّا بحبّك؛ بحبّك لأني بحبّك
مو لأي شي تاني!
مو لأنك بتعطيني الأمان، السعادة، الطمأنينة
مو لأنك بتضحكني أو بتنسيني همومي
مو لأنك بتفرّح لفرحي وبتحزن لحزني
مو لأنك بتوّقف معي على الحلوة والمرة
مو لأني بشعر معك بمشاعر دافية وحنونة
مو لأنك بتهتم فيي

أنا لمّا بحبّك؛ بحبّك بلا سبب هاد أسمى حب فيي قدمو!
"حب السبب مؤقت وبيجرّح"
"حب ال بلا سبب أبدي وعظيم"♥