#Live
Zuhra Ibragimova, “Adolat” SDP fraksiyasi rahbari:Yurtning jadal rivojlanishi, muayyan yutuqlarga erishishi, xalqning farovon bo‘lishi o‘sha davlatda
yoshlar ta’lim-tarbiyasi va kelajagiga beriladigan e’tibor darajasiga chambarchas bog‘liq. Shu ma’noda, O‘zbekistonda
yoshlar masalasi davlat siyosatining eng ustuvor yo‘nalishlaridan biri hisoblanadi.
Partiyaning
“Vatan kelajagi yoshlar qo‘lida” loyihasi doirasida yoshlarning siyosiy huquqiy bilimlarini yanada oshirish, ularni Bosh qomusimizga, qonunlarga hurmat ruhida tarbiyalash maqsadida bir necha yillardan beri
“Konstitutsiya bilimdoni” ko‘rik-tanlovi o‘tkazib kelinadi. Ushbu ko‘rik-tanlov uch bosqichda o‘tkazilib (tuman (shahar), hududiy bosqichlari va Respublika bosqichi), Konstitutsiya bo‘yicha kollej, litseylar, professional ta’lim maktablarida o‘qiyotgan yoshlarning bilimlarini sinab, davlat hayotida o‘rin egallashida muhim qadam, desak mubolag‘a bo‘lmaydi.
Shuningdek, 1-iyun
“Xalqaro bolalarni himoya qilish kuni” hamda 8-dekabr –
O‘zbekiston Respublikasi Konstitutsiyasi qabul qilingan kun munosabati bilan an’anaviy tarzda
“Bor mehrimiz senga, bolajon!” shiori ostida beg‘araz donorlik
aksiyasi o‘tkazib kelinmoqda. O‘tkazilgan aksiya davomida respublikaning barcha hududlaridan jami
8 302 nafar ko‘ngillilar qatnashib, 3 tonna, 735 litr donorlik qoni yig‘ildi. Ushbu yig‘ilgan qonlar
16 604 nafar bolajonlar hayotini saqlab qolish uchun ishlatiladi.
Veb-sayt|
Telegram |
Facebook |
YouTube|
Instagram|
Twitter|
ParlamentTV
