НУРЛЫ ИСЛАМ

🗺️Чистай районы, Нарат-Елга авылы мәчете

📖ТАРИХ: Мәчет 1994 елның 24 нче сентябрендә ачылды. Мәчет төзүен Жаббаров Фәрит Гөмәр улы җитәкләде. Мәчет халык акчасына төзелде. Авылдашлар өмәләрдә катнашып бик зур ярдәм иттеләр.

🙏🏼Мәчетнең беренче имамы Жаббаров Касыйм Мозафар улы булды. 2004 елны ноябрь аенда вафат булды. Урыны җәннәттә булсын.

2004 елдан башлап имам итеп Исмагилов Равил Мисбаховичны сайладылар.

Мәзин Закиров Зөфәр Зәки улы булды.
🕌Мәчеттә биш тапкыр азан әйтелә. Җомгага 10-14 кеше йөри. Мәчеттә укулар да оештырылды. Мәктәп ябылганчы балалар укыды. 9 хатын-кыз укыды, хәзер алар намазда, Аллахка шөкер. Ир-атлар 3әү генә укыдылар.

🤲Мәчеткә йөрүче ир-атлар өмәләрдә актив катнашалар. Язын һәм көзен зиратта, мәчет тирәсен, чишмә тирәсен җыю оештырыла. Мәүлет, ифтар ашлары үткәрелде, районнан кунаклар чакырылды.

Мәгълүмат Исмагилов Равил хәзрәт тарафыннан тапшырылды.

💡 «НУРЛЫ ИСЛАМ» проекты кысаларында, әлеге мәчетне Нарат-Елга авылында туып үскән милләттәшебез ярдәме белән яктырттык.

🗺️Киләсе яктыртып кайткан мәчет - Арча районы Шура авылында урнаша

📝Әлеге авыл мәчетенең тарихын безгә Илдар хәзрәт Хаҗи җиткерде, аңа үзебезнең олы рәхмәтебезне белдерәбез🤲

📖Арча районы Шура авылы мәчетенең ТАРИХы:
«Безнең авыл кешеләренең борынгы чыгышлары археологик, этнографик яктан Татарстан Республикасының (башка) тарихы белән бәйләнгән. Безнең авылыбыз кешеләре Борынгы Болгар кабиләләренең берсе булыр. 1552 нче елда Казанга якын тирәдә яшәүчеләр, мөселман динен тотучы бабаларыбыз. Төньяк Көнчыгыш якларга таба күчеп утыра. Сәбәп халык саны арту, патша самодержавиесенең чит динне кысуы.

1800 нче елларда 40-45 йорт булып, халкы 200 кеше була. 1900 нче елда 80-90 йорт 370 кеше санала. 1914 нче елда 105 ир-ат сугышка алына. 43е ятып кала сугышта.
1861 нче елда Рәшитов Мәгъсүм исемле кеше авылга мулла булып килә - 1910 нчы елга кадәр муллалык итә. Аның Габдулла исемле улы, әтисе үлгәч 1930 нчы елга кадәр муллалык итә.

1938 нче елда авылда 125 йорт 700 кеше яши. Шул елларда бик күп халык чит җирләргә - завод-фабрикаларга язылып китә. 1935 нче елда мәчет янып бетә. 2008 нче елга кадәр мәчет булмый. 1941-1945 елларда авылдан 150 кеше сугышка китә. 74 кеше кире кайтмый, батырларча һәлак була. 1980 нче елга кадәр авылда: Газиз бабай мулла була, Гилметдин бабай, Габделфәрт бабай, Хашим бабай, Мөнир Габдрахманов муллалык итә.

2019 елда шушы авылда туып үскән Илдар Хаҗи авылга имам булып кайта. Мәчет калай белән тышлана, манара ремонтлана, тәрәзәләр алыштырыла, газ кертелә, кое казыла, мәчеткә канализация, су кертелә. Зират коймасы алыштырыла. Болар барысы да авыл халкы ярдәме белән эшләнә. Спонсорлар ярдәм итә.

Бүгенге көндә авылда 105 йорт. 227 кеше пропискада. 118 кеше авылда яши. Медпункт, кибет бар. Шушы арада яңа клуб ачылачак.

💡Шушы көннәрдә «НУРЛЫ ИСЛАМ» проекты кысаларында үзебезнең мәчетне яктырттык».

Нәтиҗә сезнең алда🕌