So’z erkinligidan mahrum qilinayotgan advokatlar haqidaO’zbekiston Advokatlar palatasi tomonidan
Kasb etika qoidalarining yangi loyihasi tayyorlanibdi.
Loyihaga ko‘ra, advokat ommaviy axborot vositalari va ijtimoiy tarmoqlarda davlat organlari va ularning mansabdor shaxslarini
muhokama qilmaslik, ularga nisbatan axloqqa zid iboralarni ishlatmaslik,
mamlakatda amalga oshirilayotgan islohotlarga nisbatan odamlarda ishonchsizlik kayfiyatini yuzaga keltirishi mumkin bo‘lgan materiallarni joylashtirmasligi lozim.Advokatlar palatasi nazarida, “advokatlar bugungi kunda ijtimoiy tarmoqlarda faol va bu faollik aksariyat hollarda hokimiyat vakillarining qonuniy xatti-haraktalarini tanqidiy muhokama qilish, fuqarolarda
davlatga va amalga oshirilayotgan islohotlarga nisbatan ishonchsizlik holatini keltirib chiqarish ham uchramoqda. Mazkur vaziyatlar keskinlashib, xalqning noqonuniy mitinglar uyushtirishi, aholi tinchligi buzilishiga ham sabab bo‘lmoqda. Shu boisdan, ularning OAV va ijtimoiy tarmoqlardagi xulq-atvor qoidalarini belgilab berish maqsadga muvofiq”.
Bu palataning fikri. “Islohotlarga qarshimisan?”, “Sening tanqidiy gaplaring tufayli odamlar ko’chaga chiqib ketsa, javob berasanmi?” degan tahdidli savollar yangilik emas. Va shu kabi savollar orqali ijtimoiy tarmoqdagi faollarning ovozini o’chirishga harakat qilinadi. Advokatlar palatasi ham shu yo’lga o’tgan ko’rinadi.
Palataning loyihasiga advokatlar e’tiroz bildirmoqda va qog‘ozda mustaqil, amalda kvazi-davlat tashkiloti bo‘lmish Advokatlar palatasi so‘z erkinligiga qarshi ish tutayotganini, bu esa oliy huquqiy hujjat — O’zbekiston Konstitutsiyasiga zidligini
taʼkidlashmoqda. Palata advokatlar manfaatlarini himoya qilish o‘rniga ularga dushmanlik qiluvchi tashkilotga aylanishidan xavotir bildirishmoqda.
👉
@xushnudbek 👈
