كبرياء عبارات غرور افتارات.

مراد بتصل بجاد....
جاد:اهلين شريك
مراد:اهلين بجاد بيك ... شو ياا صرت مدير شركة وماعاد شفناك
جاد:دي ضبو لالسانك اي
مراد:هههه مقبولي منك شو وين انت
جاد:والله بلكزينو وحولي كم بنت ضرب عم قلك لك تضرب بشكلك وين بدي كون من الصبح غير بلشركة
مراد:اي رواقك جاد بيك😏 لك شبك انت طلع ع حالك كيف صاير كتير جدي وين جاد المهضوم
جاد:اففف مراد انا متل ما انا بس عم حاول اتغير لا الاحسن
مراد:هاا وبرئيك هيك احسن
جاد:هففف ما بعرف مراد هلق باي عندي شغل...بشوفك "وسكر الخط"

بمرق يوم جاد بين شغل وأجتماعات

عند شوق......
بتكون كل وقتا بلدراسة شان ما تفكر بجاد ابدا بس ما بخلا الامر من الاشتياق💔

جاد بخلص اجتماعو وبتجي لا عندو سيرين وبتكون لابسي كنزة نص بطن وتنورة فوق الركبي بشبر وكعب
سيرين بدلع:مسيو جاد هون
السكرتيرة:سوري بس مين حضرتك
سيرين:بظن ما دخلك "وبتروح ع مكتب جاد"
جاد:شو عم يصير هون
السكرتيرة:سوري استاذ جاد بس هيه دخلت غصب عني
جاد:اوكي رجعي ع مكتبك
سيرين بدلع:كيفك بيبي😍
جاد:😡سيرين هاد مكان عمل والطريقة يلي فتي فيا حضرتك لاهون مو مقبولي
سيرين:روق جاد بس شتقتلك وجيت شوفك
وهي عم تقرب لا عندو
سيرين:وانت ما شتقتلي
جاد بمسك إيدا وبحكي بعصبية:سيرين انا لا هلق رايق معك بقا قصري الشر وشرفي من مكتبي بلا مطرود
سيرين بغيظ:ماشي يا جاد" وطلعت معصبي كتير"
"بعد اسبوعين......ويوم عرس مراد وراما🎊
بتصحا شوق بتغير تيابا وبتشرب قهوي مع رزان وبتودعا وبتروح لا عند راما لا توفق معا بأحلا يوم بعمراا
شوق:رامااا رموشي لككك فيقي
راما بنعس:🥱لكك ايي شووو
شوق:لك قومي يا دوب نلحق الكوافيرة
راما:طيب بس شوي حبابي
شوق وعم تكشف الغطا عنا:الله يصبرني ليكي راما وربي اذا ما قمتي هلق بروح وما بعود بحكي معك
راما:هههه لك شو عم تحكي انني عم امزح معك انا هاا ليكي قمت
شوق:اي هاا يالله شطورة

"عند مراد وجاد"
سامي:لكا يا عمي ايامك ادلل
مراد:ههه عقبالكن
سامي:انا من جهتي لسع بكيرررر
جاد:دي حاج نلعي فاضي وقوم نشوف شو ضل شغل
سامي ومراد:هههه أمرك مولاي
جاد:يا صبر..

عند الكوفيرة
شوق:يايي لك راما طالعا بتجنني انا صراحة صرت خاف ع صهري ما يقدر يتحمل كل هل جمال هاد هههه
راما:ههه عيونك الحلوي وانتي طالعا شللل😍عقبالك قلبي
شوق اكتفت بأبتسامة......
"راما بتكون لابسي بدلي بيضا كتاف ساحلي ومخنصرا ومن تحت نفش كتير وألا شاحط خفيف ورافعا شعرا كلو ومكياج بجنن وتاج ناعم وطلعاا بتجننن😍😍
"وشوق بتلبس فستان لونو احمر ع الطويل مخنصر وقطع وعلي ألماس ولولو ناعمين من فوق وألو فتحا بتبين رجلا اليمين لا الفخد وكعب احمر وتسريحة نص رفع ونص تاركتو ع الضهر مع تاج ناعم ومكياج رايق وروج احمر وطلعااا بتشل شللللل😍😍😍😍
بخلصو وبتجي الزفي لا حتى تاخدن ع الصالة وبكون مراد واهلو معن
"ومراد بكون لابس بدلة سودا وقميص ابيض ومسرح شعرو وطالع كتير حلوو 😍
وشوق بتكون متوترا كتيرر انو بدا تشوف جاد بعد كل هل فترا بس ما بتبين هاد الشي لا حداا.......
بوصلو ع الصالة مع الزفي الملكية وكانت الاجواء بتجنن برقصو العرسان سلووو مع اضائه رومانسية وبخلصو وبتشتغلو كل الاضوية وبقعدو بمحلن وبصيرو المعازيم يباركولن

جاد من بعيد بلمح شوق وبصفن فيا وبجمالا وعيونو كلن شوق وحب ألا
"جاد بكون لابس بدلة كحلية وقميص ابيض ومسرح شعرو وحاطط ساعتو الفخمية وراشش كل البارفان علية وطالع بجننننن😍♥♥

شوق بتوتر:اففف اهدي شوق اهدي اتجاهلي وبس

جاد بقلبو:لازم اعرف كلشي منا اليوم انا ماعاد قادر اتحمل رح ينفجر راسي من التفكير ليش عملت معي هيك
وراح لا يبارك لا مراد
جاد:مبروك شريك "وضموو"
وبهل لحظة بتوصل شوق لا حتى تباركلن
شوق:مبروك يا قلبي"وبتضما لا راما وهيه مو عرفاني انو جاد جنبا"
مراد:يبارك فيك عقبالك
جاد:هههه انا.........شوق
شوق:احم كيفك جاد
جاد:هاا منيح
شوق:اوكي انا بلأزن
مراد وراما:ازنك معك
جاد:وانا رايح مبروك مرة تانية
مراد:افففف شو صلن هدول

شوق صارت تفتل بين المعازيم وما بدا ترجع تشوفو لا جاد

جاد:اففف لك وين صرتي شوق
سيرين:هاد بيبي
جاد:هاد التم ناقص
سيرين:شبك حبيبي
جاد:سيرين مشان لي خلق بعدي عني وطلعي من حياتي للأبد بكرهك انا
سيرين بحقد:بس مارح تكون غير لا ألي
جاد دفشا عنو وراح لا يدور ع شوق
سيرين:ماشي يا جاد انا بورجيك

جاد شاف شوق واقفي لا حالا وعم تخبي وشا وراح لا عندا مسكا من إيدا واخدا لا بيعيد شوي
شوق:جاد تركني لك جاد
جاد:فيني افهم ليش عم تتهربي مني
شوق:انا ما عم اتهرب من حدا
جاد:ايوا قلتيلي طيب ليش توترتي وقت شفتيني
شوق:لك شبك انت عم تخبش وليش لا حتى اتوتر فهام بقا بيني وبينك مافي شي ابدا واذا كان في فهلق نتها عم تفهم
جاد بكسرا:بكرهك "وراح"
شوق:يالله يالله ليش رجعت شفتو وجرحتو من اول وجديد لك الله لا يسامحك يا سيرين

696 0 2

كبرياء عبارات غرور افتارات.

30 Nov 2024, 05:52

"ومرت فترا ع ابطالنا وجاد تغير كتير وصار يهتم بدراستو كتير وعم يحاول بتناسها لا شوق بس عبس سرقت قلبو وتركتو وسيرين عم تحاول تتقرب منو كتير بس هوي رافض هي الفكرا نهائياً وشوق عم تتعذب كتير ع غياب جاد وبنفس الوقت مبسوطة من التغيير يالي صاب جاد .....وصار وقت الامتحانات النهائيه واجا وقد الجد لا حتى جاد يثيت لا حالو ولا الكل انو بأدر يعمل كلشي بدون مساعدة من حدا "

~~~

بقدم الكل الامتحانات..........
............ وبأخر يوم بلجامعة
سيرين من بعيد:جااد....جادد
جاد:اهلين سيرين كيفك
سيرين تمام كيف ادمت ليوم
جاد:تمام وكلشي ببين وقت تطلع النتائج
سيرين:معك حق......طيب شو رئيك اعزمك ع فتجان قهوي بكافي "السعادة"بما أنو اخر يوم بلجامعة
جاد:طيب اوكي"وراحو ع الكافية"

شوق:اففف وأخيرا خلصنا امتحانات
راما:اي والله بهل مناسبة شو رئيك تعزميني ع كيك
شوق:ههههه اعزمك .....طيب لعيونك مشي
راما:خليلي عيونك

وراحو ع الكافي يلي راحو عليها جاد وسيرين

(ههههه ما تقولولي مسلسل هندي 🙏بس هي الكافي جنب الجامعة والكل بروح عليها ايواا..☺😇 )

(بلكافية)..🤗
جاد لا النادل :لو سمحت.....تنين قهوي سادة
النادل:تكرم استاذ
سيرين:😍شلون عرفت قهوتي سادة
جاد:ما بعرف شلفتا شلف وقلت اذا لا بتقولي انتي
سيرين:مممممم طيب جاد فيني اعرف ليش هل أد انت بعيد عني وعم تتجاهلني
جاد:سدقيني القصة مو هيك بس انا بعتبرك رفيقتي وبس وانتي مو حابي تتقبلي هل شي

بهل وقت بفوتو ع الكافي شوق وراما وبياخدو طاولي بعيدي شوي عن طاولت جاد بس بشوفو بعض
جاد بقلبو:شوق

شوق:يالله طلبي كيك وكبتشينو
راما:😍وكبتشينو يسلام🤗
شوق:ههههه لك مجنوني😅

سيرين:جاد ...جاد
جاد:هااا اي شووو
سيرين:فيني اعرف وين صافن وانا اعدي عم احكي مع حالي
جاد:هاا لا ولا محل
سيرين:اي باين .....طيب انا رح روح ع الحمام ما بطول
جاد:اوكي

راما:شوق شوفي مين في هون
شوق:مين في ...... وبتفتل لا تتطلع وبتجي عينا بعين جاد
شوق:شو جابو لهون
راما:بس هوي مو لحالو كانت معو سيرين وقامت كني ع الحمام
شوق:اففف يعني نجحت خطتا لا التافهة وصار ألا جاد راما خلينا نخلص الكيك بسرعة ونقوم بليز

جاد بقلبو:يالله شو مشتقلك يا شوقي بس كلو منك انتي يالي بدك هيك 😣

بعد كم يوم يتطلع النتائج.........
جاد بصراخ:مامااااا باباااااااا
عهد:اي ابني شلك ليش عم تصرخ
جاد:وين بابا
احمد:ليكني جيت شو بدك ليش هل عياط كلووو
جاد:هههه مسكو اعصابكن اول
احمد:😡جاد شووو
جاد:خلص رح احكي ......... انا نجت وطلعت من الاوائل ع الجامعة 😌😍
عهد:😢الف مبروك يعمري "وضمتو"
احمد:ولاك جاد وربي اذا بتكون شي كذبي من كذباتك لا ادفنك انت وعايش
جاد:هههههه طول بالك ابو حميد ...واذا مو مسدق دق لا مدير الجامعة وسألو
........وفعلن دق لا مدير الجامعة وتأكد وانبسط كتيرررر بجاد .......
جاد:ههههه سدقت
احمد:اي اي سدقت الف مبروك "وضموو"
جاد بقلبو:اخخخ ليش مافيني اكرهك شوق ومبسوط لا اني انتي سبب نجاحي
عند شوق.......
راما:ياييي ما عم سدق مجموعنا كتير منيح😍😇
شوق:اي لحمدالله ..... شو بدي قلك جاد نجح
راما:يييي ليش ما قلتلك من شوي حكيت مع مراد وقلي انو نجح وسألتو ع جاد وقلي انو هوي كمان نجح وبمعدل عالي
شوق بفرح:☺لحمدالله
راما:شوق ليش ما بتحكيلو الحقيقة لا جاد اكيد بساعدك
شوق:وبلكي ما حسن ونشرت الصور لك هاد مستقبلي ورح يخيب ظن رزان فيني
راما:اففف الله يريح بالك يقلبي هههههه هلق خلينا مبسوطين وتعي نحتفل عازمتك ع شاورما🤗
شوق:ههه اوكي وانا عازمتك ع بوظة

"بعد مرور 6شهور ..... وكل هل فترا شوق وجاد ما شافو بعض ابدا وجاد تغير كتير ماعاد الشخص المزوحي يلي كل همو البنات وبسطو .... صار شخص جدي كتير وكل حياتو صارت محصورا بلشغل بدو يأثبت لا الكل انو هوي قد الثق يالي عطا ياها ابو وصار عندو أصرار كبير يندم شوق انٍّ تركتو ....."وشوق" كل يوم عم تشتاق لا جاد اكتر من ليوم يلي قبلو وصارت سنة تانية بلجامعة "وراما"ما قدمت هل سنة لا اني مراد ما بدو ياها تكمل وهيه ما عارضت وعرسن بعد اسبوعين"

عند جاد.......

بصحا جاد متنشط بياخد دوش وبلبس تيشرت ابيض وبنطلون وجاكيت كحلي وشوز ابيض ....
وبنزل يفطر مع اهلو
جاد:صباح لخير
احمد وعهد:صباح النور
عهد:يلي رح يجهز الفطور
جاد:لا امي بفطر بلمكتب عندي اجتماع بعد شوي وبدي لحقو
عهد:متل ما بدك ابني
جاد:يالله سلام "وراح"
احمد:ههه مين كان متوقع جاد يصير هيك
عهد:اكيد محدا بس قلتلك رح يتغير الله يهديه
احمد:امين والله رفعلي راسي بين شركائي طلع عندي ابن كتير نشيط وزكي

"بلشركة".....
بفوت جاد ع الشركة بكل ثقة بصبح ع الموظفين وبروح ع مكتبو
السكرتيرة:صباح لخير استاذ جاد
جاد:صباح النور ..... طلبيلي قهوي وجهزي غرفت الاجتماعات بسرعة
السكرتيرة:حاضر استاذ

514 0 2

Показано 20 последних публикаций.

13 234

подписчиков

Статистика канала

Язык сайта

Как привлекать от 1000 пдп ежедневно?

Привлекай подписчиков выгодно

Монетизация телеграм-каналов

كبرياء عبارات غرور افتارات.

Гео и язык канала

Категория

13 234

Популярное в канале