قصيده
ام انور الذبحاوي
https://t.me/omanor
ليش محرابك يحيدر خالي
ارد اون طول العمر مابالي
💠💠💠
ليش مظلوم النبي وآل النبي
ليش سيف الطاغيه ياذي أبي
وليش منه تحرگت كل العبي
خلاف جدي المصطفى. يالوالي
💠💠💠
وابتدت اهل السقيفه بالظلم
حرگو الدار. اعله امي بلا رحم
وطاح عالغبره شبه راعي العلم
امخضب ابدم الضلع ويلالي
💠💠💠
چني توؤم صرت بويه وي الهموم
شربتني الدنيه احزان او سموم
اه يسهام القدر. صوبي تحوم
دمرت روحي يبويه وحالي
💠💠💠
دمرت حالي يبويه ابضربتك
غصب من عيني يوالينه اخذتك
شلون غدرت فاطمه هم غدرتك
خيبت والله جميع امالي
💠💠💠
مني ترحل ماحسبتك يالولي
صاح جبرائيل صوته معتلي
شدي حيلج طاح يازينب علي
الصوت ماادري شنو السوالي
💠💠💠
الصوت هد اركاني والروح اطلعت
انجرحت  ايامج يزينب اونتهت
ويه اركان الديانه اتهدمت
والحسن بويه يهدي بحالي

ام انور الذبحاوي

https://t.me/omanor