📕📒📓📔📘📙📗📕📒📔📓📕
ABAD — OBOD
Abad — doimiy, mangu.
Obod — obodon, farovon, sergavjum.
ABADIY—ADABIY
Abadiy — mangu.
Adabiy — badiiy adabiyotga oid.
ABZAL — AFZAL
Abzal — yugan, egar, jabduq kabi ot asboblari majmui.
Afzal — nisbatan yaxshi, durust, ma’qul.
ABLAQ — ABLAH
Ablaq — ola-bula tusli ot.
Ablah — o‘ta yaramas, razil, qabih.
ABRO‘ — OBRO‘
Abro‘ — eski t. qosh.
Obro‘ — hurmat, e’tibor, nufuz. Obro‘ qozonmoq.
ABGOR — AFKOR
Abgor — nochor, xarob.
Afkor — fikrlar.
ADASH — ODOSH
Adash — otlari (nomlari) aynan bir xil bo‘lgan kishilar — otdosh.
Odosh — dial. tamom bo‘lish; tugash; tamom. Odosh bo‘ldi.
ADIB — ADIP
Adib —badiiy asar yozadigan shaxs, yozuvchi.
Adip — to‘n, xalat kabilarning chetiga tikiladigan ensiz mato — mag‘iz.
ADIL — ADL
Adil — tik, to‘gri.
Adl — adolatli, odil.
ADRESAT — ADRESANT
Adresat — xat oluvchi.
Adresant — xat yuboruvchi.
AZIM — AZM
Azim — g‘oyat katta, ulkan.
Azm — qat’iy qaror, jazm. Azm qilmoq.
AZOT - OZOD
Azot — birdan, birdaniga, dast.
Ozod — tobe bo‘lmagan, erkin.
AYRILIK —AYRILIQ
Ayrilik — ayri bo‘ladigan, ayribop. Ayrilik yog‘och.
Ayriliq — judolik, firoq, hijron.
AYON — A’YON
Ayon — ma’lum, ravshan.
A’yon — amaldor.
ALIF — OLIF
Alif — arab alfavitidagi birinchi harfning nomi.
Olif - odatda lak, moy, bo‘yoq kabilarni tayyorlashda qo‘llanadigai tayyor moy, olif moy.
ALAM — A’LAM
Alam — Ma’naviy ezilish, azob chekish, og‘riq.
A’lam — din. Shariat qonun-qoidalari yuzasidan berilgan fatvoni tasdiq yoki rad etuvchi diniy arbob, bosh mufti.
ALAMON — AL’AMON
Alamon — olomon.
Al’amon — omonlik uchun murojaat.
