السلام عليكم .. #اولى_اسنان .

أغلبكم بعد سمع بالعطله سيب الشيتات ووقف القرايا علي اساس انها فتره طويله ..

بس انا حابب انقوللكم ان هذه حتكون فرصه كبيره لكم عشان تقدرو تقروا واتلمو فيهن المنهج الي اكيده تراكم عليكم وملحقتوش تلموه الاسبوعين الي فاتن لان ان شاءلله حترد الدراسه والوضع برضوا حيرد طبيعي في البلاد ،،

واحتمالية ان جدول امتحاناتكم ايكون في وقته ومش حيتاجل وارده بكل بس مرات حتمتحنوا لعند وين ما وصلتوا في جامعه فقط يعني لو خلوهن في موعدهن اكيد مش حيزيدوكم في المنهج ..وبرضو في احتماليه انهن يتاجلن عشان هك حنرجوا تاكيد من الكليه ،،

المطلوب منكم انكم تستغلو وقتكم كويس ومتخلوش العطله تمشي علي الفاضي اقل مافيها ثبت اللي خذيته في المعهد


و بالنسبه للمنهج الي مازال مخذيتوه في المعهد والجامعه عطاته ومشت فيه ،،

فمتخافوش اكيده حنديرولكم راي واليوم باذن الله حنجتمعوا بدكاتره المركز و مش حنخلو شي اياخر عليكم ..

اول شي حنطبقوا جميع الارشادات الصحيه داخل المركز وحنوفروا جميع المستلزمات للحافظ على سلامة الطلبة

وحنجيبوا شركة مختصه تقوم بتعقيم المعهد بالكامل
وبعدها حنوجوه رسالة لوزارة الداخليه عشان تجي تقيم الوضع لو وافقوا حنبدوا معاكم ،،

ولو لا فحيكون فيه دراسه عن بعد الي اتمكنكم انكم مش حتأخرو علي المنهج وحنفتحوا قناة على اليوتيوب خاصه بالمركز وحينزل فيها جميع المحاضرات ..

وعشان نحنا اتهمنا مصلحتكم فحنزلو فيديوهات بشغل الكارفينق لدكتور اشرف الفطامني واسئله وصور المعامل المهم مش حنخلو الوقت يمشي علي الفاضي .

#موفقين وربي يحفظ البلاد والعباد ويحمينا جميعاً ،، ❤