اقرو مش ح تندمو 😁🔥
#منقول
في صبح و وقت كانت هي ورفيقتها يطنقشن على كرعيهن شور المدرسة

شافته كالعادة مصبي بحت فيها وقال
:
مطراحَك يراجي فيك
هذاك لولي يَالولي 🔥.

بحتت فيه بنظرة اشمئزاز وقالت

لو تموت موت ماتهواه ، مكان كنت سيده وهالبه

مسكت يد صحبتها وجت بتمشي قاللها

عيونك مازلن هن هن.... اسماح وسود وفيهن حن

عطاته نظرة وقالت
كي تكرب نقعدلك رآني
هذاك الطيب نصراني

بحت فيها زين وقاللها تغيرتي بالحيل

قالت
ماعد نرايفو كي قبل.... مشيين للنسيه قيسنا💔

قاللها يعني مفيش امل؟

ردت عليه وقالت

"روح راني واصل حدي
مامن كف برد في خدي !"

وعطاته بظهرها ومشت

قالتلها صحبتها
تواطيله ياعين شوي
عزيز يدز يريد ايجي

فنصت في صحبتها وقالت
ايريـدوني لـولاف انـرد *** علـي طـشة هضـاك الـود

قالتلها صحبتها
باهي قوليلي
يوم فراقه كيف قدرتي
سبحان اللي ما ودرتي؟

قالتلها
- للناس حالفة ننساه
وابروحي نقول مرايفهه

قالتلها صحبتها
معناها انتِ اتحبيه
ردي يامسكينة ليش تعذبي ف روحك

قالتلها
اللي ميت واغطاه رديم
يرد وما رديت قديم

خلاص صكري على الموضوع

وجعها حال صحبتها وقالتلها

الله يعطيكي كوم زها ، زها ما ريته حتّى نا

دمعن عيونها وقالت بعبره

"سد نياهم سدو نيتي
عـ الصوب وسلو عافيتي"💔