Ishtiyoq.
Avvallari eng muhim narsa vaqt deb o'ylardim: vaqtingiz bo'lsa hamma narsa qilishga urgurasiz, qo'lingizdan hamma narsa keladi! Atrofimdagi ko'p insonlardan eshitaman "Bu ishni qilardim-u vaqtim yoq", "Ulgurmayapman!" kabi yoki bo'lmasa vaqtini behuda sarflashayotganidan noliyotgan ohanglarni. Afsuski ular orasida o'zim ham bor edim, borman ham! Lekin hozir vaqtdan ko'ra kerakliroq va muhimroq bir tuyg'u ham bor deb o'ylayman — ishtiyoq. Agar ishtiyoqingiz bo'lsa dunyoni ishi bo'yningizda bo'lsada, qilaman degan narsangizga 5 daqiqa vaqt topib uni qilasiz. Agar ishtiyoqingiz bo'lmasa kun bo'yi bo'sh bo'lsangiz ham hech nima qilolmaysiz, vaqtingizni shunchaki bekorchi narsalar bilan otkazib yuborasiz. Ijtimoiy tarmoqlar yoki shunchaki keraksiz o'y-hayollar bilan kuningiz o'tib ketishi mumkin. Xullas vaqtning o'zi ham yetarli emas. Ishtiyoq ham kerak. Qilayotgan ishingizga ishtiyoq bilan yondashidhlikka xarakat qiling va Allohga tavakkal qilib, chin qalbdan hammasi yaxshi bo'lishiga ishoning! Shunday qilar ekansiz, albatta hammasi yaxshi bo'ladi yoki yaxshilikka bo'ladi!
23.08.2022
