اساس ليلة مسلم ع

باجر موعدنه انه وياك
يامسلم بالكـــــوفة هناك
انه وياك نوفي الديــــن
للزهرة وحيدر وحسين

1

تواعدنه اعله حب الله بهذك اليـــــوم
وجان الموت احمر والسيوف اسموم
توكلنا اعله ربنا الخالق القيــــــــــوم
نمشي بهل طريق وناخذ المقســـــوم

وتوكلنا اعله المعبـــود
وأسم الله ورايته شهود
لهذا الموقـــف متخذين
للزهرة وحيدر وحسين



2
يامسلم أخذ عهدي بمسيل الـــــــــدم
انه هاني ابنه عروة ومن علي معلم
من أشوف الموت أحس عيوني تتبسم
لو أصبـــح وذر للحسين ما أهتـــــــم

بالعشرة أبصم والعباس
خل تشهد كل هذا الناس
دوم عالحـق متصافين
للزهرة وحيدر وحسين


2
ضميرك من زمط ياهاني اعرفنه
اشمن بي نجاة وفوز بالجنـــــــة
إذا ننخه علي مانصبح بمحنــــة
لأن حب الوصي يجري بظمايرنه

جفي وجفـــك يرفع شان
يترك بصمة اعله الطغيان
نوكف ونقــــاتل صفين
للزهرة وحيدر وحسين


4
انه صاحب رسالــة ولازم أنطيها
حق مشروعي وآنه بدمي فاديها
بالكوفة المظالـــــم راح أخــزيها
وبقصر الإمارة الراية أعــــــليها

وأعلن دولة حامي الجار
وأكســــــر قانـــون الكفار
وبعـــون الله منتصرين
للزهرة وحيدر وحسين


5
عدنه أمر العقيــــدة مو أمر مكلف
علمنا علي بالشـــــدة مانرجـــــف
سيف بسيـــف نبقى بالعدل ننصف
آنه وياك خل أنسجل المــــــــوقف

ظل يتردد منـــه الصوت
مكتوب ألنه نموت نموت
واحنه ويــــاهم ربحانين
للزهرة وحيــدر وحسين

6
ندري نموت لكـن نصنع الإيثار
ويسجل أسمنه بدفتـــر الأنصار
بطولتنه يعرفها الدرع والبتـــار
شراح انسوي هذا اليوم بالكفار

خل تسولف للأجيــــــال
بالكوفة من صار الصار
كل واحد شايل سيفين
للزهرة وحيدر وحسين

الشطرة
امجد صاحب ألشطري

https://t.me/oydgh