اساس ليلة الانصارع
ياحسين أنصار عندك بالحـرب ماتنجلـي
لاتهــم خلهــه علينــه كـربلــه يابو علـي
هل الشعار ضد يزيـد بالقتـــال عـدنـه عيـد


1
ياحسيـن احنـه بخدمتـك تحـت أمرك بالشدد
لــــو نصيـر أرمــاد لاجـــلك مانـوفيـــلك أبد
شمـا يصيـرون الأعـادي وتكثــر بأكبـر عدد
نهجـم بقـــوة وإرادة نصيــح يحسيــن المدد

سيــدي سبعيــن احنــه علـى كل واحد ألــف
ياحسيــن أويــــاك دنيـــا وآخــرة مانختلــف
هـــل العمـــــر مايفيد بالقتـــال عـدنـه عيـد



2
ياحسيـن إبـلا مقـابــل لـــو نــزف منــه الدمه
هل القلـوب البيهـا أسمــك فـي محبتـك هايمه
عفنه كلشي أيخص عمرنه وكل جميل أنقدمه
مانعــز أعليــك دمنـــه وداعـــة أمـــك فاطمة

فنهم أيوصلـون يمك والله نحصـدهـم حصــد
نقسم بدمنـه وشرفنـه شخـص واحـد مايـرد
والنــــزال مـــو بعيـد بالقتـــال عـدنـه عيـد

3
كــالـوا المــاعنـده سلطــة ما اله كــل منزلة
وإذا واحد راد سلطة كلـشي أحنـه نصير اله
صحنــه يتبـــاع الفـواحــش دينكــم ماندخله
حسيــــن نفـديــه بعمرنــه بالــذهــب منبدله

الشمــر ينظــر علينــه بالحجـي كلـه أنصدم
صـاح ذولـه بهـذا حبهــم مايعـرفــون الندم
بهـل الكـلام شي أكيد بالقتـــال عـدنـه عيـد


4
آنــه أبــــن عوسجــة مسلــم لاتهــم ياسيـدي
أنـت حبــك سكــن بيــه بصلـــب أمـي والـدي
ما أهم بموتـي أقســم لــو أظـل بــس وحـدي
الموت عندي مو نهايـة عندي ساعـة مولدي

حكه عابس شك قميصه وصاح سودني العشك
لــن حبــك وســـط روحـه يسـري وبقلبـه يـدك
مــاتـــــــذل العبيـــــد بالقتـــال عـدنـه عيـد


5
آنـه جـون وهـذا نافـع والرياحــي آنـه وأنس
حنضلــه آنــه وجنــاده مايهـــزونـــه الحرس
ياحسيــن أنـــت ضوانـه وأنــــت للريــه نفس
وآنه يحسيـن ابن ظاهـر صاعد بظهر الفرس

اليـوم نكلبهــــا عليهــم والــــزلـــم متحضره
لو يسيل الدم يــوالــي فــدوه يبـــن الطاهرة
الليلة صاح جم شهيد بالقتـــال عـدنـه عيـد

6

واحــد وسبعيـــن كلنــه مانفكـــر بالعمـــر
نــدري احنــه نمــوت لكــن للطلـب مانعتذر
باجــر أيصيـر بجـوارك ياحسيــن ألنــه قبر
واليـــزورك يابــو الأكبــر لازم أعلينــه يمر

كل اسامينه بحضرتك على اللوحة مسجلـة
ذوله أنصار أبو اليمه الماتوا بطـف كربلـه
هــــــــذا دم الــوريــد بالقتـــال عـدنـه عيـد


بغداد
امجد صاحب الشطري

https://t.me/oydgh