Pandora | Qizlar jamoasi


Гео и язык канала: не указан, не указан
Категория: не указана


Namangan Zakovat klubining birinchi liga jamoasi
Maqsadimiz – ilm o'rganish va ziyo tarqatish.
Kanalda turli qiziqarli faktlar va jamoa hayoti haqida postlar ulashib boriladi.

Связанные каналы

Гео и язык канала
не указан, не указан
Категория
не указана
Статистика
Фильтр публикаций


#fakt

Sakkizinchi sinf sindromi

Yaponiyada keng tarqalgan psixologik vaziyat bo'lib mahalliy tilda Chunibyo atamasi bilan nomlanadi. Asosan 13-15 yoshli bolalarning o'zini g'ayritabiiy kuchga yoki hech kimda yo'q muhim ma'lumotga egadek his qilishishiga aytiladi.

Bunday sindrom, asosan, turli anime ko'rish yoki manga komikslaridan kuchli ta'sirlanganlik natijasida kelib chiqadi va yapon o'smirlari orasida bu holat norma deb hisoblanadi.

@pandora_zakovat


#fakt

Epitafiya (yunoncha) — qabr ustidagi yozuv. Qisqa jumla yoki sheʼr shaklida ifodalanadi.

Epitafiya kichik hajmda, marhumga qaratilgan yoki marhumning oʻzgalarga qaratilgan fikridan iborat boʻladi.

Turkiy xalqlarda O'rxun-Enasoy yodgorliklarida epitafiya namunalari uchraydi.

@pandora_zakovat


#Fakt

Filateliya - pochta to'lov belgilari, asosan markalarni kolleksiya qilish.

Terminni fransuz marka toʻplovchisi G.Erapen 1864-yili kiritgan. Anna Dostoevskaya ham birinchi Filatelistlardan. Oʻzbekistonda filatelistlar jamiyati 2003-yilda tashkil qilingan.

Filateliya ashyolari 3 yoʻnalishda: tarixiy, mavzuviy va xronologik yoʻnalishlarda toʻplanadi va oʻrganiladi.

@pandora_zakovat


#fakt

Eronning milliy valyutasi hisoblangan Riyol oʻrniga endilikda Tuman muomilaga kiritilgan.

Eron prezidenti Ma'sud Pizishkiyon moliyaviy islohotlar toʻgʻrisidagi qonunda, endi rasman "Eron riyoli" oʻrniga "Eron tumani" joriy etilishi belgilangan.

Zakovatchilar uchun bu — Tuman so'zining yana bir omonimi paydo bo'ldi, demakdir. Blits savol tuzishli)

@pandora_zakovat


#tonggi_iqtibos

– Qaniydi, sen bilan oldinroq koʻrishganimda.

– Xoʻsh, bugunning “oldinroq” emasligini qayerdan bilasan?

📚”Uzoq tuzoqlar”, Rizvon Oqlon.

@pandora_zakovat


#fakt

Favela —  hamjamiyat sifatida ham tanilgan, Braziliyadagi tarixiy, hukumat e'tiboridan chetda qolgan xarobalar turi.

Rio-de-Janeyro markazidagi Providensia nomi bilan mashhur boʻlgan ilk favela 19-asr oxirida paydo boʻlgan.

U Kanudos urushidan keyin yashash uchun joyi yo'qligidan favela daraxtlari ostida yashagan askarlar tomonidan qurilgan.

Braziliya aholisining deyarli 6 foizi favela va boshqa xarobalarda yashaydi.

@pandora_zakovat


#fakt

Mastaba (arab. — tosh oʻrindiq) — Qadimgi Misr maqbaralarining nomi.

Mastabalar uyga oʻxshatib gʻisht bilan qurilgan qumtepalardan iborat. Ularning yonlariga ibodat qilinadigan maxsus xona hamda dafn anjomlari qoʻyiladigan yertoʻla ham qurilgan.

Qad. Misrdagi I va II sulola davrida mastabalar firʼavnlar maqbarasi xizmatini oʻtadi. III suloladan boshlab mastabalar oʻrniga firʼavnlar oʻzlari uchun ehrom (piramida)lar qurdira boshladilar.

@pandora_zakovat


#girls_life

Afro - 1970-yillarda afroamerikaliklar orasida urfga kirgan shishgan, katta hajmli soch turmagi.

Soʻz "afroamerikalik" terminidan olingan.

AQShdagi quldorlik davrida (1860-yillarga qadar) afroamerikaliklar jamiyatda ustunlik qilgan oq tanli aholiga taqlid qilib sochlarini shunday turmaklashgan.

Bu soch turmagi uchun maxsus "Afro-master" tarogʻi bo'lib, u 1972-yilda Virjiniyalik parixmaxer Frenk Harvi tomonidan yaratilgan.

@pandora_zakovat


100❤️

Davramiz ishtirokchisiga aylangan har bir kishiga katta rahmat!

Bu kanaldan maqsad — jamoa a'zolari turli savol to'plamlarida uchratgan qiziqarli faktlarni yaxshiroq eslab qolish uchun tayyorlangan postlarni ulashish.

Ma'lumotlarda kamchilik ko'rsangiz yoki qo'shimcha qilmoqchi bo'lsangiz doimo muhokamada izoh qoldirishingiz mumkin, sog'lom tanqid biz uchun o'sishda yordam beradi.

Faollik uchun avvaldan rahmat!


#girls_life

Botfortlar - ayollar uchun mo'ljallangan, uzun etiklar bo'lib, tizzadan yuqorida turadi.

Fransiyada bu etiklar birinchi bo'lib paydo bo'lgan va ularning nomi ham fransuzcha "bottes fortes"(kuchli etik) so'zidan kelib chiqqan.

Dastlab bu etiklar qirollik va harbiylar kiyimi edi. 1960- yillarda dizayner Andre Kurej ayollar uchun maxsus botfortlarni moda olamiga olib kirgan.

@pandora_zakovat


#effekt

"Guvoh effekti" yoki "Jenoveze sindromi"

Psixologik effekt bo'lib, biron jinoyatda, favqulotda vaziyat yoki boshqa holatlarda guvohlarning jabrdiydaga yordam bermasligini, qancha ko'p guvoh bo'lsa, jabrlanuvchiga shuncha kam yordam berilishini ifodalaydi. Bunda har bir guvoh jabrlanuvchiga o'zi emas, boshqa kimdir yordam berishi kerak deb hisoblaydi.

@pandora_zakovat


#girls_life

Shlyapa Tabletka - kichik, dumaloq shakldagi ayollar shlyapasi boʻlib, oʻrta qismidagi toʻpga oʻxshagan shakli bilan ajralib turadi.

U 1930-1960-yillarda ommalashgan, hozirda zamonaviy uslublardagisi ham ancha mashhur.

Amerikaning birinchi xonimi Jaklin Kennedi ham bu bosh kiyimdan foydalangani bilan mashhur.

@pandora_zakovat


#girls_life

Odango - asosan Yapon qizlarida keng tarqalgan soch turmagi.

Odango soʻzi yapon taomining nomidan olingan boʻlib, unga oʻxshab ketganligi uchun ham shunday ataladi. Koʻpincha yapon anime va mangalarida shu turmakdan foydalaniladi.

Xitoy va AQSh da bu turmak mashhur boʻlib, Xitoyda "yaji" yoki "shuangyaji" deyilsa, AQSHda "space buns" deya 1990-yillarda mashhur boʻlgan.

@pandora_zakovat


#tonggi_iqtibos

«Hamma ham oʻzini aslidan koʻra sal qahrliroq deb biladi, goʻyo tuygʻusini oshkor etib qoʻysa, haqoratlanishdan choʻchiyotgandek…»

📚 «Oydin tunlar», Fyodor Dostoyevskiy.

@pandora_zakovat


#fobiya

Koulrofobiya — masxarabozlardan qo'rqish kasalligi.

Ushbu fobiya o'tgan asrda paydo bo'lgan. O'sha davrda masxaraboz obrazidan odamlarni qo'rqitishda ham foydalanishgan.

Aynan koulrofobiya Stiven Kingni mashxur "U"("Оно") asarini yozishga ilhomlantirgan.

Qiziqarli fakt: 1990-yilda "U" romani asosida suratga olingan filmda masxaraboz Pennivayz rolini ijro etgan Tim Karri ham butun umri davomida koulrofobiyaning og'ir shaklidan aziyat chekkan.

@pandora_zakovat


#pandora

Bugun jamoa yangi tarkibda to'planib O'quvchilar ligasi navbatdagi tur o'yinida o'z kuchini sinab ko'rdi.

Yangi tarkib bir-birini yaxshiroq tanib, o'yin jarayonida osonroq tushunishi uchun bu kabi "trenka"larni ko'proq o'tkazib turamiz, nasib bo'lsa.


#sindrom

Xorijiy urgʻu sindromi – bu noyob nevrologik holat bo‘lib, odam o‘zining ona tilida gapirganda xorijiy shevada gapirayotgandek tuyuladi.

Bu holat odatda miya shikastlanishlari, masalan, insult, miya travmasi yoki boshqa nevrologik kasalliklar natijasida yuzaga keladi.

Belgilari:
Ona tilidagi so‘zlarning talaffuzida noaniqliklar. Xorijiy tilda gapirayotgandek ovoz va intonatsiya. Nutq tezligining o‘zgarishi (tezlashishi yoki sekinlashishi).

@pandora_zakovat


Pandora jamoasining kuz/qish mavsumdagi rasmiy o'yinlar uchun formasi.


#girls_life

Babetta - sochlarni boshning yuqori qismiga tarab to'plangan soch turmagi.

Bu soch turmagi 1959-yili Brijit Bardo ishtirok etgan "Bebetta urushga ketmoqda" filmidagi qahramonning ismi bilan nomlangan.

Bu soch turmagi ko'rinishi o'xshab ketgani sababli yana "Улей"(ari uyasi) yoki "Сахарная вата"(paxta qand) deb ham ataladi.

Soch turmagining asosiy "fishka"si, sochni taroq yordamida shishirish.

@pandora_zakovat


#fakt

«Avatar» filmidagi Pandora mamlakati axolisi so‘zlashuvchi Navi tili chindan xam mavjud.

Bu til film rejissyori Djeyms Kemeron buyurtmasiga ko‘ra lingvist Pol Frommer tomonidan maxsus ishlab chiqilgan.

@pandora_zakovat

Показано 20 последних публикаций.