Peggy Books :)

​​#review
#2023_7
"Tog'lar ham sado beradi" Xolid Husayniy

Anchadan beri bunaqa keskin voqeali kitob o'qimaganimga buni anchagina tezroq tugatdim, ya'ni 4 kunda.

Asarga to'xtalsak, Xolid Husayniy amerikalik afg'on sifatida, o'z elining hayotini yoritishga harakar qiladi. Kitob yozuvchi tomonidan emas, balki turli xil qahramonlar tilidan, bir qahramon qissasi esa bir necha davrni o'z ichiga olgan holda hikoya qilingan. Mana shu narsa, shu usuldagi kitobni anchadan beri qidirib yurgandim. Romanda qahramonlar yetarlicha ko'p va ularning hayotlari bir-birlariga tutashib ketgan. Qisqa qilib aytganda, bir nuqta bilan boshlangan taqdirlar, asar o'rtalarigacha ko'payib, so'nggida esa yana o'sha nuqta bilan tugaydi.  Azob bilan, ko'zimdagi yosh bilan o'qidim. Nega? Har bir qahramon tarixi nurlar bilan boshlanib, asta-sekin o'z qora dog'larini yuzaga chiqaradi. Aka jon-jigari bo'lgan singlisidan ayriladi, singil esa o'zligini unutadi, yuzini it tishlagan qizdan uyalgan ona uni tark etadi, xullas ayanchli.

Xolid Husayniy aynan afg'on elini tashlab, yaxshi hayot umidida Amerika yoki Fransiya ketgan odamlarni emas, balki o'sha odamlarning Afg'onistonga qaytishi yoki hech bo'lmaganda unga talpinishi, o'z Vatanini qo'msashiga ham alohida urg'u berib ketgan, chunki ayb mamlakatning o'zida emas, balki uning boshqaruvchilarida ekanligi ko'p satrlarda yoritilgan.

Agar siz ham yozuvchi tilidan emas, qahramonlar tilidan yozilgan asarlar shaydosi bo'lsangiz, kitobni o'qing!

Hammasi kitob haqida!
Happy Reading✨

@peggybooks

#review

Parvoz Zavqi - Richard Bach

Kitob bir Baliqchi qushning hayoti, uning boshqalarga o'xshab yashay olmasligi, to'siqlar va turida birinchilardan bo'lib, o'zining qobiliyatlarini sinab ko'rganlari haqida hikoya qiladi. Baliqchi qushlar odatda suv yuzasida pastlab uchib, faqat ozuqa qidirib, kunni kech qilishadi. Lekin Jonatan bundarlardan emasligini, samoda erkin parvoz qilish unga zavq berishini anglaydi, ma'nosiz hayotiga nur olib kiradi, bizning tilimizda jadidlar kabi ish ko'radi. Xususan, u xalqini bunday ''uyqu''dan uyg'otishga urinadi, urinadi, hatto quvg'indi bo'ladi, ammo to'xtamaydi. Ba'zan shunday g'aflat balosi ko'pchilikni o'z domiga tortadi, ''ota-bobolarim ham mana shu ishlarni qilishgan-ku" deb o'zini ovutib, issiq joylarini sovutgisi kelmaydi. Ba'zan esa shu qadar bo'lishadiki, ularni ko'zi ochiq, ko'r deyish mumkin. Jonatan ham tavakkal qilish, yangilik kiritish boshida mushkul ko'rinsa ham, u ko'p hollarda yaxshilikka yetaklashini uqtirmoqchi bo'ladi.

Asar kichik hajmda, uni bir o'tirishda yoki ikkiga bo'lib o'qish mumkin, tarjima sifati esa qoniqarli, odamlarning hayoti jonzotlar timsolida tasvirlangan asarlar yoqadimi? Javob ha bo'lsa, unda kitobni o'qing!

Hammasi kitob haqida!
@peggybooks

#review
#2023_1

My first-ever book review

Kitob ingliz tilida, u haqida o'ylasam, faqat inglizcha fikrlar keladi. Shuning uchun ham review aynan shu tilda. O'qilishi og'ir bo'lgan kitoblarim turkumidan. Chunki bolalar trauma'lari va ularning butun hayotga, o'smirlik va turmushga ta'siri haqida o'qish har kimga ham oson emas, xususan, o'zim buni bo'lib-bo'lib, orada 2 ta kitob tugatib, so'ng o'qidim. Yuqoridagilarga tayyor bo'lsangiz va Birlashgan qirollik hayoti sizga qiziq bo'lsa, kitobni o'qing!

Hammasi kitob haqida!
Happy Reading✨