تفتيح البشره🌝
ماكو وحده بينا ما تحب تكون بشرتهه متفتحه ونظره وما بيها شوائب
منين تجي البقع والاسمرار والكلف؟؟
البشره تكون كُلش حساسه وتتاثر باقل شي فممكن هايه البقع من درجه الحراره العاليه(الشمس) او اهمال البشره أو النظام الغذائي السيئ أو حاله نفسيه او تغير هرمونات وهوايه بعد أسباب تضر البشره وتخليها بمنظر مو حلو (ما بيها حياة)
شلون اعالجها؟؟🙂
راح نحجي عن طريقه العلاج من كل الجوانب
أولا :
أكثر الطرق أمانا هي كريمات التفتيح الي تحتوي فيتامين سي والسيرومات أو الكولاجين الطبيعي أو جل الصبار أو المرطبات الطبيه القويه مثل سيرافي ستافيل افين وكريم الجلسرين
هذني كُلش أمان وما بيها اي ضرر لو شكد ما بقيت استخدمه بس درجه التفتيح تختلف بحيث أنه كريمات فيتامين سي والكولاجين ينطن درجه تفتيح أقوى ونظاره وشد بشره 😌😎
نجي اذا اني بشرتي كُلش متضرره وبيها كلف وبقع داكنه
هنا أستخدم كريمات طبيه
مثل كريمات تحتوي هايدروكينون (هاي كوين ،بيجمانورم،افوكوين) وغيرها من الي تحتوي هايدروكينون
او كريم ميلاكير ،سكن كير
او كريمات مقشرات الرتن مثل اكرتين دفرين سكينورين وذني يحتاجن شرح مفصل لاستخدامهن
*سكينورين كُلش معروف عنه بلتفتيح
عيوب هل الكريمات انه استخدامهه لفتره طويله ياذي البشره
فكون استخدمهه تدريجيا +مو اكثر من شهر ونص. وغير آمن للحامل والمرضع💔😐
زين اني بشرتي ماتحتاج كل هذا أريد شي بسيط؟؟☹️
اكو كريمات بسيطه وتفتيح وقتي طبيعي مثل كلين كلير فيراندلوفلي
اني اخاف من المواد الطبيه خاف تاذيني وبشرتي مو كُلش متضرره ؟؟😕
استخدمي ماسكات منزليه وبس
شوفان وزبادي او عسل وكركم وزبادي او طحين تمن وعسل وهايه كلها مجربه بلتفتيح ونتيجه مضمونه بس تحتاج خلك وصبر يعني ابقو عليها فتره طويله يلا تشوفين نتيجه مو من اول اسبوع تريدين بياض الثلج خوش فيروز😒😂
وابسط الطرق هي
جلسرين ومي ورد مجربه ومضمونه تفتح وتنطي نظاره وااو
اهم شي حته تدوم بشرتج نظره وبيها حياة ومتفتحه التزمي بنظام غذائي زين كثري فواكه عصائر فيتامينات وخصوصا فيتامين سي وشربي مي هوايه هوايه اعتني ببشرتج قشريها ورطبي ع طوووول سواء دهنيه أو جافه
وراح تصيرين قمر اربعطاشر من فدواا لهل الوجه🥺🌝😂😂
وهيج خلصنه موضوع التفتيح
** انتبهو تفتيح مو تبيض ماكو شي اسمه تبيض لحد يقشمركم لو شكد ما تحطين ورا فترا ترجع صبغتج الطبيعيه تنرفز ويرجع لونج مثل ما هو
الله جميل يحب الجمال فلكل حلو سواء اسمر او ابيض لتخلون كلام الناس الفارغه يأثر بيكم وخلو ثقتكم بنفسكم اقوى وكلما تقتنعين بنفسج يزيد جمالج نقطه راس سطر.
وهايهيه وشكرا وعفوا الي💙🌚
@Phzoozy
