تازه خبر:
په بلخ کې د مزدور دښمن په عملیاتي قطعه فدايي برید لسګونه ځانګړي عسکر وژلي او ټپيان کړي
نن سهار اته نیمې بجې د اسلامي امارت د استشهادي کنډک یو تن فدايي مجاهد ( متعلم صدیق الله وردګ) د موټر په مټ چې له درنو منفجره موادو څخه ډک کړای شوې وه د بلخ ولایت خاص بلخ ولسوالۍ په آقچه بندر سیمه کې د مزدور دښمن د صفرشش قطعې په مرکز چې عملیاتي کمانډويي عسکر په کې میشت وو استشهادي برید وکړ.
د عملیاتو په نتیجه کې د یاد مرکز اکثره ودانۍ نړیدلې، د ابتدايي معلوماتو له مخې (۶۱) تنه کمانډويي عسکر يې وژل شوي او لسګونه نور ټپيان دي.
ورسره د دښمن ګڼ شمیر نظامي وسائط، وسائل، اسلحې او نظامي توکي له منځه وړل شوي دي.
د یادونې وړ ده چې دغه قطعه په بلخ او شاوخوا ولایتونو کې د مجاهدینو په ضد د عملیاتو د اجرا کولو په موخه ځای پرځای شوې وه چې مخکې له عملیاتو څخه د مجاهدینو تر کلک ګوزار لاندې ونیول شوه.
د راپورونو له مخې دغې استخباراتي قطعې غوښتل په شمال کې د داعش په نوم کرغیړنه پديده هم بیا را ژوندۍ او په ځینو حساسو ځایونو کې ځای پرځای کړي‎.
دیوه راپور له مخې په ننني برید کې هم د داعش په نوم ځينې مهم کسان له منځه تللي دي.
دغه اتلوال برید د دښمن د هغو وحشتونو، ظلمونو او عملیاتو په غبرګون کې یو انتقام هم وو چې په بلخ او زابل کې يې د اسلامي امارت د شهیدانو اجساد ټوټه ټوټه کړل، همدا ډول د ملکي هېوادوالو په کورونو بمبارونه، حملې او د توغندیو بریدونه کوي.
اسلامي امارت به د خپلو خلکو او مجاهدینو څخه په کلکه دفاع وکړي او وحشي دښمن ته به د هغوی د هر کرغیړن عمل سزا ورکړي.ان شاءالله
ذبیح الله مجاهد د اسلامي امارت ویندوی
۶/۱/۱۴۴۲هـ ق
۴/۶/۱۳۹۹هـ ش ــ 2020/8/25م