دلنوشته عشق عاشقی

🍃🍃🌺🌺🌺🍃

میلاد_حضرت_رسول_اکرم ﷺ
بر همه مسلمین جهان مبارک باد
🍃🌹🍃
گل آچیب بلبل شوریده‌سرین بایرامیدیر
هفدهِ‌ ماه‌ ربیع شیعه‌لرین بایرامیدیر
ـــــــــــــــ
مرغ روحوم پَر آچیب سمت گلستانه گئدور
مُحرِم اولمیش طبع شعریم عربستانه گئدور
طوطی نطق فصیحیم شکرستانه گئدور
بِئلَه فرض اِئیله‌ییرم طفل دبستانه گئدور
فلک‌ و اختر و شمس‌ و قمرین بایرامیدی
ـــــــــــــــ
ظلمت جهل‌وضلالت اولاجاق‌دیر سپری
دیولر وحشته دوشدو چالیشیر جنّ‌وپری
گؤستریر اَنفس‌وآفاق‌ده آیدین سحری
گئنه‌ده پارلادی بطحاده رسالت گهری
هنرون ساخلاما شاعر هنرین بایرامیدی
ــــــــــــــــ
یازارام اِبنِ‌ذبیحین آدینا مدح وثنا
شامل حالیم اولار مرحمت‌ولطف خدا
شعریلن دِئینمی مولایه‌ اِئدم بلکه ادا
بِئلَه مولود بلند اَختره جانیمدی فدا
آچیلیب مدرسه جنّ‌وبشرین بایرامیدی
ــــــــــــــــ
طاقِ‌ کسریٰ سیناجاق احمدمختار گلور
قُلزم ساوه قورور چشمه‌ی دادار گلور
سؤندو آتشکده‌لر ساطِعُ‌الاَنوار گلور
اَمجدِ ذِبحاًعظیماً دلِ‌ بیدار گلور
بوگونون‌ مثلی او والاگهرین بایرامیدی
ـــــــــــــــ
#هفده_ماه_ربیع_روزمحمدﷺ ساییلور
بوگونون صبحی جهان نور خداییله دولور
جان عالم سِئوینیر دلده‌کی محنت پوزولور
صادق آلِ محمد ﷺ اونیلان همره اولور
جشن‌دیر هم پدرین هم پسرین بایرامیدیر
ــــــــــــــ
آمنه بنت‌ِ وهب شادوخرامان گؤرونور
مکه شهرینده ایکی‌ نور درخشان گؤرونور
باقرالعلم اؤزوده بوگئجه خندان گؤرونور
دردمندان جهان دردینه درمان گؤرونور
قابَ قَوسینه یِئتن مفتخرین بایرامیدیر
ــــــــــــــــــ
تاپمیشوق نورمحمد ﷺ آدینا جمله حیات
اُول وجوده گؤره عالملره یاغدی‌ برکات
ایکی مولود مقدس بیزیچون بابِ‌ نجات
حُسنِ زیبالرینه ذکر اِئله_غرّا_صلوات
مرحبا حضرت خیرالبشرین بایرامیدیر
التماس.دعا
اکبرستاری✍«قیزیل‌قلم»✍

🍃🌷💖🌹🍃