اتكلم مع ربنا لحد ما عينك تروح في النوم ✋
الجملة دي عادية
بس لما بدأت اطبقها في يومي حسيتها جداً
يعني تتخلي عن فكرة ان الكلام مع ربنا في الصلاة بس
لا ده وانا ماشي وانا قاعد وانا لوحدي .. وانا وسط الناس .. وانا علي سفر عمال اتكلم مع ربنا جوايا .. بستخيره .. بقوله ناوي اعمل ايه ..بحكيله عن الخطة اللي غيرتها .. بشكيله تصرف ضايقني .. بحكيله الضغوط اللي انا فيها وعلي حاجة مقلق منها بقوله عن فلانه اللي بحبها وعن فلان اللي وجعني وعن فلان اللي مش فهماها بستغفره أول بأول عن غباء تصرفاتي .. بدعيه بتفاصيل صغيرة اوي لو حد سمعها هيستغربها

انك تكلم ربك ٢٤ ساعة وتختم كل مرة كلامك بإنك واثق انه مش هيضيعك وانه سندك الحقيقي وتضحك وتطمن ..ساعتها نسبة الشكوي هتقل .. هتلاقي نفسك مرتاح والاشارات من ربك هتلاقيها قدامك كتير .. كتير اووي
الحالة دي ممكن نسميها الاستغناء التام بالله ❤