الشاعر رعد الچريخي

أمُ البنينِ (ع) تسأل السيدةَ زينب (ع)


يزينب سولفيلي شسوه عباس
وصيته واعرفه يرفع الــــراس

وفائه من وفائي *** حسيني كربلائي

*-------------------*--------------------*

وصّيته لمن راح يحمي الضعينــه
ترباتي واعرف زين غيره بجبينه
شفت العلم تفصال صار بيمينـــــه
رفرف دليلـــي ويــــاه وتفاركينــــه

ودعته بدمعتي وادري ميعود
واتنطر تجيني اخبـــار الزنود

يشاركني بولائي

*-------------------*--------------------*

راضع وفه و أدريه گدهه الوصيه
گلالي جــودي ايطيح لازم وأديـه
ودعته بس اوداع يصعب عليـــه
من ايدي ادري يروح بالغاضريــه

يشبه والده بالحومــــه كــــرار
ما يرجع يدوس بجدمه الاخطار

لبو الاكبر فدائي

*-------------------*--------------------*

للغيره ضل عنوان راعي المحنه
اتخيّله بكل يوم واگبالي چنـــــــه
اشسوه اخوچ اهناك احچيلي عنه
افراگه شاب الراس يبنيتي منـــه

اعرفه بمنحره أيوفي لحسين
واعدني بكلامه والوعد ديـــن

تفارگنه و دعائي

*-------------------*--------------------*

ادري التعب محفوظ كله التعبتـه
اتنومس اسمع بيه رخص رگبته
گدهه و ثلث تنعام للطف ذخرتــه
زينب اذا وفــــاچ احمل فرگتـــه

اخبريني بوفائه وضمدي الجروح
وما اخلي الدمع بخدودي مسفوح

اليصبرني ابّلائي

*-------------------*--------------------*

فدوه لعزيزي يروح ما دامه وفه
الخوه حك اتريد وانطاهه چفــــه
ضاع النهر و الناس محد يعرفــه
واتفاخر بعباس و بجوده جرفــــه

اسئلنچ عليه وراســي مرفوع
متهمه الاعادي و كثرة اجموع

انتمائه و انتمائي

*-------------------*--------------------*

اسمع فعل عباس و يخف الوّنيــــــن
ربيتـــه للكلفـــــات حيــد الميــــادين
اصبر و حق عينـاج يالحــــره تدرين
ابني و حياتي اتهون للغالي الحسيـن

المواقف و البطوله تضحيه تريد
لذالك ميتعـــذر اعـــرف الحيـــد

ألوليله و ندائي

*-------------------*--------------------*

✍ بقلم خادم الحسين ع
الشاعر رعد الچريخي

للزياره والمشايه



مشايه اعتنينه العشگ جابانـــــه
الخدم واهل المواكب تلطم ويانه

*------------------*--------------------*

شرفنه ونفتخر للموت بالخدمــــه
يجمعنه العشگ وحسين ابو اليمه
حسيناً يـــــا حسين نردد بأسمــه
هلـه وميت هلــــه الخدام ملتمــه

اليمس هاي الشعائر نگطع لسانه

*------------------*--------------------*

روايات المشي الاف مذكــــــوره
اليگصد للحسين اذنوبه مغفــوره
دستور الغرام الوالي دستـــــوره
زوار ولطم ما اروع الصـــــوره

ما ننسه الحسين و حاشه ينسانه

*------------------*--------------------*

نقسم بالخدر والگطعو جفوفــــــه
نتعنه لضريح حسين و نشوفـــــه
اجينه بتعزيه و گلوب ملهوفـــــه
قضيتنه اويه ابو السجاد معروفه

باجر بالحشر هو ايتلگانه

*------------------*--------------------*

نلطم عالصدر و العين تجـــاره
وارباب العقول بحبنه محتـاره
يفرقنه الزمن و تلمنه الزيـاره
خدام الغريب و ربعه و انصاره

تعنت شيعته هاليوم حزنانه

*------------------*--------------------*

مشايه وخدم بالخدمه مجموعه
الزاير باللطم اموسم اضلوعـــه
واليخدم بموكب تهمل ادموعــه
بمسير الاربعين نجدد اللوعـــه

الباري برحمته و عطفه خصانه

*------------------*--------------------*

ملوك بخدمته ما نعرف الذلـــــه
نزحفله زحف ونروح نوصلــــــه
صلاة العاشقين وكربله القبلـــــه
الحياة بدون ابو السجاد ما تحله

مجانين بمحبته البعض سمانه

*------------------*--------------------*

مسيرة كربله للموت نحيهـــــه
وبدموع الحزن زينب نواسيهه
العواذل والاعادي تلوم خليهــه
ثوره الاربعين بكل معانيهــــــه

يعرفهه الحسيني الطيبه وجدانه

*------------------*--------------------*

✍ بقلم خادم الحسين ع
الشاعر رعد الچريخي

بعد هضم السبي رديت بحزاني
اصيحن يا بو فاضل ماتلگاني

*---------------*---------------*

اجيت الكربله والعين سچابه
اگل الكافلي ما يرحم اغيابه
بلچن بالعتب استمع لجوابه

ولا چنه بجوده بزود جاباني

*---------------*---------------*

كلمات العتب للكافل احچيهه
مو هيچي كلتله الخوه تاليهه
ترضه ناگتي الشمر يحديهه

گتله يا كفيلي گوم شمتاني

*---------------*---------------*

چنت مخدره والگمر يحميني
صرت امرمره و البين واليني
ردته بْجيّتي يگعد يحاچيني

وسفه الي تكفل وحدي عافاني

*---------------*---------------*

دمعات الجفن بالعين مسفوحه
اعاتب والگلب تتنازف اجروحه
يتسله بحسرته او ونّته ونوحه

ما ضنيت راعي الجود ينساني

*---------------*---------------*

گلتله الحاله يا عباس ترضاهه
يشتمني العدو وبشتمي يتباهه
و العنده وصيه اشلون ينساهه

عگب هاي المآسي البين رداني

*---------------*---------------*

اكلمه و العيون ايسيل مدمعهه
اختك للوطن يا حيد رجعهه
اصيح وصرختي ما چنه يسمعه

صارت دمعتي و النوح سلواني

*---------------*---------------*

اخوي وْ ما اصدگ نوم يحلاله
كل ضني يكوم ايشاهد الحاله
ايتلگاني اريده ويجمع اعياله

بأصعب حال من رديت خلاني

*---------------*---------------*

✍ بقلم خادم الحسين ع
الشاعر رعد الچريخي

ابو ذيات لسان حال السبايه



الدمع عگب الاهل بالطف.. ولمنه
و حملنه لوعة الغربه ... ولمنه
الدهر طشرنه بالهيمه ... ولمنه

الشمر بسياطه وبسب الزچيه

*----------------*---------------*

حده حادي الضعن بالنوگ.. متنه
و عليِنه امگيد و مجروح .. متنه
يريت بحَرگة الصيوان .. متنه

ولا ليزيد ودونه هديه

*----------------*---------------*

الحِداد بيوم فرگاهم.. علنه
ومشينه وتمشي ويانه.. علنه
الوحيد بكربله خلوا.. علي أنه

و لرض الشام گادونه سويه

*----------------*---------------*

✍ بقلم خادم الحسين ع
الشاعر رعد الچريخي

شفت راية كفيلي الشمر شالاهه
وابو فاضل يمينه ويسرته انطاهه

*---------------------*-------------------*

هوّس بسيفه الشمر
وابو فاضل يعتـــذر
ضلت ازنوده بتــــر
رايته بيد الكفــــر

عمت عين الزمان اطيح خلاهه

*------------------*-------------------*

بدر بالمصرع كمــــــل
وگصته تنضح بالخجل
الوارث لخيــر العمـــل
منـــي باگــــاه الاجـــل

جرح گلبي بغيابه وعيني بچاهه

*---------------------*-------------------*

شلون أگومنه الگمر
گابل اجروف النهر
و الجسم صاير وذر
عمد صيواني انكسر

الگبل چانت مجدهه يرفرف وياهه

*-------------------*--------------------*

الخالس اسباع الحـــرب
وچفه ما يخطي الضرب
وسفه طايح عالتـــــرب
وخصمه للخيمه يطـــب

روحي بطيحته هالمنظر اذاهه

*--------------------*--------------------*

گلبي حسيته انطعـن
مدري شيريد الزمن
كافلي چفوفه هـون
وانه ما بين المحـن

مصايب كربله ما اگدر انساهه

*--------------------*---------------------*

طاح اخوي المـا يهم
عدد وبكثـــرة زلــــم
بــالگمــر عدهم علـم
دامي راسه ومنهشم

علي هجمت عساكر ما تلگاهه

*--------------------*---------------------*

الچان صيوان وسند
ينّدب وكـت الشـــدد
مگطعه ازنوده و بعد
وفـــه ويـــاي العهد

الچنت بهيبته وبرايته اتباهه

*------------------*-------------------*

الخيل وصلت وايست
و نار بالخيمه شفت
اصرخ و اندب گمت
و للگمر بيدي شلت

ابن جوشن هضمني وبيده جاباهه

*---‐--------------*------------------*

✍ بقلم خادم الحسين ع
الشاعر رعد الچريخي

نعي
السيده زينب (ع) تودع اخاها ابا الفضل (ع)



رايحه جيت اودعك يالگمر
رايحه و انته نايم عالنهر
رايحه گوه ماخذني الدهر
رايحه خويه و انطيتك خبر

************

گولها خويه بالله امودعه
گولها وابقى يم المشرعه
گولها ادري گلبك تفجعه
گولها صعبه اختك طالعّه

*************

وداعتك تجري عيني وهامله
وداعتك ريت اموت بكربله
وداعتك ابدونك ايطول الفله
وداعتك وانته راعي المرجله

************

خايفه اسمع ابطاري القصر
خايفه خاف اطبنه اعتذر
خايفه للضعن يبره الزجر
خايفه ومنك اجواب انتظر

*************

✍ بقلم خادم الحسين ع
الشاعر رعد الچريخي

آه يا رقيه



حلم بعيوني مذبوح * شخلت بيه الجروح

اثر للخيل مطبوع بخيالي
حرّم دنيتي ونوم الليالــي

*-----------------*-----------------*

طفله وجروح بدليلـــــــي كلهن اكبـــار
والسيـــاط بمتني خلت لوعـــه واثـــار
الدمعه مكروهه وتجرّح خد الصغــــار
عاشت بروحي صورهه الخيمه والنـار

اغفى وتجري العيون * تنسى الشافته شلون

منظر كربله غيب دلالي

*-----------------*-----------------*

عمري ما اريده و دعائي لحظه ميطول
شلي بالدنيــا وابويــه داستــه اخيــول
يتمونـــي بهذا حالــي وگلبـــي معلــول
ربــي وديلي المنيـــه وموتـي مرسـول

اريدن الحك الراح * واسمع صوته وارتاح

انوح الوالدي ودمعي حلالي

*-----------------*-----------------*

انتظر موتي يجيني واغفه وارتـــــاح
ذكرياتي تمر عليه مثـــــل الاشبــــاح
شاهدت عبد الله دامي وعطره فواح
و راس ابويه معلگينه بروس الارماح

طفله وعمري معدوم * متني وگلبي ملچوم

شفت الراس مرفوع بعوالي

*-----------------*-----------------*

حمّلاني دموع دهري واكبر امصـاب
و روحي تاركهه صبرهه بحر الغياب
احسب ايام ودليلي جرحه مـا طاب
يظلم الكون وحياته اليفگد احبـــاب

ريشه اويه الهوه يصير * حيره الفاگد يحير

ترخص دنيته اليفگدله غالي

*-----------------*-----------------*

ماتت احلامي واگولن الله موجـــود
صارت امتوني واديه بالضرب سود
المثلي اتعيش بحدايق بين الـــورود
وانه دمعاتي بجفوني تچوي الخدود

صعبه الوالد ايغيب * عذاب بدون تعذيب

حال الفاگدات بغربه حالي

*-----------------*-----------------*

خيمه محترگه وحوافر جرحن البال
عاشرت ضيم ومصيبه تهز الجبـال
الغالي يوميه اشوفن راسه ينشـــال
اصفن ويسرح خيالي وذبّل الحـال

اذكر عمي عباس *** واجرن گوه الانفاس

مطروح العلم والجود خالي

*-----------------*-----------------*

✍ بقلم خادم الحسين ع
الشاعر رعد الچريخي

الامام السجاد (ع) يتكلم مع جابر الانصاري



عمي جابر شحچي عن الغاضريه
عمي جابر اهلي راحوا من اديـــه
عمي جابر عمتي گادوهه سبيـــه

*------------------*----------------*

والدي داسوا ضلوعه گبالي شفتــه
انكسر ظهري بمصابه و ما حملتـه
جيتك بدمعت عيوني وابچي سكته
ريتك بعاشر محـــرم حـــاضر انته

سلبونه وحرگو اخيمنه علينـــه
سلبونه والشمر يحدي الضعينه
سلبونه وبالدمع هاليوم اجينــه

عمي جابر

*------------------*----------------*

الگمر عذبني جرحه و ذاكه حالـــه
العلم طاح بيمنه و خصمه شالـــه
حقي انوحن والجفن دمعي حلاله
هذا انه الكربله سكنت خيالـــــه

ذكرياتي سلبوا گدامي خيمــــــه
ذكرياتي بين مفجوعه ويتيمـــه
ذكرياتي دمعتي و ذيچ الهضيمه

عمي جابر

*------------------*----------------*

حرمله صوب دليلي بكل سهامـــــــه
خله عبدالله يرفرف چن حمامـــــــــه
عمي يا جابر حرام الليل انامــــــــــه
عيني تغمض و استمع صوت اليتامه

صعبه هايه عمري اخلصنه مناحه
صعبه هايه اليسهر بلوعة جراحه
صعبه هايه مظلم الليل وصباحــه

عمي جابر

*------------------*----------------*

كربله شفت العجايب اني بيهــــــه
بالحرم جرحوني عمي و شد اديهه
آه يا صرخة رقيه و هم سبيهـــــــه
ذوبت گلبي وانظر عيني ابچيهـــــه

شاهدتهه تبجي والدم بأذنهـــه
شاهدتهه طابع السوط ابمتنهـه
شاهدتهه بيه ما يطفه حزنهــه

عمي جابر

*------------------*----------------*

اصبر شلون و اشاهد عمتي تنعـه
اذكر الشتّمهه يمي وانه اسمعـــه
عمري احسنه يخلص دمعه دمعه
وحدي خلوني الغوالي والله فجعه

فارگوني واني اجيتك بالسبايـه
فارگوني و الدموع بلا نهايـــــه
فارگوني وغابو بوادي المنايـه

عمي جابر

*------------------*----------------*

الحياة بعيـني صارت كلهه مـــــــره
السبي وحرگ المخيم عندي ذكــره
حرّمت نومي الليالي و بيه عَبــــره
شفت الحسين وحوافر فوك صدره

والله هضمه عايش بنار المصيبـــه
والله هضمه صعبه اليودع حبيبــــه
والله هضمه اليبقه بدموعه ونحيبه

عمي جابر

*------------------*----------------*

✍ بقلم خادم الحسين ع
الشاعر رعد الچريخي

الخيم مهيوبه وبنصهن.. علم چان
ودليلي بخوف يتوجل.. علم چان
عگب عباس ادورلي.. على امچان

العبايه و خيمتي احتركن عليه

*--------------------*--------------------*
✍ بقلم خادم الحسين ع
الشاعر رعد الچريخي

السيده زينب( ع )اتخاطب الحادي



سرب بس روس يمشي... سرب اخوتي
و يحادي الضعن هونه.. سر بخوتي
الغيره امنل الله احسهه... سر بخوتي

بسماهر روسهم و تصد عليه

*----------*----------*

✍ بقلم خادم الحسين ع
الشاعر رعد الچريخي

نعي دخول السيده زينب((ع)) على قصر يزيد

***********


عليّه طبت الديوان كلفه

والاصعب شامتي بيه ايتشفه

ينشدني على الخوان اعرفه

شگولن والگمر مگطوع چفه

*************

عساني بكربله ضليت ميته

ولا شمّات يجرحني بكلمته

لل ديوان اطبن ما حسبته

وشوف يْزيد يتشفه بضحكته

************

خلاني الدهر بدموع عَبره

وتمنيت الگمر سالم و اخبره

وبزينب علي اشوصاه أذكره

و اكلله زماني جار غدره

**************

✍ بقلم خادم الحسين
الشاعر رعد الچريخي

بحق الامام السجاد ( ع)



ذكرياته جروح بالطف والسبي
وشينسّي المنچوي بنار العبي

هذا حاله وهذا وضعه*عمره يخلص دمعه دمعه
*-----------------------*------------------------*

ابتدت رحلة عذابه وي السبايـــه
وچانت القصه طويله بلا نهايـــه
عمّته بعينه نظرهه و صعبه هايه
تركض و نار العده بطرف العبايه

عاشر اجفونه المخيم والدمع
وصارت اسنينه تشابه للشمع

هيچي عايش چنه شمعه

*----------------------*------------------------*

بگلبه نيران المخيم صعبه تطفــه
وبمحرم يجري دمعه ويبدي طفه
يذكر ايام المآسي وذاك ضرفــــه
العليل وهذا حاله شلون اوصفــه

الخلص بدمعاته ايام العمر
الذكرياته احبال وسياط الشمر

الذكره صعبه و هم توجّعه

*-----------------------*------------------------*

صورة الطف بخياله و تجري عينه
و الاشد جرح السبي الهيج حنينه
كباله ويشوف الشمر يحدي الضعينه
و فوگ علته ونار حزنه مچتفينه

اتحمل الشمات واحزان وغرب
والعقيله كباله وسفه وتنضرب

خصمه سبهه و ما يمنعه

*----------------------*-------------------------*

حالته بذيچ الصحاري شحچي عنهه
يشاهد الروس الغوالي اقمار چنهــه
وعمته زينب شاركاهه بكل حزنهـــه
مچتفينه ويمشي گوه وي ضعنهــــه

صوره للخيمه نظرهه وللحرك
و للمتون اليجرن ادموم وزرك

اليمه اخته و عمته تنعه

*---------------------*-----------------------*

الجامعه الحزت رگبته تقص مصابه
ورحلة الشام وگفته بنص خرابـــــه
خارجي ايگولون عنه والله جابـــــه
صبت عيونه مثل صب السحابــــــه

يسمع السب وجروحه اتلچمن
وجارن عليه المصايب والزمن

بكل سنه امحرم يفجعه

*----------------------*--------------------------*

يذكر الشام وجروحه بكل مسيه
و ما يشاهد غير مسلوبه و سبيه
ساگنه بروحه بقت لوعة رقيــه
يمه ماتت بالخرابه و طفله هيـه

للمات و عايش بنار الالم
ودمعته لحسين ولراعي العلم

الشاهد اهله گباله صرعه

*---------------------*-----------------------*

✍ بقلم خادم الحسين ع
الشاعر رعد الچريخي

ابو ذيات بحق عريس الشهاده القاسم ابن الحسن
على لسان أمه



ظهري بطيحتك يمه.. تحنه
وحنيني النوگ ماضنن.. تحنه
يجاسم چفي من دمك.. تحنه

وشبابك والعرس راح امن اديه

*------------------*------------------*

ونيني أيشابه بصحره.. عِله ابناي
وبنيت امال شحچيلك.. عَله ابناي
شباب و دهري لاحگني.. عله ابناي

خذك مني وشعل نيران بيه

*------------------*------------------*

تعال وشوف جمر الهجر .. وَن شاب؟
بصدري و عطب الدلال... ون شاب
ونيني مو ونين الدوح.. ون شاب

اگبال العين ماخذته المنيه

*------------------*------------------*

✍ بقلم خادم الحسين ع
الشاعر رعد الچريخي

قصيده بحق العباس (ع) على لسان السيدة زينب(ع)
سريعه


هاليوم جيتك يا گمــر هاليوم هم عندك خبر

*------------------------*---------------------*

جيت اليـــوم ريت ادگوم خويه وتنظر لحالي
شاب الراس يا عبـــاس جبت الروس تبرالي
عندي اعتاب وي اجناب جيت وانت كفالـــي

وياك چنت امخدرة * وأدريك سبع الگنطره

*------------------*----------------*

فوگ النــوگ عيب اتلوگ اختك تمشي مسبيه
عگبك ليـــش بين الجيش وادم تنظر عليـــــه
زحمه وعيب تالي الشيب يلي اتكفلت بيـــــه

للموت دمعات الجفن * وياك خليني اندفن

*-----------------*-----------------*

دم ابچيت يمك جيت وانت بنومتك غافــي
گوم وياي يا رجواي عگبك ورم اجتافــــي
هذا الصار بين النـــار اركض والجدم حافي

شدگول يا وارث علي * رديت ودموعي تهلي

*------------------*------------------*

مدري شلون عندي عيون ظلت والنظر بيهه
كلهه اتصيـح خاف اطيح حرمه وين اهاليهه
تصعب هاي وي اعداي كلمه ويمك احچيهه

عالنوگ شافتني الزلم * والحيل راح ومنهدم

*-------------------*--------------------*

دمعي السال يحچي الحال اگعد ياضوه عيوني
احچي وياك نخوه انخاك وانت الكافل اضعوني
كلي اجراح جيت ارتاح خويه بكلمه حاچوني

عباس شنهي سگتتك * يا خوي احچي مروتك
*------------------*------------------*

چفـك وين وعدك دين يوفي الينطي الحچايه
خدري انشاف جيش آلاف امشي ويمشي ويايه
عوف النــــوم هسه وگوم بيدك رفرف الرايــه

بحماك هايه العايله * رديت خويه لكربله

*---------------*------------------*

العدهه أحيود تمشي بزود وانه الوادم تسبني
وي ضـــــلام لرض الشام دهري هواي دولبني
شفت الويـل راح الحيـل بفراگك يخال ابني

ياريت موتي بموتتك * انشاف تقبل غيرتك

*------------------*-----------------*

دربي ابعيد وانت الحيد صيتك واصل السبعه
خدري بساع راح اضيـاع وانت بزودك ترجعـه
اخذ الـروح وسفه تروح واختك تبقه منفجعه

يا خوي يحزام الظهر * ضليت باحزان الدهر

*------------------*------------------*
✍ بقلم خادم الحسين ع
الشاعر رعد الجريخي

قصيده سريعه بحق السيده زينب ع


بين الگمر و حسين ضلّت حايره

*-------------------*--------------------*

ما تدري وين تروح ضلت حايره
و مگابله المذبوح ضلت حايره
دمع الجفن مسفوح ضلت حايره

زينب غدرهه البين ضلت حايره

*-------------------*--------------------*

تصرخ يبو النوماس ضلت حايره
طاح الگمر عباس ضلت حايره
والعشره فوگ الراس ضلت حايره

اتشاهد الچفين ضلت حايره

*-------------------*--------------------*

يم راس اخوهه بهاي ضلت حايره
تگله گوم وياي ضلت حايره
صار الشمر حداي ضلت حايره

المن تدير العين ضلت حايره

*-------------------*--------------------*

ابلا كفيل اليوم ضلت حايره
شافت نحر ودموم ضلت حايره
حرمه واجتهه الگوم ضلت حايره

و تحوّطت صوبين ضلت حايره

*-------------------*--------------------*

زينب تصيح بصوت ضلت حايره
يحسيني وسفه تموت ضلت حايره
ياهو اليحامي بيوت ضلت حايره

وامكتّله الطيبين ضلت حايره

*-------------------*--------------------*

غير الذبح شتشوف ضلت حايره
خيّم عليهه الخوف ضلت حايره
شافت علم وچفوف ضلت حايره

راحوا حمات الدين ضلت حايره

*-------------------*--------------------*

هجمت ثمود وعاد ضلت حايره
تهتف يبو السجاد ضلت حايره
نصبت عزه واحداد ضلت حايره

تنطي الوجه لاوين ضلت حايره

*-------------------*--------------------*

اخوتهه عل تربان ضلت حايره
صارلهه دمهه اچفان ضلت حايره
حملت غصص واحزان ضلت حايره

فوگ الترب عارين ضلت حايره

*-------------------*--------------------*

✍ بقلم خادم الحسين ع
الشاعر الشاعر الچريخي

السلامُ على الجسد السليب




ابن امي جثته اتسلبت والخيول داسنه

*-------------------*--------------------*

صديته مرمي بكربلــه
والشيبــــــه دم امبلله
ما چنه ابن سيد المله
اصرخ وانادي يا هلـه

بدمومه شيبه اتحنه

*-------------------*--------------------*

تعنيته عالخد لاطمــــه
لگيت الضلوع مهشمه
وجهه اليشابه للسمـه
مصبوغ لونه بالدمــه

سيد شباب الجنه

*-------------------*--------------------*

تصعب عليه قصتــه
و الشمر قابض لحيته
فوگ الوطيه عمامتـه
عيني يتگلب شافتــه

سبط النبي ما چنه

*-------------------*--------------------*

انظر بقيت محيــــــره
حسيني گطعوا منحـره
اضلوعه كلهه مكســره
گبالي طايح عالثــــره

محد يردهن عنه

*-------------------*--------------------*

حال السبط شيوصفـه
اثنعش طبره بالگفــــه
ميدان للعسكر صفـــه
الينظر عليه ما يعرفـه

عذب دليلي بونه

*-------------------*--------------------*

بحر الظهيره لوحــده
وثيابه سلبوهه الـعده
بين الاعادي الحاقــده
فت الدليل ومــــــرده

صدره طحن طحننه

*-------------------*--------------------*

محد يجيه ويدفنــــــه
ذاري الوطيه الچفنـــه
الظهر لمصابه انحنــه
بيا ذنب شنهي الجنـــه

وياه اموت اتمنه

*-------------------*--------------------*

✍ بقلم خادم الحسين ع
الشاعر رعد الچريخي