rano 🖤🖇

واللي يمشي :
يمشي لانه مش مكتوبلنا ، مش لان قصرنا "

بالعُمق، مش بالمدّة''

اللي يدير كل شي باش يخليك مطمن ، اللي يدرو ع اغنيه تفرحك ، اللي يدير اي شي باش تحسي بالأمان معاه ، هكِ يحبك ''

كيف تعود غريبًا مع من رأى روحك؟”

علاش تستنا ف رجوعهم ، وانت عارف انه مستحيل "

كان قاسي حتي علي روحه ، تتوقعه يحن عليك ؟

لا رجعنا احباب ، ولا قعدنا اصحاب "

لدي صديق تتلاشى بقربه أثقال الحياة كأنها لم تكن "

يتعب لما يكون الشخص غلط ، لما تكون المشاعر وهميه ، يتعب لما يعطي بجهده لشخص م يستاهلش ''

لم يكن الا امان لقلبك لذلك تمناني ، وهل لقلبي ان يعطي الامان الا لك ''

"إلى صاحب أجمل قلب في المجرة، حروفك بمثابة مُهدئ للأعصاب ، لم تكن شكل تعبيري وحسْب." 💛

مافيش راجل مصنع أمنع ، تحكم فيه عيلته ان ماياخدكش ، معاش تصدقو سبلة أمي ماتبيكش وبوي مايبيكش ، الراجل يقدر يقنع الدنيا كلها بيك لكن لو كان راجل حايدير هكي

واحلي من يقرالي وحق الله 🥺💛

الفُقـدان الحـقيقي

- رنيم الحراري
فقت من نومي و عقلِي كان عنده ، كنت نفكر فيه ، م نعرفش علاش ، مع انه لينا فتره متفارقين ،
زعما مستاحشه تفاصيله !
اي والله مستاحشه ، صوته ، كلامه ، ضحكته ، حتي النكد والمشاكل ،
كان يوم طويل مملل ، وكل شويه ياخدنى قلبي ليه
وبعد يومي الطويل اللي مليان تعب نتصفح ع الانستا ، فجأه طلعتلي صورته ،
.
سرحت فيها هلباااا
.
هو م تغيرش
لاكن انا نحفظه ، عيونه معبيه تعب ، ضحكته كدابه ،
هو اصلا لما يكتئب ، يطول شعره ، ولحيته ،
-
وخدتني افكاري وسرحت فيها ، زعما شن اللي مزعله !!
متفكرنِي !
متفكر كل اللي درته ع خاطره ؟
" قطعت ماما افكاري وقالتلي م يستاهلش ره "
الله يسامحك يـ ماما ، عقلي زاد تشوش"
معاش عرفت انا اللي عطيت هلبا لشخص مـ يستاهلش ، ولا الوقت هو اللي ظلمنا ؟
هنت عليه هكِ بجد ، ولا الظروف فرقتنا ؟
هو كان ممثل محترف لدرجة انه نعميت ع كل شي و قـعدت معاه ؟
انا اللي كنت هبله لما فوتت الغلط ، وسامحت عشان م نخسراش ؟
وبعدها
سكتت ودموعي نزلو فجأة !
علاش مزال نتفكر فيه ، علاش واخد قلبي هكِ
علاش مزال قلبِي يحنله رغم قسوته عليا ، علاش يـ ربي حطيته قدام عيني ، انا اللي كنت نحساب روحي نسيت واستقويت !
و قعدت تايهه بين قلبي اللي مرايف ، وبين عقلي اللي يرد فيا !

نـصيب القـاضي.

نُضـت علـى صُوت ولـد الجـيران يـلي فاتح أُغنيـة مـرت سنـة
خـديت تليفـوني مِـن تحـت الوسادة ، فتـحته بنـشوف السـاعـة طاحت عيـني بالصِدفـة علـى التـاريخ و شفـته كـان ١١ أكتـوبر ، غمـيت راسـي بـ الوسـادة ، يهـديك الله يـ محمد ولد جـيراني مِن قالك نـوضني بس .!
غـرقت فـي أحلامـي .
رفعتـني لأول كلمـة نـحبـك ، لأخـر حـرف كان منـك يلي كـان مِن شهـر 3 سنـة 2019
حاولـت نباعـد و نـزيد نباعـد بــسْ البُـعد كَـان يـقرب فيـا فِـي كُـلٌ مرة مِنك ، بـ كلمـة بـ اماكـن بـ عـطر ، بـ أُغنيـة زيّ تـوا
يـعنـى حـ نُقعـد هـكي ديـما ، فِـي كُـل مرة نجرب ننسـاك ما نقـدرش و نـرجـع لـ نُقطـة الصفـر .!
هـه ، زعمـا الـنذر الأخيـر يلي كان بينا إن نُقعدوا نحبـوا فِـي بـعض لـ عند أخـر يـوم لينا ، قـاعـد يمـشي عليـا انا بـس .!
هـه ، ولا الدُعـاء يلي كُـنا نـدعوا فـيه لـ بـعض إن ربـي ما يغـيب حُـبنا لـ بـعض .!
نـهنيـك أنـتَ الوحـيد يلي تـخلي فِـي دمـوعي ينـزلوا فِـي كُــل مـرة نستـاحشك فيـها ، زيّ مـا قُـلت مـرة
اذكـرتلك بـعد دقيـقة مـن أول قرار لـ نسيـانك .
حُـبك ما كانـش إلا روح سُكنت فِـي داخـلي و الـروح هـذا كـانت روحـك ، لـيها 3 سنيـن مِـش قـادرة تـطلع مِـني ، فِـي كُـل مرة حلمـت فِـيها بـيك قُلـت حـ يجي يـاخد روحـه و يمـشي .!
بـس ، كُنتِ تجـي تطـمن عليـها و تمـشي .
فِي يـوم كُـنتِ مستاحشـاتك ، قـبل لا نُـرقد كُنتِ نفـكر فـيك ، خـداني النـوم و رقـدت ، حلمـت بيـك ، كُـنت نـدور عـليك مـشيت لـ حُـوشكم علـى رجـليا .!
هـه ، انا ما كُنتش نـعرف ويـن تجـي المنطقـة يلي تُسكـن فِـيها اساساً ، رجلـيا تبـعوا قلـبي و رُفعـوني لـيك ، بس للأسـف ما كُنتش مـوجـود ، برضـوا قلـبي كـان يـعرف ويـن يلقاك ، اعـطي لـ رجـليا النعتـة و رفعـونـي لـ الجـبل ، وقـت كُنت نمـشي ، قابلتنـي لافتـة مكتـوب فيـها مـرحباً بكـم كان مـرسوم عليـه خـريطة كـيف نوصـل فِـي مكانك ، مشـيت و كملـت ، قلبـي كـان هو يلي يرفـع فـيا ، وقفـت على باب ، لأول مـرة تخـوني الدمـوع و تنـزل قـبل مـا نـعرف علاش ، رفعـت يـدي و دُقيـت علـى الباب ، مـرة ، مرتيـن ، ثلاثـة .!
أكـثر مُـمكن ، كُنت نـبيك تسمـع نـبي نـشوفك ، فقـدت الأمل ، لفيـت و ماشيـة كُنت فاهمـة الرسالـة زين .!
وقفنـي صُـوت البـاب .!
رجعـت شُـفت لقيتـك واقف مـربع يـديك و متكي عـلى الباب ، جـيت نجـري لـ حُضنـك .

فقـت مِـن هـذا كُلـه بـ صـوت ، رحمـةُ الله عـليها ، عـظم الله أجركـم .
كُنت انا يـ نـاس .