بعيداً عن الفُصحى ، هناك خواطرٌ
باللّغةِ المحكيّة !

عطول بيخطرلي شو سر هالعطاء
يلي بتتمتّع فيه أمّهاتنا ، ليش دايماً
جاهزين ليكونوا بقمّة الكرم معنا ،
على حساب قلبهن ، و تعبهن ، و حتّى
راحتهن . .

أمّي امرأة في نهاية الأربعين من عمرها ،
دايماً وقت يكون الجو بارد ما بتخليني
أجلي و لو صحن ، بتخانق معها عطول
و بحاول أنّه آخذ عنها و لو مرّة وحدة
بس هيّ بتطالعني تحت جملتها :
" المي بووظ ، خلص افهمي "

طبعاً أنا دايماً شاكرة هالفعل ، لأن فعلاً
هاد عقاب ، الجلي بهيك جو عبارة عن
عقاب ليس إلّا . .
بس كمان أنا عرفانة إنّه أنا أقوى منها
و عندي قدرة تحمّل أكبر بحكم لسّا
صبيّة و هيّي جسدها صار أقل قوّة ،

بس هيّ قلبها أكبر !
قلبها بيعطي بحب لدرجة بينسى
المنطق و قد ما كبرت ، بما إنّي بعدي
قدام عيونها ، فأنا صغيرتها التي
لا تقوى ✨

الله يحفظلنا أمهاتنا يا رب 💜

غُفران .