الزواج مش انجاز !
الزواج سنة حياة
لما تبي تحكي على انجازات !
تكلمـي على تخصصك ؟
تكلـمي على رحلاتك ؟
تكلمـي على تقافتك ؟
هل عندك لغات ؟؟؟ هل صانعة محتوى ؟
احكـي ع هواياتك ؟
تكلمـي ع طريقة فكرك !
تكلمـي على مجالات خدمتي فيها وانجزتي ووصلتي !
متجيش تحكيلي على قصتك انتِ و الحاج وتقلبي دنيا بيها وكانك انتِ بس لي تزوجتي ؟
وبعدين الزواج مسؤولية !
وفئة قليله جدااا تكون قد مسؤولية هادي لاسف يعني حرفيا مصطلح الزواج بدي عبارة على " غير اهو باش تقهريهم تزوجي "
ولقبل تفكري فيه اصلا !
شوفي لروحك واسألي نفسك هل انتِ متقفة بما فيه الكفايه باش تجيبي اجيال وتربيهم ؟ ولا غير جيبي ولوحي ف شارع ؟ وشارع يربي ؟
اسألي نفسك لو انتِ عارفة تحكمي ف صغارك وتبينلهم اساس حياتهم ع الصح !
لان زي متعرفي صغارك امانه ربي وحتتحاسبي عليها لو قصرتي !
هل انتِ قد المسؤولية ههده !
انـي نحير في الناس لي تتزوج عن جهل عقلاني !
قصدي لو انتِ انضلمتي ف واقع جاهل وشيء هدا مش بسببك بسبب عيلتك !
ف متحاوليش تربي الشيء هذا ف صغارك !
غلطة غلطوها امك وبوك متربوش صغاركم عليها !
خصوصا الجهل ! 🗣
فـ قبل متخطي اي خطوة وتفكري في موضوع الزواج احسبيله الف حساب !
واسألي روحك كويس ولما تكوني واتقة من اجابتك وقتها فكري تزوجي 🫂👋.
