Сахих Аль-Бухорий📚

Ustozlarda albatta xato boladi. Siz uni payqagan chog'da ham ko'z yuming uyerini olmang.
Abu Bakr roziyallohu anhu xatto badr asirlari haqida xato maslahat berdi. Poklik Allohga xos. Ma'sumlik Rosulullohﷺ ga

Abdulloh ibn Mas'ud aytganidek:
"Bid'atchida bir haq so'zni eshitib uning hamma gapi tog'ri deb aldanma. Va aksincha Haq ahlida(sunnat ahlida) toyilish bo'ladi yoki xato ham. Sen uning bu xatosini olma, ammo barcha ishidan chetlanib ilmdan mosuvo qolma"

("Sharx usuli e'tiqod ahli sunna val jama'a" kitobidan)

Abu Hurayra roziyallohu anhudan rivoyat qilinadi,
Rosulullohﷺ :

‏من دعا إلى هدى كان له من الأجر مثل أجور من تبعه لا ينقص ذلك من أجورهم شيئاً، ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئاً‏"

"Kim hidoyatga chaqirsa, ergashuvchi kishining savobidek unga ham ajr bo'ladi. (Bu bilan amal qilgan kishining) savobidan biror narsa kamaymaydi. Kim zalolatga chaqirsa, ergashuvchi kishining gunohidek unga gunoh yoziladi. (Bu bilan amal qilgan kishining) gunohidan biror narsa kamaymaydi" , dedilar.

(Imom Muslim rivoyati)

Ummu Salama roziyallohu anhodan rivoyat qilinadi:

كنت عند رسول الله صلى الله عليه وسلم وعنده ميمونة، فأقبل ابن أم مكتوم، وذلك بعد أن أُمرنا بالحجاب فقال النبي صلى الله عليه وسلم ‏:‏ ‌‏احتجبا منه‏"‏ فقلنا‏:‏ يا رسول الله إلىس هو أعمى لا يبصرنا، ولا يعرفنا‏؟‏ فقال النبي صلى الله عليه وسلم ‏:‏ ‏"‏أفعمياوان أنتما ألستما تبصرانه‏؟‌‏!‌‏"‏

"Men Rosulullohﷺ huzurlarida tursam, Maymuna ham u Zot huzurlarida ekan. Shu payt ko'zi ojiz Ummu Maktum kelib qoldi. Bu narsa nomahram erkaklardan to'sinishga buyurilganimizdan keyin bo'lgan edi. Nabiyﷺ : "Bu kishidan to'sininglar", dedilar. Biz " Ey Allohning Rosuli, bu kishining ko'zi ojiz-ku? U bizni ko'rmaydi ham, tanimaydi ham", desak, u Zot ﷺ : "Ikkovingizni ham ko'zingiz ojizmi? Sizlar ham uni ko'rmayabsizlarmi?, dedilar.

(Abu Davud va Termiziy rivoyati. Termiziy Hasan, Sahih hadis deganlar

32-bob. Kishi islomga kirib, uni yaxshilasa, qilgan yomonliklarini Alloh kechiradi
Abu Sa’id Xudriy: “Rasululloh sallallohu alayhi va sallam: “Agar banda islomga kirib, uni ixlos bilan yaxshilashni davom ettirsa, Alloh taolo uni qilgan xatolarini kechiradi. Bundan keyingi xatolarigina hisob- kitob qilinadi. Yaxshilik 10 barobardan 700 barobargacha ko‘paytirib yoziladi. Yomonlik bitta bo‘lsa, bittaligicha yoziladi, illo yozilmasdan Alloh kechirib yuborishi ham mumkin”, -deganlar”, -deydi.

31-bob. Namoz o‘qish iymondandir
Oyati karimada: “Alloh taolo sizlarning iymonlaringizni, ya’ni Bayt ul- Muqaddas (Quddus, Iyerusalim) ga qarab o‘qigan namozlaringizni zoye ketkazmaydi”, -deyilgan.

Sahoba Barro bunday deydilar: “Payg‘ambarimiz sallallohu alayhi va sallam Madinaga keliboq qarindoshlarinikiga tushdilar va Bayt ul-Muqaddasga qarab 16 yoki 17 oy namoz o‘qidilar. Aslida Rasululloh sallallohu alayhi va sallam Makkadagi Xonai Ka’bani qibla qilib namoz o‘qishni yaxshi ko‘rardilar. Xonai Ka’baga qarab birinchi o‘qigan namozlari asr namozi edi. Rasululloh bilan birga bir qavm jamoasi ham namoz o‘qidi. Birga namoz o‘qiganlardan biri boshqa masjidda namoz o‘qiyotgan odamlar yonidan o‘tayotib, ruku’da turgan vaqtlarida ularga: “Allohga qasam ichib aytamanki, biz hozir Makkai Mukarramaga qarab namoz o‘qidik”, -dedi. Shunda ular namozda turgan hollaricha Makkai Mukarramaga o‘girilib, namozni o‘qib tugatdilar. Rasululloh sallallohu alayhi va sallamning Bayt ul-Muqaddasga qarab namoz o‘qiyotganlari yahudiy va nasorolarga yoqardi, (Bayt ul-Muqaddas ularning qiblasi edi). Ammo Makkai Mukarramadagi Baytullohga qarab namoz o‘qiganlari esa ularga yoqmasdi”.

Sahoba Barro yana shunday daganlar: “Qibla Xonai Ka’baga qarab o‘zgartirilmasdan ilgari ba’zi bir kishilar vafot etib ketganlar va ba’zi birlari shahid bo‘lib ketganlar. Biz ular to‘g‘risida nima deyishni bilmaymiz, deb turganlarida yuqoridagi oyati karima nozil bo‘ldi”.

30-bob. Islom dini huzurbaxsh dindir
Rasululloh sallallohu alayhi va sallam aytganlar: “Alloh taologa islom dini eng sevimli dindir”.

Rasululloh sallallohu alayhi va sallam aytganlar: “Din o‘ng‘aydir, hech kim uni qiyinlashtirib yubormasin, mobodo, qiyinlashtirib yuborsa, din uni yengib qo‘yadi (ya’ni, solih amallarni haddan ziyod zimmasiga olishi natijasida ularni eplay olmay, hammasini tark etishiga sabab bo‘ladi). Demak, solih amallarni o‘rtacha bajaring, ibodatlarni mukammal ado etishga qodir bo‘lmasangiz, shunga yaqinroq qiling. Solih amallardan tegadigan savobdan sevining. Bu dunyodan oxiratga qilinadigan umr safarida erta tongdan, kechki paytdan va kechaning ba’zi bir qismidan unumli foydalaning!”.

Rasululloh sallallohu alayhi va sallam aytganlar: “Kimki Allohga ishonib, undan savob umid qilib, Ramazon ro‘zasini tutsa, sobiq gunohlari kechiriladi”.

Imom al-Buxoriyning «Al-jome' as-sahih» kitobidan.

28-bob. Ramazonda kechalari ibodat qilib chiqishlik iymondandir
Rasululloh sallallohu alayhi va sallam dedilar: “Kimki Ramazon kechalarini, Allohga iymon keltirib, undan savob umid etib, ibodat bilan o‘tkazsa, uning qilgan gunohlari mag‘firat qilinadi”.

27-bob. Alloh yo‘lida jihod qilish iymondandir
Rasululloh sallallohu alayhi va sallam: “Alloh taolo o‘z yo‘lida jihodga chiqqan odamni qadrlab: “Menga bo‘lgan iymoni va payg‘ambarlarimga bo‘lgan ishonch tufayli jihodga chiqqan bo‘lsa, uni ajr yoki o‘ljalar bilan qaytaraman, halok bo‘lsa, jannatimga kirgizaman”, -deydi”, -deganlar. Rasululloh sallallohu alayhi va sallam yana bunday deganlar: “Agar ummatimni qiyin ahvolda qoldirishdan qo‘rqmasam edi, birorta jangdan qolmagan bo‘lar edim, men Alloh yo‘lida jon nisor etib, keyin tirilsam, yana o‘lib, yana tirilsam va yana o‘lib yana tirilsam va yana o‘lsam, der edim”

26-bob. Laylat ul- Qadr kechasida ibodat qilib chiqish iymondandir
Rasululloh sallallohu alayhi va sallam aytdilar: “Kimki Laylat ul- Qadr kechasining haqligiga ishonib, Allohdan savob umidida ibodat qilib chiqsa, qilgan gunohlarining hammasi kechiriladi”.

25-bob. Munofiqning alomati
Janob Rasululloh sallallohu alayhi va sallam: Munofiqning uchta alomati bor: so‘zlasa yolg‘on so‘zlar; va’da qilsa, bajarmas; omonatga xiyonat qilur, - deganlar.

Rasululloh sallallohu alayhi va sallam aytganlar: Quyidagi to‘rtta xislat kimda bo‘lsa, aniq munofiq bo‘ladi, kimdaki ulardan bittasi bo‘lsa, uni tark etmaguncha munofiqlikdan bir xislati bor ekan, deyiladir:

- omonatga xiyonat qiladi;

- so‘zlasa, yolg‘on so‘zlaydi;

- shartnoma tuzsa, shartida turmaydi;

- urishib qolsa, kek saqlaydi va nohaqlik qiladi.

24-bob. Eng katta zulm
Sahoba Abdulloh ibn Mas’ud aytadilar: “Iymonini zulm bilan bulg‘amagan mo‘minlar oxiratda najot topadilar, ular hidoyatli kishilardir”,- degan oyati karima nozil bo‘lganda sahobalar: “Qaysi birimiz o‘z jonimizga zulm qilmaganmiz”,- deb qattiq ezilishdi. Shunda Alloh taolo: “Albatta, shirk eng kata zulmdir”,- degan oyatni nozil qildi.

23-bob. Ikki guruh mo‘minlar bir-birlari bilan urishsalar, o‘rtalariga tushib, yarashtirib qo‘ying, zero Alloh ularni ham mo‘minlar deb atagan
Sahoba Ahnaf rivoyat qiladi: “Mana bu kishini himoya qilgani yo‘l oldim. Yo‘lda Abu Bakr yo‘liqdi. “Qayoqqa ketyapsan?”, -dedi. “Mana bu kishiga yordamlashgani ketyapman”, - dedim. “Qayt, men Rasululloh sallallohu alayhi va sallamdan eshitganman, agar ikki musulmon qilich yalong‘ochlab bir- biriga hamla qilsa, o‘ldirgan ham, o‘lgan ham, do‘zaxga tushadi. “Yo Rasululloh, o‘ldirganku mayliya, o‘lgan nega tushadi?”, - deganimda, “U ham sherigini o‘ldirishga jazm qilgandi”, -deb aytganlar”, -dedi”.

22-bob. Gunohlar jaholat qilmishidir
Gunoh qiluvchi kishi kofir bo‘lmaydi, illo shirk keltirgan kishigina kofir bo‘ladi. Rasululloh bir gunoh qilgan kishiga: “Senda jaholatdan bor ekan”, -deganlar. Alloh oyati karimasida: “Alloh shirkni kechirmaydi, qolgan hamma narsani, xoxlasa kechirishi mumkin”, -degan Sahoba Ma’ruf rivoyat qiladilar: “Rabza degan joyda Abu Zarrni o‘zi ham, quli ham chopon kiyib kelayotgan holatda ko‘rdim. Nima uchun bir xil kiyinib oldingizlar?”, -deb so‘radim. Abu Zarr: “Men bir kishini (Bilolni), ey qora xotinning bolasi!- deb haqorat qildim. Rasululloh menga: “Ey Abu Zarr, onasini haqorat qilibsan, senda jaholatdan bor ekan”, -dedilar va yana: “Birodarlaringiz xizmatkoringizdir. Alloh taolo ularni sizlarning qo‘llaringizga topshirib qo‘yibdi. Kimniki birodari qo‘lida bo‘lsa, yeganidan yedirsin, kiyganidan kiydirsin. Kuchi yetmaydigan ishga buyurmang, mobodo, buyursangiz, yonlarida yordamlashib ishlang”, -deb qo‘shib qo‘ydilar”, -dedi”.

Biror sunnat amalini (sahih) eshitsangiz uni kichik sanamangda, Allohdan unga tavfiq va ihlos so'ragan holda amal qilishga xarakat qiling! Suv toma toma ko'l bo'lganidek, amallarimiz Robbimiz Jalla va Alo izni ila barokatli bo'lsa In shaa Alloh!

21-bob. Erning qadriga yetmaslik kufrga yaqin narsadir
Rasululloh sallallohu alayhi va sallam aytdilar: “Menga do‘zax ko‘rsatildi, qarasam, undagi odamlarning ko‘pi inkor qiluvchi xotinlar ekan”. Sahobalar: “Allohni inkor qilganmi?”, -deb so‘radilar. “Erning yaxshiligini inkor qilganlar, erning qadriga yetmaganlar. Agar ularning bittasiga bir umr yaxshilik qilsang-u, keyin sendan bir kichik yomonlik ko‘rsa: “Sendan nima ko‘rdim, hech yaxshilik ko‘rmadim”, -deb aytadi”, -deb javob berdilar.

20-bob. Salom berish islom amallaridandir
Sahoba Ammor aytganlar: “Uchta xislatni o‘zida mujassam qilgan kishining iymoni mukammal bo‘ladi:

- insofli va adolatli bo‘lish;

- barchaga salom berish;

- kambag‘alligida ham sadaqa berib turish.

Rasululloh sallallohu alayhi va sallamdan bir kishi so‘radi: “Islomda eng yaxshi xislatlar qaysi?”. Dedilar: “Ochlarga taom berish, tanigan va tanimaganga salom berish”.

19-bob. Islomni o‘limdan qo‘rqqanidan yoki itoatkorlik yuzasidan qabul qilgan kishining iymoni iymon emas!
Alloh taolo oyati karimasida: “Badaviylar: “Iymon keltirdik”, -deb ayturlar, siz ularga: “Iymon keltirmadingiz, balki, taslim bo‘ldik, deb ayting!- deng”, -deyilgan.

Islomning haqiqatdan qabul qilingani iymon keltirish bilan isbotlanadi. Alloh taolo boshqa bir oyatida: “Alloh uchun maqbul yo‘l faqat islom yo‘lidir”, yana bir oyatida esa: “Kimki islomdan boshqa yo‘lni istasa, zinhor qabul qilinmaydi”, -deyilgan.

Rasululloh sallallohu alayhi va sallam 5-10 odamga sadaqa ulasha boshladilar. Men ham shu yerda o‘tirgan edim. Rasululloh bir kishiga sadaqa bermadilar, u esa men yoqtirgan (solih) kishi edi. Men: “Yo Rasululloh, falonchiga nega bermaysiz? Uni men mo‘min deb bilaman”, -dedim. “Musulmon deb emasmi?”, -dedilar. Ozgina jim qoldim, so‘ngra u odam haqida ba’zi bir bilgan narsalarimni aytib, yana so‘radim: “Nega falonchiga bermaysiz? Uni men mo‘min deb bilaman”. Rasululloh dedilar: “Musulmon deb emasmi?”. Biroz jim turib, yana so‘radim. Rasululloh aytdilar: “Ey Sa’d, u kishiga berar edim-u, lekin undan ko‘ra boshqalarga berganim ma’qulroqdir, chunki Alloh ularni do‘zaxga tushirishidan qo‘rqaman”.

18-bob. Iymon- islom amriga amal qilish
Alloh taolo oyati karimasida: “Jannat- qilgan amali solihlaringiz evaziga berilgandir”, - deydi. Boshqa bir oyatda esa: “Robbing, muqarrarkim, barchadan “La ilaha illalloh”ga qanday amal qilganlarini so‘ramay qo‘ymas”, -deyiladi. Yana bir boshqa oyatda: “Najot istaganlar amal qilsinlar!”, -deyilgan.

Janob Rasululloh sallallohu alayhi va sallamdan so‘radilar: “Qaysi amal afzaldir?”. “Alloh va uning Rasuliga ishonish”, -deb javob berdilar. “Undan keyin qaysi?”, -dedilar. “Alloh yo‘llida jihod qilish”, -deb aytdilar. “Undan keyin- chi?”, -deb so‘radilar. “Qabul bo‘lguchi hajdir”, -deb javob qildilar.