(7-НЧЕ БҮЛЕК: «ГЫЙЛЕМГӘ ОМТЫЛ!»)
🌿 Әнәс ибен Мәликтән килгән хәдистә, Пәйгамбәребез :
طَلَبُ الْْعِلْمِ فَريضَةٌ عَلَى كُلِّ مُسْلِمٍ
«Гыйлем алу — һәрбер мөселманга фарыз», дигән.
📚«Сәхих әт-Тәргыйб вә-т-тәрхһиб» (72).
Олы галимләргә гына фарыз түгел, җәмәгать! Муллаларга гына, хәзрәт-абыстайларга гына, мәчет имамнарына гына түгел! Ә һәрбер, үзен "мин мөселман" диеп, әйтеп йөрүчегә! ФАРЫ-Ы-ЫЗ!!! «Гыйлем алсаң ярый, алмасаң ярый» түгел!!!
ГЫЙЛЕМГӘ ОМТЫЛ!
Раббың тарафыннан рәхмәт булып иңгән Коръән, Сөннәт.
Һәрбер мөэмин өчен бу – зур байлык һәм искиткеч хөрмәт!
Изге ният белән, дога кылып, ярдәм сорап бер Аллаһтан
Гыйлем алыйк! Әй, дусларым, калышмагыз минем арттан!
Һәм беркайчан Коръән һәм хәдисләр укып телләр арымасын!
Ошбу юлда Аллаһның ярдәме, безнең белән һәрчак булсын!
Иман нигезләрен, гарәп телен өйрән, сахих хәдисләрне!
Һәм тәфсире белән укып ятла Коръәндәге аятьләрне!
Хәдисләрдә килә – “Гыйлем алу — һәр мөселманга фарыз!”
Раббым Аллаһ! Минем йөрәгемдә гыйлем, иман учакларын кабыз!
Әгәр дә бу юлда бераз сүнеп, арып китсәм һәм алҗысам,
Төшенлеккә бирешмәмен, Раббым, һәм борчылмамын беркайчан!
Ялкаулыктан, сансызлыктан, Раббым Аллаһ Үзең безне сакла!
Наданлыктан, гафиллектән, хөсетлектән йөрәкләрне пакъла!
Гыйлем алу юлы шома түгел, авыр, мәшәкатьле...
Әмма бу юл — Аллаһ юлы, Җәннәт юлы, шуңа күрә ул кадерле.
Бармак арасыннан ком бөртеге үткән кебек, гомеребез ага...
Күзләремне яшьләндерә йөрәк түрләреннән чыккан кайнар дога.
Туу белән үлем арасында – бары тик берничә мизгел,
Шуңа күрә Раббың Аллаһ биргән гомереңнең кадерен бел!
Гомер кыска, сизәсеңме, ничек вакыт бик тиз үтеп бара:
Ага сулар, үтә еллар, юл чатындагы баганалар артта кала...
Яшьлек, сәламәтлек, байлык белән вакыт һәм, гомумән, гомер
Бу барысы Аллаһ нигъмәтләре! Аңа бөтен мактау һәм мең шөкер!
