PREMYERA SHE'R TAYYOR
Ertamiz bormi yo ro'yo,
Omonat dunyo bu dunyo.
Qaytar dunyo shuni biling,
Qaytishiga tayyor turing!!!
ODAMLAR - 2
Do'stni do'st der edim, yonimda yurganda,
Sevgani sevardim, dardim tushunganda.
Hammaga ishonibman, maqtab turganda,
Hech qachon ketmasdi, o'rnimda bo'lganda...
Kambag'alligim aybimidi ey do'stlar,
Yuragim ezar, shundoq ham kam-u ko'stlar,
Qonagancha turibti, shilingan po'stlar,
Yaramga tuz sepib ketmoqda, odamlar...
Yolg'on gapirar, qarab turib ko'zimga,
Dardimni tushunmay ayb qo'yar, o'zimga,
Hech kimni ishi yo'q, ishonmas so'zimga,
Qaniydi shu onda bo'lsangiz o'rnimda...
Dunyo bilan ishim yo'q, o'zim bemorman,
Siz uxlagan kechalarda, men bedorman,
Soxta mehrlilardan, shundoq ham, bezorman,
Soxtalikni qo'ying, o'rnimda bo'lolmaysiz...
Yashayapman nafas olishdan ham qo'rqib,
Chiqarmay tilimga kelgan so'zni qirqib,
Xudoga soldim, sabr qilib, dilim og'rib,
Rostini aytaman, qaytmas bo'lib, keting...
Sevgimni bilmayin, sotgansiz arzonga,
Biz qilgan tilaklar aylanib armonga,
Ketdingiz, nomimni chiqarib yomonga,
Sevgimni qadrlamagan, bevafo qizlar...
Zamon yomon emas odamlar yomondir,
Bug'doy deb, bergani rangi yo'q somondir,
G'animlar Dilshodbek haliyam omondir,
Go'r qazib, tuzoq qo'ymang sog'man odamlar...
Men hali o'lmayman, yashayman sal uzoq,
Kutasizmi, yoʻllarimga qo'yib tuzoq,
Ajalim kelmasa ketolmayman biroq,
Ortimdan pichoq sanchsangiz ham odamlar...
Maylida sizlar bo'ling sog'-u salomat,
Bu dunyo omonat, qilmayman nadomat,
Allohdan qo'rqing, bandasiz axir, siz deb,
Yaqin kelmasin Alloh qaxri Qiyomat....
✍ 03.07.2023 18:50
Dilshodbek Boymirzayev
