انه الحته خياله مايمر بيه
انه مجهول ضايع والاسامي ماتلوك عليه

انه حتى من احترك دخان كل دخان مابيه
وانه الونهه الحزينه لاكت عليه

تايهه بالدروب الي ترد بيه
ضايع بين عمره و عمر الي يلاكيه

من عشرين عمره ماضحك سنه
وعلى لحضات فرحه ماتهنه

مجهول ويمر مابيه غربه
عمره اسود يدورله عله صحبه

ماينذكر اسمه بين الوجوهه
الاو كالو الماضاك بس مره

حزن كلش حزن متمازج وياه
يدور بين اصابيعه عله عمره

ملتفلف وجع شارب مرار الخوف
نايمله عله ضلمه و ماكو كمره

سجين الخواصر ماتهجره
و يدور عند اليكرهه عله فرحه


سجاد فلاح ..💚