( وإذا قيل لهم لا تفسدوا في الأرض قالوا إنما نحن مصلحون )

👈🏻 مرات بيصل المجتمع لدرجة انو يشوف الغلط صح ، والصح غلط

يعني كونوا البت يقولوا ليها ما تلبسي بنطلون ضيق وتعارض وترفض بدعوى كل البنات بلبسوا كده وهو ( موضة ) ده من #تغيُّر المفاهيم عند المجتمع

ولما الشاب يفتكر انو ( الشفتنه ) في مشاغلة البنات والونسة معاهن دليل رجولة ده من #تغيُّر المفاهيم عند المجتمع

والحكاية دي خطيرة جداً لابد من الوقوف عندها ومعالجتها وتصحيح المفاهيم المتغيرة دي وهي #مسؤولية كل وااحد في المجتمع ما بس حكر على الأم والأب

👈🏻 انتي طالما بتشوفي صحبتك بتلبس ضيق وكعب اتكلمي معاها وذكريها حتى لو عارضتك وزهجت منك برضو انصحيها وذكريها #بربنا سبحانه وتعالى

👈🏻 وانت طالما بتشوف صحبك ماشي في طريق كعب يبقى لازم توقفوا وتنصحوا وتذكروا #بربنا سبحانه وتعالى

ما تمل من النصيحة أبدااا ✋🏻

شوف حال المؤمنين في وقت النصيحة في القرآن : ( إذ قالت أمة منهم لم تعظون قوما الله مهلكهم أو معذبهم عذابا شديداً قالوا معذرة إلى ربكم ولعلهم يتقون )

حتى في وقت المعاندة والاصرار حاول انصح وبين للناس الصح

وما تخاف في الحق لومة لائم 👌🏼

واتذكر قوله عليه الصلاة والسلام : ( لئن يهدي الله بك رجلاً خيراً لك من حمر النعم )

اللهم اهدنا فيمن هديت وعافنا فيمن عافيت 🌸

#منتصر_محمد