လိုအပ်မယ်ထင်လို့ ပြန်ကူးပြီးတင်တယ်
...
ဒေါက်တာဇော်ဝေစိုး ပြင်သစ်ပါလီမန်ထဲရောက်သွားတယ် ဝဏ္ဏမောင်လွင်ကတော့ အာဆီယံမှာတောင် လူရာမဝင်ဘူးပေါ့။

ဟုတ်ပါတယ်။ NUG ဟာ diplomacy အရ စကစကို အသာစီးရထားဆဲပါပဲ။ ပြည်တွင်းက လူထုအများစုကြီးရဲ့ ထောက်ခံမှု De jure power လည်းရှိနေပါတယ်။ ဒါကို စကစ ဘက်ကလည်းသိပါတယ်။

ဒါပေမယ့် အရေးကြီးဆုံးက တစ်နိုင်ငံလုံးကို ထိန်းချုပ်ခွင့်ရထားတဲ့ စကစ ရဲ့ De fecto power ပါပဲ။ တိုင်းပြည်ရဲ့ ရုပ်ပိုင်းဆိုင်ရာ အုပ်ချုပ်ရေးယန္တရားနဲ့ ရင်းမြစ်တွေကို ကိုင်ထားနိုင်တဲ့ De fecto status ဟာ စကစရဲ့ အကြီးဆုံးလက်နက်ပဲ။

U.S, UN, ASEAN, EU ကြိုက်သလိုဖိအားပေးပါစေ စကစက သူ့အာဏာထိပါးမယ့်ကိစ္စတွေကို လိုက်လျောမှာမဟုတ်သလို မြေပြင်မှာလည်း သူတို့ကို မထောက်ခံတဲ့ အုပ်ချုပ်ခံလူထုကို တစ်ရစ်ပြီး တစ်ရစ် ကျပ်နေ၊ အာရုံလွှဲနေတာပါပဲ။

အဓွန့်ရှည်လို့ မကောင်းတဲ့ အရာတွေထဲမှာ တော်လှန်ရေးလည်းပါပါတယ်။ အခုတော်လှန်ရေးမှာ အင်တိုက်အားတိုက် ထောက်ပံ့ပါဝင်နေကြတာတွေက အခြေခံလူတန်းစားနဲ့ လူလတ်တန်းစားတွေများပါတယ်။ တိုင်းပြည်ရဲ့ အဓိက assets တွေကို လက်ဝါးကြီးအုပ်ထားနိုင်တဲ့ ခရိုနီတွေက စကစနဲ့ ဆက်ဆံရေးကို အပျက်စီးမခံကြပါဘူး။

အခြေခံလူတန်းစားတွေမှာ စားဝတ်နေရေး အခက်အခဲရှိပြီး လူလတ်တန်းစားတွေကတော့ ထောက်ပံ့ရေးမှာ တောင့်ခံနိုင်စွမ်း အကန့်အသတ်တွေရှိပါတယ်။ တော်လှန်ရေး အချိန်ကြာလာလို့ လူလတ်တန်းစားတွေပါ ချိနဲ့လာရင် လိုချင်တဲ့ရလဒ်နဲ့ ပိုဝေးပါလိမ့်မယ်။

တော်လှန်‌ရေး အစိုးရတစ်ရပ်ရဲ့ သံတမန်ရေးရာအောင်မြင်မှုဆိုတာတွေက သတင်းစာခေါင်းကြီးတွေမှာသာ ပြလို့လှတာပါ။ De fecto Power အတွက်လိုအပ်တဲ့ နယ်မြေစိုးမိုးရေးမှာ တိုးတက်မှုတစ်စုံတစ်ရာ မမြင်ရသေးတာဟာ NUG ရဲ့ အနှုတ်လက္ခဏာဆောင်တဲ့ performance တစ်ခုပါပဲ။ တခြားနိုင်ငံတွေအဖို့က ဒီမိုကရေစီရေးအတွက် လေနဲ့အားပေးတာ အလွယ်ဆုံးပါ။ ဒီအလွယ်ဆုံး အလုပ်ကိုပဲ သူတို့ကလုပ်နေကြတာပါပဲ။

NUG အနေနဲ့က ရပြီးသား သံတမန်ရေးအသာရမှုကို ထပ်ခါ ထပ်ခါပြောင်လက်နေအောင် ပွတ်နေတာထက် နယ်မြေစိုးမိုးရေးမှာ ထင်ရှားတဲ့ အောင်မြင်မှုတစ်ခုခုရအောင်လုပ်ဖို့က ပိုအရေးကြီးပါတယ်။ ကြာရင် လူတွေက မျော့ပါတော့မယ်။