ال چاتمایان بیر خیال
یئنه هر گونومه تای گلیرسن اورییمه قوناق
باخمادان، دینمه دن آچیرام اورییمی آیاق لارین آلتینا
دینمه دن، دانیشمادان اللرینی توتوب او دنیز بویدا گؤزلرینده بوغولورام
ساچلارینی داراییرام الیمله
بو نه خیال
بو نه وارلیق
سن یوخکن دا بیله سنی سئویرم
سن یوخکن ده بیله سنلی یاشاییرام
دوشونمورم سونونو بو سئودانین
نه اولور اولسون
نقدر سینسام دا سینیم
قوی بیله ایاق ایزلرین قالسین اورییمده
قوی سریلسین آتدیملارینا اورییم
قوی دونسون گؤزلرینده باخیشلاریم
بیله ال چاتمایان خیال دا اولسا
یئنه هر آخشام سایاق سنی سئویرم
بو آخشام سیل اورییندن نیفرتی
سئوینجیله ایاق قوی خیال ائویمه
آخمادان گؤز یاشلاریم
توتوم اللرینی
داراییم تئللرینی
باخارکن گؤزلرینه اوخویوم
گؤزلری فتان گؤزل
درده درد قاتان گؤزل
الیندن هارا گئدیم
منه شر ساتان گؤزل
امما شر ساتان دا منم
سن دینمه دن دانیشمادان سنی خیالیما قوناق چاغیریرام
بو قوناخلیغین آدینی قویورام ال چاتمایان خیال
سنسه نیفرتله باخ منه
بیله نیفرتلی باخیشلارینیدا سئویرم
بیله اورییمی ایاخلاسان دا
اورییمین اوسته ایاق ایزلرینی سئویرم...
@Sen_Varken
