ايهاب المالكي

محتاجك گبل

محتاجك ﻛَﺒﻞ ﻣﻮ ﻫﺴﻪ ﻭﻛﺘﻚ ﻓﺎﺕ
ﻛﺒﻞ ﺍﺳﻨﻴﻦ ﺟﻴﺘﻚ ﺟﻨﺖ ﺍﺗﺎﻧﻴﻬﺎ
ﺍﻧﺎ ﻣﺎﺻﺪﻛَﺖ ﺗﻨﻄﺒﻚَ ﻋﻴﻨﻲ ﺷﻠﻮﻥ
ﺃَﺭﺩ ﺍﻓﺘﺢ ﺟﻔﻨﻬﺎ ﻭﻛَﻮﻩ ﺍﺻﺤﻴﻬﺎ

ﻏﺾ ﻋﻴﻮﻧﻚ ﻭﺷﺮﺩﻧﻲ ﺧﻠﻲ ﺍﺭﺗﺎﺡ
ﻭﺍﻧﻲ ﻋﻴﻮﻧﻲ ﻋﻨﻚ ﺭﺍﺡ ﺃﻟﻬﻴﻬﺎ

ﻭﺍﺣﻠﻔﻠﻲ ﺷﺒﻪ ﺣﺘﻰ ﺍﻗﺘﻨﻊ ﻏﻠﻄﺎﻥ
ﻛﻔﺎﺭﺓ ﺍﻟﻴﺤﻠﻒ ﺗﺎﻟﻲ ﻳﻨﻄﻴﻬﺎ

ﻭﺑﻌﺪ ﻻ ﺗﻠﺘﻔﺖ ﻟﻠﻤﻮﺗﻪ ﺍﻟﻴﻤﺮﻭﻥ
ﺍﺫﺍ ﻻﻛَﺘﻚ ﺭﻭﺣﻲ ﺑﺪﻭﻥ ﺭﺍﻋﻴﻬﺎ

ﻣﻦ ﺍﻛَﻠﻚ ﺭﺍﻳﺢ ﺍِﺑﺮﺩ ﺣﺘﻰ ﺍَﻇﻞ ﺯﻋﻼﻥ
ﺍِﺣﺰﻥ ﺑﺲ ﺣﺴﺮﺗﻚ ﻋﻨﻲ ﺍﺧﻔﻴﻬﺎ

ﻭﻻ ﺗﻘﺮﻩ ﺷﻌﺮ ﻳﻤﻲ ﻭﻟﻮ ﻟﺤﻈﺎﺕ
ﺳﻤﻌﻨﻲ ﺳﻮﺍﻟﻒ ﻭﺯﻥ ﻣﺎ ﺑﻴﻬﺎ

ﺭِﺩ ﺍﻟﺬﻛﺮﻳﺎﺗﻲ ﻭﺳﺪ ﻋﻠﻴﻚ ﺍﻟﺒﺎﺏ
ﻭاﺳﻮﺍﺭ ﺍﻟبَﻃﻮﻟﻚ ﺭﺍﺡ ﺍﻋﻠﻴﻬﺎ

ﺍﺩﻣﻦ ﻋﺎﻟﻨﻔﺲ ﺑﺲ ﻣﺮﻩ ﺍﺫﺍ ﺟﺮﻳﺖ
ﻧﻔﺴﻲ ﻭﻣﻦ ﻫﻮﻩ ﺍﺳﻤﻚ ﺭﻳﺘﻲ ﺍﻣﻠﻴﻬﺎ

ﻃﻔﻴﺘﻚ ﺟﻤﺮ ﻛَﻮﻩ ﺍﺑﻄﻼﻉ ﺍﻟﺮﻭﺡ
ﻣﻦ ﺍﻟﺪﺧﺎﻥ ﺳﻮﺩﻩ ﺍﻟﺪﻣﻌﻪ ﺍﻟﺒﺠﻴﻬﺎ

اعشك وحدك ﻛﻮﻥ ﺍﻧﻲ ﻣﻮ ﻭﻳﺎﻙ
ﻭﺍﺩﻭﺍﺭ ﺍﻟﻀﺤﻴﻪ ﻟﻐﻴﺮﻱ ﺧﻠﻴﻬﺎ
ﺧﻀﺖ ﺍﻟﺘﺠﺮﺑﻪ ﻭﺷﻔﺖ ﺍﻟﺨﺴﺎﺭﻩ ﺷﻠﻮﻥ
ﻣﺮﻩ ﺷﻤﺎ ﺧﻄﺘﻬﺎ ﻭﺭﺩﺕ ﺍﺣﻠﻴﻬﺎ

ﺑﺎﻟﻘﺪﺭﻩ ﻛﺪﺭﺕ ﺍﻧﺴﻰ ﺳﻬﻞ ﺫﻛﺮﺍﻙ ؟ !
ﺍﺣﺬﺭ ﻣﻦ ﺻﻮَﺭَﻙ ﺧﺎﻑ ﺍﺣﺎﺟﻴﻬﺎ

ﺍﻧﺎ ﻣﺜﻞ ﺍﻟﺨﺮﺯ ﻋﻨﺪﻱ ﺍﻟﺠﺮﻭﺡ ﺍﻧﻮﺍﻉ
ﻛﻞ ﻭﺍﺣﺪ ﺑﺤﺎﻟﻪ ﻭﻣﻴﺰﻩ ﻳﺤﻮﻳﻬﺎ

ﺣﻤﻞ ﺑﺲ ﺍﻟﺜﻜﻞ ﻣﺮﺍﺕ ﻫﻢ ﻣﻄﻠﻮﺏ
ﺍﻟ ﻳﻄﻴﺮ ﺍﻟﻜﻮﺍﻏﺪ ﺧﻔﺔ ﺍﻟﺒﻴﻬﺎ

ﺣﺒﻨﻲ ﺑﺮﺍﺣﺘﻚ ﺟﻨﻚ ﺗﺰﻭﺭ ﻛﺒﻮﺭ
ﻣﺎﺍﻣﻠﻚ ﺩﻣﻮﻉ ﻛَﺒﺎﻟﻚ ﺍﺑﺠﻴﻬﺎ
ﺗﺪﺭﻱ ﻣﻦ ﺍﻟﻐﺼﻦ ﻛﻞ ﺍﻟﻄﻴﻮﺭ ﺍﺗﻄﻴﺮ
ﺍﺫﺍ ﺑﺲ ﻣﺮﻩ ﻭﺣﺪﻩ ﺍﻟﭽﻴﻠﻪ ﺗﺨﻄﻴﻬﺎ
ﺣﺒﻨﻲ ﺑﻼ ﺳﺒﺐ ﻭﺑﺪﻭﻥ ﻛﻞ ﻏﺎﻳﺎﺕ
ﻫﻴﺠﻲ ﺑﻼ ﻣﻘﺎﺑﻞ ﻟﻠﻪ ﺳﻮﻳﻬﺎ

ﻣﻮ ﻛﻞ ﺍﻟﺰﺭﻉ ﻣﺴﻤﻮﺡ ﺍﻟﻚ ﺗﺤﻮﻳﻪ
ﺃﻱ ﻓﻼﺡ ﺍﺳﺄﻟﻪ ﺍﻟﻮﺭﺩﻩ ﻳﺤﻮﻳﻬﺎ ؟!!!
ﻳﻞ ﺑﺮﻭﺣﻚ ﻗﻔﺺ ضجت ﺑﻼﺑﻞ ﺑﻲ
ﺍﻧﺎ ﺭﻭﺣﻲ ﺍﻟﻌﻨﺎﻛﺐ ﻋﺸﻌﺸﺖ ﺑﻴﻬﺎ

ﺍﺭﻳﺪ ﺍﺩﺧﻞ ﻛَﻠﺐ ﻣﺎ ﺍﻟﻜَﻪ ﺑﻲ ﺗﻤﺜﺎﻝ
ﻭﺃﺳﺄﻝ ﻋﺎﻟﺤﻀﺎﺭﻩ ﻭﻳﻤﺘﻰ ﺑﺎﻧﻴﻬﺎ

ﻣﺎﺍﺭﻳﺪ ﺍﻟﻴﻀﺤﻲ ﺑﺮﻭﺣﻪ ﺑﺲ ﺍﺣﺘﺎﺝ
نص التضحيات الچنت اضحيها