Majnuntol haqida she'r

Daryo qirg'og'ida turar majnuntol
Ko'zlari to'ymaydi boqib daryoga
Tiniq yuzlari-yu sho'xligidan lol
Sevadi, sevgisi sig'may dunyoga

Daryo esa oqar bundan behabar
Tol dardin aytolmay suradi hayol
Qo'rqadi… Aytsa-yu balki rad etar
Axir yo'lida zor qancha majnuntol

Dilidagi toshdan qomati ham dol
Bu sirni hudo-yu o'zi biladi
Ba'zida ko'nglini ko'tarar shamol
Ba'zan esa yomg'ir hafa qiladi

«Mayli, shukur,» deydi shunda ham yana
«Axir yonimda-ku suyukli yorim
Har kun diydoriga to'yaman, qara
Axir shu zilolim – hayotim, borim

Garchi, sevgim qolar dilimda pinhon
Garchi, aytolmayman chiqmaydi unim
Mayli, umrim o'tsin termulib har on
Lekin o'zgarmaydi hayot mazmunim!»