Laylisiz Majnun

Yo’llarga qaraydi - ko’zlar intizor,
Sevgisi boshlanmay topdimi yakun?!
Sog’inib vaslini hayolda chizar
Laylisiz Majnun...

Tunlari tentirab qaygadir ketar,
Kimsasiz dasht aytar: “Qo’y, do’stim, yetar!”
Bir parcha yuragin ming pora etar,
Laylisiz Majnun...

Hiloldan so’raydi “Sevgilim qani?
Qayerda, aytaqol, hurlar maskani?”
Oy botar - ketadi javob topgani
Laylisiz Majnun...

Quyosh qizdirmaydi olovdek tanni...
Bulbullarga tashlab gulgun chamanni,
Xurjunga soladi oq bo’z - kafanni,
Laylisiz Majnun...

@shoirAbdurahmon