Bo’ri

Siz boysiz, go’zalsiz - qilurlar havas,
Men hatto emasman yigitlar zo’ri.
Bilsangiz menchalik umidsiz emas,
Tunda oyga qarab uvlagan bo’ri.

Bo’ri-ku anglamas, alhol, bilmaydi,
Oyga yetib bormas uning nolasi.
Ammo men bilaman - pisand qilmaydi,
Bizday kambag’alni boyning bolasi!

“ Xolva degan bilan og’iz chuchimas,
Sevdim degan bilan qorin to’ymaydi.
Qizim, bu dunyoda sevgi kuchimas,
Katta rolni mullajiring o’ynaydi! ”

Qiz ham onasining aytganin qilib,
Tengi chiqdi - murod-maqsadga yetdi...
Endi tunlar bedor uvlamay qo’yib,
Bo’ri pul topgani chet elga ketdi.

@shoirAbdurahmon