တကယ်တော့ စစ်စည်းကမ်းသည် ဥပဒေ မလိုက်နာသည့် မည်သည့် အရာရှိ/စစ်သည် မဆိုဓားစက်လိုပဲ တိကနဲဖြတ်ပါသည်။ မျက်နှာလိုက်ခြင်း၊ ကျောသား ရင်သားခွဲခြင်းအလျဉ်းမရှိပါ။ ထိုသို့သော အရာကို တပ်မတော်သားတိုင်း သိထားပြီး ဖြစ်သဖြင့် အပြစ်ဖောက်ဖို့ဆိုတာ တော်ရုံနှင့် မစဉ်းစားရဲသည့် အရာပင်ဖြစ်ပါသည်။ ထို့ပြင် နောက်ထပ် အချက်တစ်ခုရှိပါသေးသည်။ ဘာများပါလိမ့် ... အခြားမဟုတ်။ တပ်မတော်သားတွေသည် ပြည်သူ့ရင်မှပေါက်ဖွားလာသည့် ပြည်သူ့သားတွေမို့ ပြည်သူ လူထု ကို ကာကွယ်စောင့်ရှောက်ဖို့ပဲ စိတ်ထဲရှိပါသည်။ မိဘပြည်သူ ကို သတ်ဖို့၊ မိဘပြည်သူရဲ့ နေအိမ်တွေကို မီးရှို့ဖို့ဆိုတာ စိတ်ကူးထဲတောင်မရှိကြပါ။ မယုံလျှင် ယနေ့ တာဝန်ထမ်းဆောင်နေသည့် တပ်မတော်သားတွေကို လိုက်မေးကြည့်။ ဘယ်သူမှ အဲ့လိုစိတ်ကူးမရှိကြပါဘူး။ ဒါဖြင့် တချို့ကပြောဦးမယ်။ ဒီနေ့လုပ်ရပ်တွေက တရားလားလို့ ဓမ္မလားတို့ဆိုတဲ့ ကြောင်တောင်တောင်မေးခွန်းတွေ။ အဲ့အတွက်လည်း မနေ့က ဆောင်းပါးမှာရေးသားထားပြီးသားပါ။ တပ်မတော်ရဲ့ ရပ်တည်ချက်သည် ဒို့တာဝန်အရေး(၃)ပါးနဲ့ ၂၀၀၈ ဖွဲ့စည်းပုံကာကွယ်ရေးဆိုတဲ့ အထိုင်ဘက်မှာ ရပ်တည် တယ်။ ဒါကို ထိပါးလာရင်တော့ မထိပါးအောင် သင့်တင့်တဲ့အင်အားနဲ့ ဖြေရှင်းရမှာပါ။ နိုင်ငံတော်ပြိုကွဲအောင်လုပ်နေတဲ့ သောင်းကျန်းသူကိုလည်း မေတ္တာမပို့နိုင်သလို၊ တိုင်းပြည်ကိုပြိုလဲအောင်လုပ်နေတဲ့ ဆူပူအကြမ်းဖက်တွေကိုလည်း ထိုင်ကြည့်မနေနိုင် ပါဘူ။ ဒီတော့ သောင်းကျန်းသူကိုလည်း သောင်းကျန်သူ အလျောက်၊ ဆူပူအကြမ်းဖက် သူကိုလည်း ဆူပူအကြမ်းဖက်သူအလျောက် အင်အားသုံးပြီး နိုမ့်နင်းရမှာပါ။ အဲ့လို နိုမ့်နင်းတာမှာ ပန်းနဲ့ပေါက်နေတာမဟုတ်တဲ့အတွက် ထိခိုက်သေဆုံးတာတွေရှိမှာပဲ။ ဒါက တလောကလုံး လက်ခံထားတဲ့ လော့ဂျစ်။ လက်မခံတာက NUG နဲ့ CRPH ကို ထောက်ခံနေတဲ့ နိုင်ငံရေးသမားတွေနဲ့ အဲ့နိုင်ငံရေးသမားတွေရဲ့ ဂျင်း Psywar မိ နေတဲ့ မိဘပြည်သူအချို့တွေ။
ဘာပဲဖြစ်ဖြစ်ပါလေ .. ခုတော့ ဘယ်သူကဘာလဲ ဘယ်သူကညာလဲ ဆိုတာ ရှင်းရှင်းလင်းလင်း သိသွားလောက်ပြီထင်ပါတယ်။ တပ်မတော်သည် ခေတ်သတ် တို့ မဇ္ဇိုမ တို့က ဝါဒဖြန့်နေသလို မလုပ်ပါဘူး။ ဘယ်တုန်းကမှလည်းမလုပ်ခဲ့ပါဘူး။ ဓမ္မ နိုင်ရမည်တို့၊ ငါတို့အာဏာ ငါတို့ပြန်ပေးတို့ဆိုတဲ့ အကြမ်းဖက် တွေကပဲ ဒါမျိုး လုပ်တယ်ဆိုတာ ဒီ Movie လေးက သက်သေတည်ပါတယ်။ ဘာမှပြန်မလုပ်နိုင်တဲ့ သုံ့ပန်းကို လူတွေအများကြီးလည်းဝိုင်းထားသေးတယ်။ ရှေ့ကနေလည်း ဖိနပ်နဲ့ ပါးရိုက် သေးတယ်။ ဘာပြောလို့ပြောရမှန်းတောင်မသိတော့ဘူး။ ဒါပေါ့လေ .. မြို့ထဲမှာတောင် ဗုံးခွဲ၊ လူသတ်နေသေးတာ ဒါမျိုး လုပ်တာကတော့ အပေါ်မှာပြောခဲ့သလို ထမင်းစား ရေသောက်တာကတောင် ဆန်းချင်ဆန်းနေပါဦးမည်။
နိဂုံးချုပ်ရမယ်ဆိုရင်ဖြင့် ... ယခု အွန်လိုင်းပေါ်ပျံ့နှံ့ခဲ့သည့် Movie Clip သည် ဘယ်သူက ရာဇဝတ်မှုတွေကိုကျူးလွန်ခဲ့သလဲဆိုတဲ့ Evidence တစ်ခုဖြစ်ပါတယ်။ တပ်မတော်သည် ပြည်ဖျက်နိုင်ငံရေးသမားတွေပြောသလို လူသတ်၊ ဗုံးခွဲ၊ မီးရှို့တာတွေ ဘယ်တော့မှမလုပ်ဘူးဆိုတာအတွက်လည်း လက်တွေ့ပြလို့ရသွားပါတယ်။ ကျေးဇူး အများကြီးတင်ပါတယ် ... တကယ့်ရာဇဝတ်မှုကျူးလွန်နေသူတွေက ဘယ်သူတွေလဲ ဆိုတာ သိသွားစေတဲ့အတွက် ....

မင်းထက်ကျော်ဇော
=================================
တကယ့်ရာဇဝတ်မှုကျူးလွန်နေသူတွေက ဘယ်သူတွေလဲ
(Unicode Version)

မနက်စောစောစီးစီး စိတ်မကောင်းစရာ Movie File လေးတစ်ခု အွန်လိုင်းမှာ တက်လာလို့ ဝင်ကြည့်မိတယ်။ မူဗီထဲမှာပါတာက ယောကျာၤးတစ်ယောက်ကို နောက်ထပ် ယောကျာၤးတစ်ယောက်က ဖမ်းဆီးထားပြီး အဲ့ အဖမ်းဆီးခံ ပုဂ္ဂိုလ်ရဲ့ ရှေ့တည့်တည့်မှာ အမျိုးသမီးတစ်ယောက်က မျက်နှာချင်းဆိုင်ထိုင်ပြီး စိန်ပြေ နပြေ ပါးထိုင်ရိုက်နေတာ။ သူတို့ပြောပုံဆိုပုံအရဆိုရင်တော့ ဖမ်းဆီးခံ အမျိုးသားက တပ်မတော်(သို့)မြန်မာနိုင်ငံရဲတပ်ဖွဲ့ က ဖြစ်မယ်လို့ ယူဆရတယ်။ ယူဆရတယ်ပြော တာနော် ... ဟုတ်လား မဟုတ်လားတော့မသိသေးဘူးရယ်။ စာရေးသူ သိသလောက် လည်း အဲ့လို လုံခြုံရေးတပ်ဖွဲ့ဝင် ဖမ်းခံရတယ်ဆိုတာတော့ ဘယ်ကမှ မကြားသေးဘူး ရယ်။
ထားပါ ... ကဲ အဖမ်းခံရတာ လုံခြုံရေးတပ်ဖွဲ့ဝင်ပဲဆိုပါတော့။ အဲ့လို ဆက်ဆံ လို့ရလား။ မရပါဘူး ... လုံးဝလုံး၀ မရပါဘူး။ ဘာလို့မရတာလဲ ... အပြည်ပြည်ဆိုင်ရာ လူသားချင်းစာနာထောက်ထားမှု ဓလေ့ထုံးတမ်းဥပဒေ အရမရတာပါ။ အဆိုပါ ဥပဒေမှာ ဘယ်လိုပါလဲ။ ပြောပြပါမယ် ... ဘယ်လိုပါလဲ။
- စည်းမျဉ်း ၉၀ မှာ ညှင်းပန်း နိုပ်စက်ခြင်း၊ ရက်ရက်စက်စက် (သို့မဟုတ်) လူမဆန်စွာပြုခြင်းနှင့် လူ့ဂုဏ်သိက္ခာထိခိုက်စေမည့်ရက်စက်မှုများ၊ အထူးသဖြင့် အရှက်ခွဲခြင်းနှင့် နှိမ့်ချဆက်ဆံခြင်းတို့ကိုတားမြစ်သည်။ (နိုင်ငံတကာလက်နက် ကိုင် ပဋိပက္ခ/နိုင်ငံတကာအရေးအခင်းမဟုတ်သော လက်နက်ကိုင် ပဋိပက္ခ)
- စည်းမျဉ်း ၉၁ မှာ ရိုက်နှက်အပြစ်ပေးခြင်းကိုတားမြစ်သည်။ (နိုင်ငံတကာ လက်နက်ကိုင် ပဋိပက္ခ/နိုင်ငံတကာအရေးအခင်းမဟုတ်သော လက်နက်ကိုင် ပဋိပက္ခ)