• خوذوها نصيحة مِن أخت ليكم .
جاهد كُل يوم تخشع في صلاتك وتصلي أفضل من اليوم اللي قبله ، وماتبطلش قيام أبدًا ولو مش قادر تصليه أقعد اِستغفر وإدعي، ماتوقفش محاولة حفظك للقُرآن حتى لو تموت وإنت تحاول ، يكفيك إنك تموت وإنت على الطريق وطلع مصحفك في كل وقت واقرا فيه واطلب من ربِ ان يجعل خاتمتك على القُرآن، ماتستصغرش معروف أبدًا حتى لو تحط شوية مية لـ قُطة تشربها، مادورش على علاقة حب تملي قلبك لمجرد إن ربِ مزال مرزقكش بالحلال ، خلي قلبك كله لله عشان يراضيك، تعلم علم شرعي وشوف أحكام دينك وصدقني حتكتشف حاجات واجده كنت أدير فيهم وتحسابهم حلال بس هي في الأصل حرام، بر باتك وأمك وخليهم كيف التاج على راسك وماترقدش كل يوم غير وانت مطمن انهم راضيين عليك، لو درت كل الذنوب اللي في الدُنيا من صغائرها وكبائرها توب وخليك عارف انه حيغفرلك وإياك تقنط من رحمة الله، ماتنزلش أغاني وأفلام او تجهر بذنب ليك ، خليك مستور زي ما ربِ سترك، صيم ولو يوم كل اسبوع بس ماتبطلش صيام أبدًا ولو مش حتقدر تصيم ذّكر غيرك بالصيام وشجعه، شغل وقتك واشتغل عشان الفراغ مغناطيس للذنوب ، مش مهم تشتغل شن، وماتشوفش لنظرة المجتمع ليك يكفيك نظرة الله طالما تشتغل في حاجة حلال ترضي الله وادخلك مال حلال في جيبك ، وحاول أدير أكبر قدر من الصدقات ليك، اكتب ديما على الله واحكي ديما عليه واستعيذ بالله في كل لحظة في يومك من فتنة المحيا والممات وفتنة المسيح الدجال ومن الرياء ومتنسش تندم على اللي فات من عمرك بدون ما تُرضي الله ، اندم لإن الندم رُكن من أركان التوبة .
