-
လာပြန်ပြီ….
ပြောကြပြန်ပြီ….

"Norovirus" "နိုရိုဗိုင်းရပ်စ်"…တဲ့။

ကိုဗစ် မျိုးကွဲ ဆိုပဲ…..!!!
ပြင်းထန်တယ် ဆိုပဲ…….!!!
ကာကွယ်ဆေး မရှိသေးဘူး ဆိုပဲ…….!!!

ဘာ့ကြောင့်များ
လူတွေကို လှန့်ချင် ခြောက်ချင်နေကြတာပါလဲ….???

တကယ်တော့
"Norovirus" "နိုရိုဗိုင်းရပ်စ်" ဆိုတဲ့ နာမည် ကို
ခုမှ ကြားဖူးလို့သာ အဆန်းတကြယ် အလန့်တကြား ဖြစ်ကြတာ…
အထူးအဆန်း မဟုတ်ပါဘူး….

အန်ပြီး ဝမ်းသွားစေတဲ့ ပိုး တစ်မျိုးပါပဲ….
လွယ်လွယ်ပြောရရင် အထက်လန် အောက်လျှော ပေါ့…..
တခြား အထက်လန် အောက်လျှော ဖြစ်စေတဲ့ ပိုးတွေလိုပါပဲ…..

သည်ပိုး ဝင်သွားရင် ကူးစက်ခံရရင်
ခံစားရမယ့် လက္ခဏာတွေ က
ပျို့မယ်….
အန်မယ်…..
အော်ဂလီဆန်နေမယ်…..
အစာအိမ် ဝမ်းခေါင်းနေရာ က အောင့်မယ်…..
ဗိုက် ညှစ်ညှစ်ပြီး နာမယ်……
ဝမ်းပျော့မယ်….
ဝမ်းအရည်သွားမယ်…..
အဓိက က အဲ့ဒါတွေ ဖြစ်ပါတယ်…..

တခြား ဖြစ်တတ်တာတွေ က
ကိုယ်ပူမယ်…..
ခေါင်းအုံ ခေါင်းမူးမယ်…. (ကွမ်း ဆေးမူးသလို မူးနိုင်တယ်)
ငြီးစီစီ ဖြစ်မယ်….
ချွေးစေးပြန်မယ်….
နုန်းမယ်…..
ခြေထောက် ညောင်းညာ ကိုက်ခဲမယ်……

ဗိုင်းရပ်စ်ပိုးတွေ ထုံးစံအတိုင်း
ပျမ်းမျှ ၃ ရက် အများဆုံး ၅ ရက် ကြာရင်
ပြန်ကောင်းသွားမှာပါ…..

ဖြစ်တဲ့အချိန်တော့
ကိုယ်ပူကျဆေး သောက်တာမျိုး
အအန်ပျောက်ဆေး သောက်တာမျိုး
အစာအိမ်ဆေး သောက်တာမျိုး
ဓါတ်ဆားရည် သောက်တာမျိုး
ဆိုဒါမပါ အမြှုပ်မထတဲ့ အချိုရည် သောက်တာမျိုး ပဲ
လိုအပ်ပါတယ်…..

အစာအိမ်ရောင်တာ လည်း ဖြစ်စေတတ်ပါတယ်….
အစာအိမ် ရောင်သွားရင်တော့
အစာအိမ်ရောင်တာ အတွက် ကုသမှုခံယူဖို့လိုပါတယ်….

အပူ၊ အစပ်၊ အချဉ်၊ အမာ အစားအသောက်တွေ
ရှောင်ရပါမယ်…..

ဒါပါပဲ…..

ခုလို ဆောင်းအဝင် ကာလတွေမှာ အဖြစ်များတဲ့အတွက်
Winter Vomiting Bug, Winter Vomiting Disease လို့
ခေါ်ကြပါသေးတယ်….
အစာအိမ်ရောင်ပြီး နာတာ အောင့်တာ ဖြစ်တတ်တာကြောင့်
Stomach Flu လို့လည်း
ပြောကြပါတယ်…..

ဘာ ကာကွယ်ဆေးမှ မလိုပါဘူး….

ကူးစက်ပုံ ကူးစက်နည်း က
စားစရာ သောက်စရာတွေထဲ
အဲ့သည့် Norovirus နိုရိုဗိုင်းရပ်စ် ပါလာရင် ဖြစ်မှာမို့
စားတာ သောက်တာ သန့်သန့်ရှင်းရှင်း ဖြစ်ဖို့ သတိထားပြီး
လက် ကို မှန်မှန် အသေအချာ ဆေးပေးနေရုံ နဲ့ ကို
ကာကွယ်ပြီးသား ဖြစ်နေပါပြီ…….

ဟိုနိုင်ငံမှာ ဖြစ်နေပြီ…. သည်နေရာမှာ ဖြစ်နေပြီ နဲ့
စိုးရိမ်စရာလည်း မလိုပါဘူး….
လွန်ခဲ့တဲ့ တစ်လကျော် နှစ်လလောက်ကတည်း က
အဲ့လို လက္ခဏာတွေ ဖြစ်တဲ့
ကလေး လူကြီးတွေ အတော်များများ တွေ့နေခဲ့ပြီးသားပါ….
ပိုး ကို ဓါတ်ခွဲ စစ်ဆေးတာမျိုး မလုပ်ခဲ့ရလို့သာ
အတိအကျ မပြောနိုင်တာပါ….
၃ ရက်လောက်ဆို ကောင်းသွားကြတာပါပဲ….
အစာအိမ် ရောင်သွားရင်သာ
တစ်ပတ် ဆယ်ရက်လောက် ဆေးဆက်သောက်ရတာမျိုးပါ…..

ခုလည်း
မသိဘဲ ရမ်းပြီး မှန်းပြီး ကြောက်လန့် မနေကြဖို့ အတွက်သာ
ကြိုတင် ရှင်းပြထားတာပါ….

ခြောက်လိုက်ရမှ ကြောက်လိုက်ရမှ ဆိုတဲ့
ခြောက်ချင်တဲ့ သူတွေ နဲ့
ကြောက်ချင်တဲ့ သူတွေ အတွက်တော့
ခြောက်ကြ ကြောက်ကြဦးပေါ့…….။            ။

ဒေါက်တာ ခန့်ဝင်း

(Graphic credit: midwestexpressclinic.com)